جۇما, 12 تامىز 2022
1074 2 پىكىر 2 شىلدە, 2022 ساعات 09:16

"قازمۇنايگاز" جىل سايىن 1000 جاڭاوزەندىك بالانى وقىتادى

«وزەنمۇنايگاز» اق «قازمۇنايگاز» ۇلتتىق كومپانياسىنىڭ قولداۋىمەن جانە مەملەكەتتىك ورگاندارمەن بىرلەسىپ «جارقىن بولاشاق» جوباسىن ىسكە قوسادى. اتالعان الەۋمەتتىك جاۋاپكەرشىلىك جوبا اياسىندا جاڭاوزەندەگى دارىندى وقۋشىلاردىڭ ەلىمىزدىڭ ۇزدىك مەكتەپ-ينتەرناتتارى مەن كوللەدجدەرىندە وقۋىنا قولداۋ كورسەتىلەدى. وسى جىلدان باستاپ ءارى جىل سايىن 1000 جۋىق جاڭاوزەندىك جاستار ناقتى عىلىمداردى تەرەڭدەتىپ وقىتۋدان باستاپ شىعارماشىلىق جانە سپورتتىق تالانتتارىن دامىتۋعا دەيىن ءتۇرلى باعىتتار بويىنشا سۇرانىسقا يە ماماندىقتاردى وقۋعا مۇمكىندىك الادى. جوبا 2025 جىلعا دەيىن جوسپارلانعان. وسى كەزەڭ ىشىندە 4 مىڭعا دەيىن وقۋشى بىلىمدەرىن جەتىلدىرە الادى.

«جارقىن بولاشاق» جوباسىنىڭ ماقساتى – ساپالى ءبىلىم الۋعا قولجەتىمدىلىكتى قامتاماسىز ەتۋ، وقۋشىلاردىڭ ءبىلىم ساپاسىن، سونداي-اق ولاردىڭ ەڭبەك نارىعىندا باسەكەگە قابىلەتتىلىگىن ارتتىرۋ.

جوبا وسى جىلى 2 باعىتتى قامتيدى. اتاپ ايتقاندا ءبىرىنشىسى- وقۋشىلاردىڭ اكادەميالىق ۇتقىرلىعىنا ءمان بەرىلسە، ەكىنشىسى-سۇرانىسقا يە ماماندىقتار بويىنشا كوللەدجدەردە  ءبىلىم الۋ ىسكە قوسىلادى. بۇل رەتتە رەسپۋبليكالىق مامانداندىرىلعان مەكتەپ-ينتەرناتتاردا وقۋ ءۇشىن مەملەكەتتىك كۆوتالار ءبولۋ قاراستىرىلۋدا. ال وسى مەكتەپ-ينتەرناتتاردا جانە كوللەدجدەردە اقىلى نەگىزدە وقۋ ۇلتتىق كومپانيا ەسەبىنەن جۇرگىزىلەدى. وقۋ اقىسىمەن قوسا، تۇراتىن ورىنى، جولاقى جانە باسقا دا شىعىندار وتەلەدى.

جاڭاوزەندىك وقۋشىلار قازاقستاننىڭ ءتۇرلى قالالارى مەن ايماقتارىنداعى مەكتەپ-ينتەرناتتار مەن تەحنيكالىق جانە كاسىپتىك ءبىلىم بەرۋ مەكەمەلەرىن (كوللەدجدەر) تاڭداپ، ىرىكتەۋدەن وتە الادى. ءبىلىم بەرۋ مەكەمەلەرىنىڭ اراسىندا اقمولا وبلىسىنداعى دارىندى بالالارعا ارنالعان IQanat High School of Burabay مەكتەپ-پانسيوناتى، قر ءىرى قالالارىنداعى فيزيكا-ماتەماتيكا باعىتىنداعى جوعارى بىلىكتى مەكتەپ-ينتەرناتتار، سپورت باعىتىنداعى مەكتەپتەر (وليمپيادالىق رەزەرۆ مەكتەپتەرى), قر ءىرى قالالارىنداعى «جاس مامان» باعدارلاماسى بويىنشا جاڭعىرتىلعان كوللەدجدەر، ونەر سالاسىنداعى كوللەدجدەر جانە اسكەري مەكتەپتەر جانە «جاس ۇلان» كوللەدجدەرى بار. مەكتەپ-ينتەرناتتارعا قابىلداۋ جانە كوللەدجدەرگە ءتۇسۋ جاسى وقۋ ورىندارىنىڭ ىشكى ەرەجەلەرىمەن رەتتەلەدى.

بۇل رەتتە وقۋ ورىندارىنىڭ ءبىلىم بەرۋ جۇيەسى، ونىڭ ىشىندە جايلى جاتاقحانا، تاماقتانۋ وبەكتىلەرى، مەديتسينالىق قىزمەت، بىلىكتى پسيحولوگيالىق-پەداگوگيكالىق جانە باسقا دا قىزمەتتەر بارلىق تالاپقا ساي بولۋى ءتيىس.

باعدارلاماعا سەرىكتەس بولعان مەكتەپتەر مەن كوللەدجدەردىڭ ارنايى كوميسسيالارى جاڭاوزەندەگى بالالار اراسىنان الدىن الا ىرىكتەۋ جۇمىستارىن جۇرگىزەدى. سونداي-اق مەكتەپ وقۋشىلارى مەن ولاردىڭ اتا-انالارىن وقۋ باعدارلامالارىمەن تانىستىرۋ ماقساتىندا ءبىلىم بەرۋ مەكەمەلەرىنىڭ جارمەڭكەلەرى وتكىزىلمەك.

ايتا كەتسەك، باعدارلاماعا قاتىساتىن مەكتەپتەر مەن كوللەدجدەردىڭ ءتىزىمى الداعى ۋاقىتتا كەڭەيتىلەتىن بولادى. سونداي-اق جوبا اياسىندا كوللەدج تۇلەكتەرىن وڭىرلەردە جۇمىسقا ورنالاستىرۋدى قامتاماسىز ەتۋ قولعا الىنباق. جوبانىڭ باستى ماقساتى بالالاردىڭ ساپالى ءبىلىم الىپ، بولاشاقتا بىلىكتى مامان بولىپ قالىپتاسۋىنا جول اشۋ.

Abai.kz

2 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2102
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2025
ادەبيەت

ءتۇس

ەرعالي باقاش 1711
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2747