جۇما, 29 ناۋرىز 2024
1772 0 پىكىر 20 ماۋسىم, 2022 ساعات 13:31

راحمون: "باداحشاندا باسقا امالىمىز بولمادى"

تاجىكستان پرەزيدەنتى ەمومالي راحمون 18 ماۋسىمدا دانگارا اۋدانىندا جەرگىلىكتى جانە رەسپۋبليكالىق ورگانداردىڭ جەتەكشىلەرىمەن كەزدەسىپ، تاۋلى باداحشاندا بولعان وقيعا جايىندا ايتتى. ول قارۋلانعان ادامداردى جويۋعا بۇيرىق بەرگەنىن، باسقا امالى بولماعانىن ايتتى.

“رۋشاندا اۋدان توراعاسىن، توراعا ورىنباسارىن سابادى، تۇسىنەسىزدەر مە، ايەلدى، تاجىكتى...ۇلتتىق قاۋىپسىزدىك كولونناسى كەلگەندە، 13 اسكەريدى جارالادى. ءبىر وفيتسەر قازا بولدى. باسقا امال قالمادى. ولاردىڭ قارۋلانىپ العان. رۋشاندا كوپىردى جارماق بولدى. مەن كۇش قۇرىلىمدارىنا مۇمكىن بولعانشا، ولاردىڭ كوزىن جويۋعا جانە قاماۋعا الۋعا بۇيرىق بەردىم. مەملەكەت مىندەتى – ازاماتتاردىڭ قاۋىپسىزدىگىن قامتاماسىز ەتۋ، بۇل مىندەتتى اتقارۋ مەملەكەتتىكى جانە مەملەكەت باسشىسىنىكى”، - دەدى تاجىك پرەزيدەنتى.

ەمومالي راحمون تاۋلى باداحشانداعى تارتىپسىزدىك ءۇشىن “شاعىن توپتاردى” ايىپتاپ، ايماقتىڭ نەگىزگى تۇرعىندارى كىنالى ەمەس دەدى:

“وتىز جىل. بۇل جىلدار ارالىعىندا كۇش قۇرىلىمدارى ولاردان 3-4 مىڭ وق-ءدارى الدى. ولاردى شەتەلدەن باسقارىپ وتىردى. قىسقا مەرزىمدە ولارعا 2,3 ملن دوللار قاراجات بولگەن. ولاردى باسقارىپ وتىرعان يسلام قايتا جاڭعىرۋ تەرروريستىك پارتياسى جانە جەتەكشىسى. ماقسات – توڭكەرىس جاساۋ”.

پرەزيدەنت بۇل قاراجات ايماققا قالاي جەتكەنىن ايتپادى. بيلىك وكىلدەرى وسىعان دەيىن ەلدەگى وپپوزيتسيا بەلسەندىلەرىنەن 13 000 دوللاردان كەم ەمەس اقشا تاركىلەگەنىن مالىمدەگەن. وپپوزيتسيا وكىلدەرى مۇنى تەرىسكە شىعاردى.

تاۋلى باداحشان اۆتونوم وبلىسىندا 16-17 مامىردا جەرگىلىكتى تۇرعىندار جاپپاي كوتەرىلىپ، وبلىس اكىمىنىڭ قىزمەتىنەن كەتۋىن تالاپ ەتكەن. تولقۋ كەزىندە بىرنەشە ادام قايتىس بولدى. جەرگىلىكتى باق مالىمەتىنشە، 16 ادام قايتىس بولىپ، 220 ادام جارالانعان. تاۋەلسىز اقپارات قۇرالدارى قايتىس بولعان ادامداردىڭ سانى 30-دان اساتىنىن ايتادى. ايماقتا تەلەفون جانە ينتەرنەت بايلانىسى بولمادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610