سەنبى, 13 تامىز 2022
864 0 پىكىر 1 شىلدە, 2022 ساعات 13:47

قاڭتار وقيعاسى: تەرروريزم بويىنشا قانشا ءىس قوزعالدى؟

قاڭتار وقيعاسىنا بايلانىستى ارنايى پروكۋرورلار "جاپپاي تارتىپسىزدىك" بويىنشا 58, "تەرروريزم اكتىسى" بويىنشا 8 قىلمىستىق ءىستى قاراپ جاتىر. وسىلاي دەپ باس پروكۋراتۋرا وكىلى ەلدوس قيلىمجانوۆ مالىمدەدى.

ونىڭ سوزىنشە، قىزىلوردا وبلىسىندا اسكەري قىزمەتكەردىڭ ولىمىنەن سوڭ، "تەرروريزم اكتىسى" بابىمەن قوزعالعان قىلمىستىق ءىس بويىنشا سوت وتىرىسى جالعاسىپ جاتىر.

بۇدان بولەك شىمكەنتتە 35 كۇدىكتىنىڭ ءىسى سوتقا ءوتىپ، ءبارى ءارتۇرلى جازاعا تارتىلعان. پروكۋراتۋرا وكىلى ولارعا قايسى باپتار بويىنشا ايىپ تاعىلعانىن جانە جازا مەرزىمى قانداي ەكەنىن ناقتى ايتپادى.

"جازانى جەڭىلدەتۋگە بولمايتىن جاعدايدا، پروكۋرورلار سوتتان باس بوستاندىعىنان ايىرمايتىن جازالار بەرۋدى سۇراپ جاتىر. بۇدان بولەك پروتسەسسۋالدىق كەلىسۋ ينستيتۋتى دا كەڭىنەن قولدانىلىپ جاتىر", – دەدى قيلىمجانوۆ.

ونىڭ ايتۋىنشا، قىزىلوردا وبلىسىندا كىنالەرىن موينىنا الۋ تۋرالى پروتسەسسۋالدىق كەلىسىممەن 42 كۇدىكتىنىڭ ءىسى سوتقا بەرىلگەن. وسىنداي ىسپەن الماتى وبلىسىندا 15, جامبىل وبلىسىندا سەگىز، اقتوبە جانە شىعىس قازاقستان وبلىستارىندا ۇشتەن كىسىنىڭ ءىسى سوتقا بەرىلگەن.

قيلىمجانوۆ 55 ادامعا قاتىستى باس بوستاندىعىنان ايىرۋعا بايلانىستى ەمەس جازا تارتىلعانىن اتاپ ءوتتى.

بۇگىنگى كۇنگە دەيىن قاڭتار وقيعاسىنا بايلانىستى 392 قىلمىستىق ءىس سوتقا بەرىلىپ، 445 ادام سوتتالعان.

"ولاردىڭ ىشىندە بيلىك وكىلدەرىنە زورلىق-زومبىلىق كورسەتتى، مۇلىكتەرىن تالقىلاۋ سياقتى اۋىر قىلمىس جاسادى دەگەن 46 ادام اباقتىعا قامالدى. قاڭتار وقيعاسى بويىنشا جالپى مىڭنان استام ادام كۇدىكتى ۇستالعان. بۇگىنگى كۇندە 514 ادام قاماۋدا وتىر. 284 ادام كەپىلدىكپەن تەرگەۋ اباقتىسىنان شىعارىلعان", – دەدى قيلىمجانوۆ.

29 ماۋسىمدا قازاقستاننىڭ باس پروكۋرورىنىڭ ورىنباسارى اسەت شىنداليەۆ قاڭتار وقيعاسى كەزىندە 232 ادام قايتىس بولىپ، تاعى التى ادام ۇستالعاننان كەيىن ازاپتاۋدان كوز جۇمعانىن مالىمدەدى.

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2211
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2044
ادەبيەت

ءتۇس

ەرعالي باقاش 1728
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2781