سارسەنبى, 10 تامىز 2022
انە، كوردىڭ بە؟ 2141 0 پىكىر 9 ماۋسىم, 2022 ساعات 14:23

قىرعىز بىزگە نەگە وكپەلى؟

قازاق-قىرعىز شەكاراسى ەكى ەل اراسىنداعى باستى شەشىمىن تاپپاعان ماسەلەنىڭ ءبىرى. بۇل ءتىپتى پرەزيدەنتتەر كەزدەسۋىنەن كەيىن دە، وڭ شەشىمىن تابا قويمادى. قازاقستان مەن قىرعىزستان ۇكىمەتتەرى ءوزارا كەلىسىمدەر جاساسا دا، شەكاراداعى كەپتەلىس وڭ شەشىمىن تابار ەمەس. 

"قورداي" مەن "قاراسۋ" تەكسەرۋ بەكەتتەرىندە قازاقستان شەكاراشىلارى ەۋرازيالىق ەكونوميكالىق وداق پرينتسيپتەرىنە ساي ەمەس جۇمىس جاسايدى" دەيدى قىرعىزستان تاراپى. بۇل تۋرالى قىرعىزستاننىڭ ەكونوميكا جانە كوممەرتسيا مينيسترلىگى حابارلادى.

قىرعىزستان شەكاراداعى تەكسەرۋ بەكەتتەرىنە ەۋرازيالىق ەكونوميكالىق وداق مۇشەلەرىمەن بىرگە تەكسەرىس جۇرگىزۋ كەزىندە ناقتى فاكتىلەردى كورىپ، ەرەجە بۇزۋ جايتتارىن انىقتادىق دەيدى. قازاقستان بارلىق كولىككە سالىق سالاتىنىن اتاپ ءوتىپتى.

قر شەكارا قىزمەتىنىڭ قىزمەتكەرلەرى 2022 جىلدىڭ مامىر ايىندا "قاراسۋ" وتكىزۋ بەكەتىنەن 22369 جۇك كولىگى وتكەنىن اتاپ ءوتتى. ورتاشا العاندا ءاربىر 5 مينۋت سايىن ءبىر جۇك كولىگى وتەدى دەگەن ءسوز.

"قازاقستان رەسپۋبليكاسىنىڭ شەكارا قىزمەتى مەن قر مەملەكەتتىك كىرىستەر كوميتەتىنىڭ رەسمي مالىمدەمەسىنە سايكەس، ءبىر جۇك كولىگىن «قاراسۋ» وتكىزۋ بەكەتى ارقىلى وتكىزۋ ۋاقىتى شامامەن 15-20 مينۋتتى قۇرايدى. مامىر ايىندا شامامەن 22 880 كولىك ءوتۋى كەرەك ەدى. قازاقستاندىق تاراپ ۇسىنعان بۇل سايكەسسىزدىكتەر قاتە دەپ تانىلدى. دەلەگاتسيا قازاقستاندىق تاراپ ۇسىنعان دەرەكتەردىڭ دۇرىس ەمەس جانە كۇماندى ەكەنىن اتاپ ءوتتى", - دەلىنگەن حابارلامادا.

ەكونوميكا مينيسترلىگى دەلەگاتسيا مۇشەلەرى قىرعىز تاراپى ەاەو تۋرالى شارتتىڭ بارلىق نورمالارىن ساقتايتىنىنا سەنىمدى ەكەنىن اتاپ ءوتتى. جيىنعا قاتىسۋشىلار قازاقستاندىق تاراپتى وداق تۋرالى كەلىسىمنىڭ نورمالارى مەن ەرەجەلەرىن ساقتاۋعا جانە كەدەرگىنى جويۋ ءۇشىن كەشەندى شارالار قابىلداۋعا شاقىردى.

الايدا قازاقستان تاراپى قىرعىزستاننىڭ ايىپتاۋلارىن جوققا شىعارىپ، قىرعىزستان كولىكتەرى سايكەس ەمەس قۇجاتپەن كەلەتىنىن ايتادى. بۇل شەكاراداعى تەكسەرىستى ارتتىراتىنىن ايتادى.

قازاقستان مەن قىرعىزستان باسشىلارى 26 مامىردا كەزدەسىپ، شەكارا ماسەلەسىن شەشۋ تۋرالى ۋاعدالاستى. قوسىمشا جۇك كولىكتەرىن وتكىزۋ بەكەتتەرىن اشاتىنى دا ايتىلدى، الايدا ماسەلە ءالى شەشىلمەدى.

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  1795
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 1754
ادەبيەت

ءتۇس

ەرعالي باقاش 1652
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2674