ۋكراينا اسكەرى رەسەي اگرەسسياسىنا تاباندىلىقپەن قارسى تۇرىپ، قاتاڭ جاۋاپ بەرىپ جاتقانىنا ءتورت اي. رەسەي الەمدىك رەيتينگتە ەكىنشى ورىندا تۇرعان اسكەري دەرجاۆانىڭ ءبىرى. ال ۋكراينا رەيتينگتە 22 ورىندا تۇر. 

ءتورت ايعا سوزىلعان سوعىس قوس تاراپتى تيتىقتاتىپ، قارۋ-جاراق ارسەنالىنا سوققى بولدى. ۋكراينا قورعانىس ءمينيسترىنىڭ ورىنباسارى ۆلاديمير كارپەنكو بىلاي دەدى: ء"بىز تەحنيكانىڭ 50 پايىزىن جوعالتتىق. ونىڭ ىشىندە  1300 جاياۋ اسكەرگە ارنالعان بروندى تەحنيكا، 400 تانك پەن 700 ارتيللەريالىق جۇيەدەن ايىرىلدىق", - دەدى ول National Defence بەرگەن سۇحباتىندا.

قارۋدىڭ باسىم بولىگىنەن ايىرىلعان ۋكراينا باتىستىق تەحنيكاعا تاۋەلدى. باتىس ەلدەرى "رامشتاين" بازاسىندا ءۇش مارتە كەزدەسۋ وتكىزۋ ارقىلى ۋكرايناعا قانداي قارۋ بەرەتىنىن انىقتاپ، كيەۆكە جىبەرۋدە. ۋكراينا اۋىر ارتيللەريالىق قارۋ تۇرلەرىنىڭ كوبىرەك بەرىلۋ كەرەكتىگىن ايتادى.

العاش بولىپ ۋكرايناعا اقش اۋىر ارتيللەريانى جەتكىزە باستادى. ايگىلى م777 زەڭبىرەكتەرى ۋكراينا دالاسىندا ۇرىس جۇرگىزۋدە. م777 گاۋبيتسالارى 2005 جىلى اقش اسكەرىنە قولدانىسقا بەرىلدى جانە بۇگىندە كانادا، اۋستراليا، ءۇندىستان، ۋكراينا مەن ەۋروپا ەلدەرىندە بار. 155 ممترلىك سناريادپەن قارۋلانعان گاۋبيتسا قاراپايىم سناريادپەن 24 شاقىرىم، ال ارنايى سناريادپەن 40 شاقىرىمداعى نىساندى جويا الادى.

ۋكراينانى سوعىس باستالعالى بەرى ءسوز جۇزىندە قولداپ كەلگەن فرانتسيا، ەندى كيەۆكە قارۋ بەرە باستادى. ونىڭ ىشىندە اتىس قارۋىنان بولەك قۋاتتى "CAESAR" ارتيللەرياسىن بەردى. "CAESAR" 2022 جىلى شىعارىلىپ، وسى ۋاقىتقا دەيىن 400 داناسى قولدانىسقا بەرىلدى. "CAESAR" قاراپايىم سناريادپەن 30 شاقىرىمداعى، ال ارنايى سناريادپەن 54 شاقىرىمداعى نىساندى تالقانداي الادى.

العاش بولىپ ۋكرايناعا اۋىر ارتيللەريا بەرە باستاعان ەلدىڭ ءبىرى سلوۆاكيا ەدى. سلوۆاكيا ۋكرايناعا Zuzana ارتيللەرياسىن تابىستاپ، كيەۆتىڭ بىرنەشە باعىتتا ءساتتى قارسى شابۋىلعا كوشۋىنە اسەر ەتتى. 40 شاقىرىمداعى نىساندى جويا الاتىن Zuzana ارتيللەرياسىنىڭ 8 داناسىن ۋكراينا الدى. بۇل كوپ سانالادى، سەبەبى الەمدە بار بولعانى 30 دان استام Zuzana گاۋبيتسالارى بار.

پولشا ۋكراينانى بارىنشا قولداپ كەلە جاتقان ەل. پولياكتار ۋكرايناعا وزىندە بار تانكتىڭ باسىم بولىگىن بەردى، ناقتىلاپ ايتساق ت-72 تانكتەرىنىڭ 230 داناسىن رەسەي اسكەرىنە قارسى شابۋىل ۇيىمداستىرۋ ءۇشىن تابىستادى. بۇل تانكتەر ۆارشاۆا شارتتى ۇيىمى بولعان ساتتە پولياكتارعا بەرىلگەن بولاتىن. ارتىنشا ۆارشاۆا كيەۆكە اۋىر ارتيللەريا قاجەت ەكەنىن ەسكەرىپ، Krab گاۋبيتسالارىن بەرە باستادى. Krab 30 شاقىرىمداعى نىساندى جويا الادى. بۇگىندە ۋكراينادا 18 دانا Krab بار، الداعى ۋاقىتتا تاعى 60 داناسىن ساتىپ الماق.

گەرمانيا ەلى دە ۋكرايناعا قارۋ بەرۋدى ءجون كوردى. بەرليننىڭ پوزيتسياسى تىم تۇسىنىكسىز بولىپ كەلدى. سەبەبى ول كيەۆتى ۇنەمى ءسوز جۇزىندە قولداپ، شىنايى تۇرعىدان ناقتى قولداۋ كورسەتپەدى. الايدا وسى اپتادا بەرلين ۋكرايناعا 2 ملرد دوللار كولەمىندەگى قارجىعا قارۋ بەرۋدى ماقۇلداپ، قۇپيا تۇردە ۋكرايناعا Panzerhaubitze 2000 ارتيللەرياسىن جەتكىزە باستادى. 54 شاقىرىمداعى نىساندى قاراپايىم سناريادپەن جويا بىلگەن بۇل ارتيللەريا اسا قۋاتتى گاۋبيتسا سانالادى.

ۋكراينا ءۇشىن جاعىمدى جاڭالىقتىڭ ءبىرى اقش-تىڭ قۋاتتى زىمىران كەشەنى سانالاتىن HIMARS-ءتىڭ ۋكرايناعا كەلىپ جەتۋى. HIMARS زىمىران كەشەنى 300 شاقىرىمداعى نىساندى تالقانداۋ مۇمكىندىگىنە يە، الايدا ۋكرايناعا 70 شاقىرىمداعى نىساندى جويۋعا ارنالعان زىمىراندار بەرىلدى. بۇل ۋكراينا رەسەي اۋماعىن اتقىلاۋى مۇمكىن دەگەن كۇدىكتەن كەيىن جاسالعان ارەكەت بولسا كەرەك. ۋكراينا قورعانىس ءمينيسترى رەزنيكوۆ: "بۇل جاز باسقىنشىلار ءۇشىن تىم ىستىق بولماق، ءال كەي باسقىنشى ءۇشىن ءسوزسىز سوڭعىسى بولادى", - دەگەن جازباسىنان-اق اتالمىش قارۋدىڭ قۋاتتىلىعىن تۇسىنسەك بولادى.

ۋكراينا ءالى دە قۋاتتى قارۋ تۇرلەرىنە ءزارۋ. كيەۆ اۋىر ارتيللەريا سانىنىڭ ازدىعىن ايتادى جانە قارىمتا شابۋىل جاساۋ ءۇشىن زىمىران كەشەندەرى، سوققى جاساۋشى دروندار مەن ۇشاقتاردىڭ تابىستالۋىن سۇراۋدا.

اسحات قاسەنعالي

Abai.kz