جۇما, 29 ناۋرىز 2024
1882 3 پىكىر 1 شىلدە, 2022 ساعات 13:51

"وپەراتور-روپ" قۇرىلتايشىسىنا ىزدەۋ جاريالاندى

سىبايلاس جەمقورلىققا قارسى ءىس-قيمىل اگەنتتىگى "وپەراتور-روپ" كومپانياسىنىڭ بۇرىنعى قۇرىلتايشىسى شىنار مۇحتاروۆاعا ىزدەۋ جاريالادى.

ول 2017-2018 جىلدارى ەكولوگيالىق كودەكس تالاپتارىن بۇزا وتىرىپ، "وزىنە ديۆيدەند تۇرىندە زاڭسىز تولەنگەن 920 ميلليون تەڭگە ۋتيليزاتسيا الىمىن يەلەنگەن" دەگەن كۇدىككە ىلىنگەن.

شىنار مۇحتاروۆانى قاماۋعا الۋ جونىندە سوت شەشىمى شىققان. ونىڭ قايدا ەكەنى تۋرالى اقپارات ءۇشىن جەمقورلىققا قارسى ءىس-قيمىل اگەنتتىگى 4 مىڭ ايلىق ەسەپتىك كورسەتكىش كولەمىندە (12,2 ميلليون تەڭگە) اقشا بەرەتىنىن حابارلاعان.

اگەنتتىك "وپەراتور روپ" كومپانياسىنىڭ باسشىلىعى مەن اسا ءىرى كولەمدە اقشا جىمقىرۋ بەلگىلەرى بويىنشا وزگە دە ادامداردى تەرگەۋ جالعاسىپ جاتقانىن حابارلادى.

كەيىنگى جىلدارى قازاقستاندا ۋتيليزاتسيالىق الىمعا قارسىلىق كۇشەيە تۇسكەن. قازاقستان بيلىگى بۇل ماسەلەگە قاڭتار وقيعاسىنان كەيىن عانا نازار اۋدارعان. پرەزيدەنت قاسىم-جومارت توقاەۆ ەكس-پرەزيدەنتتىڭ كىشى قىزى ءاليا نازارباەۆامەن بايلانىسى بار "وپەراتور روپ" كومپانياسىنىڭ ۋتيليزاتسيالىق الىم جيناۋىن توقتاتۋدى تاپسىرعان.

2015 جىلى قۇرىلعان بۇل كومپانيا توزىعى جەتىپ، ەسەپتەن شىققان اۆتوموبيلدەر مەن وزگە دە تەحنيكالاردى قايتا وڭدەۋ ءۇشىن تولەنەتىن ۋتيليزاتسيالىق الىم جيناۋعا كىرىسكەن.

قاڭتار وقيعاسىنان كەيىن بيلىك ەكولوگيا ۆيتسە-ءمينيسترى احمەتجان پىرىمقۇلوۆ پەن "وپەراتور روپ" باسقارما توراعاسى مەدەت قۇمارعاليەۆ "جەمقورلىققا قاتىسى بار" دەگەن كۇدىكپەن قاماۋعا الىنعانىن حابارلاعان.

قاڭتار ايىنىڭ سوڭىندا "وپەراتور روپ" كومپانياسىنىڭ قۇقىقتىق ماسەلە بويىنشا ديرەكتورى رۋسلان شامشيەۆتىڭ ولگەنى تۋرالى حابار تاراعان.

ناۋرىز ايىندا جەمقورلىققا قارسى ءىس-قيمىل اگەنتتىگى "وپەراتور روپ" كومپانياسىنىڭ بۇرىنعى باس ديرەكتورى سۆەتلانا كوروتەنكونى "20 ميللياردتان استام تەڭگەنى جىمقىردى" دەگەن كۇدىكپەن قاماۋعا العان.

قاڭتار وقيعاسىنا كەيىن قازاقستان ۇكىمەتى ۋتيليزاتسيا الىمىن 50 پايىزعا ازايتقان. الايدا بەلسەندىلەر بۇل شەشىمگە قاناعاتتانباعان. ولار ۋتيليزاتسيالىق الىمدى 100 مىڭ تەڭگەدەن اسىرماۋدى ۇسىنعان.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593