جۇما, 12 تامىز 2022
1588 7 پىكىر 28 ماۋسىم, 2022 ساعات 14:40

پۋتين تاجىكستانعا كەلە جاتىر

رەسەي پرەزيدەنتى ۆلاديمير پۋتين سەيسەنبى كۇنى دۋشانبە قالاسىنا ۇشىپ كەلەدى. تاجىكستان پرەزيدەنتى ءباسپاسوز قىزمەتىنىڭ حابارلاۋىنشا، ۆلاديمير پۋتين مەن ەمومالي راحمون ەكى ەلدىڭ قارىم-قاتىناسى مەن اۋعانستان توڭىرەگىندەگى جاعدايدى تالقىلايدى.

وزودي راديوسىنىڭ حابارلاۋىنشا، بۇگىن، 28 ماۋسىمدا، رەسەي پرەزيدەنتى ۆلاديمير پۋتين ءبىر كۇندىك جۇمىس ساپارىمەن دۋشانبەگە كەلەدى.

تاجىك پرەزيدەنتىنىڭ ءباسپاسوز حاتشىسى ابدۋفاتتوح شاريفزودا وزودي راديوسىنا ساپار بارىسىندا ەشقانداي قۇجات قابىلدانبايتىنىن ايتتى. "ىسكەرلىك ساپار، كەزدەسۋلەر "1+1" فورماتىندا عانا وتەدى", — دەدى شاريفزودا.

ونىڭ ايتۋىنشا، پۋتين مەن راحمون "ارىپتەستىك، ەكونوميكا مەن مادەني بايلانىستاردى دامىتۋ، ايماق پەن الەمدەگى، اسىرەسە اۋعانستانداعى جاعدايدى تالقىلايدى".

رەسەي پرەزيدەنتىنىڭ كومەكشىسى يۋري ۋشاكوۆتىڭ رەسەيلىك اقپارات قۇرالدارىنا حابارلاۋىنشا، پرەزيدەنتتەر اۋەلى اسكەري-تەحنيكالىق ارىپتەستىك پەن ميگراتسيا تاقىرىبىن تالقىلايدى. "ساۋدا-ەكونوميكا جانە مادەنيەت سالالارىنداعى وزەكتى ماسەلەلەر ءسوز بولادى", - دەيدى ۋشاكوۆ.

كەلىسسوزدەر بارىسىندا اۋعانستانداعى جاعدايعا ەرەكشە نازار اۋدارىلادى. "تاجىكستان شەكاراداعى قاۋىپسىزدىگىن قامتاماسىز ەتۋ، اۋعان اۋماعىنان راديكال توپتاردىڭ ءوتىپ كەتۋىنە جول بەرمۋ، قورعانىس قۇرىلىسى ماسەلەلەرى تالقىلانادى", - دەدى ۋشاكوۆ.

Abai.kz

7 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2101
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2025
ادەبيەت

ءتۇس

ەرعالي باقاش 1711
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2746