جۇما, 29 ناۋرىز 2024
بيلىك 2159 0 پىكىر 7 ماۋسىم, 2022 ساعات 14:07

قازاقستان بيداي ەكسپورتىن كوبەيتپەك

اۋىل شارۋاشىلىعى ءمينيسترى ەربول قاراشوكەەۆ بيداي ەكسپورتىن ۇلعايتۋ ماسەلەسى ەگىس ناۋقانى بىتكەندە قاراستىرىلاتىنىن ايتتى.

ۇكىمەت كۋلۋارىندا Halyq Uni ءتىلشىسى مينيسترگە «رەسەي مەن ۋكراينا اراسىنداعى سوعىس جاعدايىنا بايلانىستى قازاقستان بيداي ەكسپورتىن ۇلعايتۋدى جوسپارلاپ وتىر ما؟» دەگەن سۇراق قويدى.

«بيىل 13,5 ميلليون توننا بيداي جينالادى دەپ بولجاپ وتىرمىز، بۇل وتكەن جىلمەن سالىستىرعاندا 15%-عا ارتىق. سوندىقتان قازاقستاننىڭ ەكسپورتى ۇلعايادى دەپ كۇتىپ وتىرمىز. قازىر ءبىز بيدايدى ءداستۇرلى نارىقتارعا ەكسپورتتايمىز، ال باسقا وڭىرلەرگە بيدايدى ەكسپورتتاۋ لوگيستيكا شىعىنىمەن بايلانىستى. سول سەبەپتى امان-ەسەن بيداي جيناپ بىتىرگەن سوڭ، ياعني ەگىس ناۋقانى بىتكەندە بۇل ماسەلەنى (بيدايدى باسقا ەلدەرگە ەكسپورتتاۋ – ماسەلەسى) قاراستىرامىز»، - دەدى ەربول قاراشوكەەۆ.

سونداي-اق ول قازاقستان بيدايدى قانداي ەلدەرگە ەكسپورتتاپ جاتقانىنا توقتالدى.

«بۇگىندە ءبىز بيدايدى ورتالىق ازيا، يران، اۋعانستانعا ساتىپ جاتىرمىز. سونداي-اق از كولەمدە ەۋروپا ەلدەرىنە ەكسپورتتايمىز. بيدايدىڭ قاتتى سورتتارىن رەسەيگە شىعارىپ جاتىرمىز»، - دەدى ۆەدومستۆو باسشىسى.

ايتا كەتەيىك، اۋىل شارۋاشىلىعى ءمينيسترى بيىلعى استىق تۇسىمىنە قاتىستى پىكىر بىلدىرگەن ەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2279
عيبىرات

قايسار رۋحتى عازيز جان

مۇحتار قۇل-مۇحاممەد 3596