بەيسەنبى, 28 ناۋرىز 2024
الاساپىران 4163 9 پىكىر 3 ماۋسىم, 2022 ساعات 12:53

ۋكراينادان نە حابار؟

ۋكراينا سوعىسى ءبىز كۇتپەگەن مۇلدە باسقا سيپاتقا اۋىسىپ بارادى. باتىس ۋكرايناعا الىس قاشىقتىقتاعى نىسانداردى جويۋعا ارنالعان زىمىران كەشەندەرىن بەرە باستادى.

HIMARS كەشەنى 300 شاقىرىمداعى نىساندى جويۋعا قابىلەتتى، الايدا اقش ۋكراينادان رەسەي اۋماعىن اتقىلاماۋ تۋرالى كەپىلدىك العان. بۇل سوعىستى ۋشىقتىرماۋ ماقساتىندا جاسالىپ وتىر. ەندى بۇل كەشەندەردى ۇيرەنۋگە 3-5 اپتا كەتەدى. كەشەندەر ەۋروپادا تۇر، ياعني الدىن الا اكەلگەن جانە ناقتى شەشىم شىعارىلاتىن ءساتتى كۇتكەن. بىرنەشە اپتا ۇيرەنەدى. بۇل كنوپكالى تەلەفون ۇستاعان ادامعا بىردەن سوڭعى ۇلگىدەگى سمارتفوندى بەرە سالعانمەن بىردەي عوي. سوندىقتان ونى بارىنشا مەڭگەرۋ كەرەك. ۋاقىت كەرەك.

وزگە دە زىمىران كەشەندەرىن ۇلىبريتانيا، شۆەتسيا، پولشا، نيدەرلاندى، فرانتسيا بەرەتىن بولدى. اۋىر ارتيللەريا دا جەتكىزىلۋدە. ارتيللەريا بويىنشا ماسەلە شەشىلگەن سياقتى. ەكى اي بۇرىن ۋكراينادا ارتيللەريا تاپشى ەدى، قازىر زەڭبىرەكتەر مەن گاۋبيتسالاردىڭ ءتۇر-ءتۇرى كەلۋدە.

فرونتتا رەسەيلىكتەر دە، ۋكرايندىقتار دا قانداي دا ءبىر جەتىستىككە جەتۋدە. رەسەي شىعىس باعىتتا شابۋىلدى كۇشەيتتى. قازىر سەۆەرودونەتسك قالاسى ءۇشىن جان الىسىپ، جان بەرىسكەن شايقاس بولۋدا. قالانى تاراپتار ەكىگە ءبولىپ الدى. قالا كوشەلەرى ۇرىس الاڭىنا اينالدى. رەسەي بۇل قالانى الۋعا بارىن سالۋدا.

رەسەيدىڭ بۇل قالاعا ەرەكشە نازار اۋدارۋى ونىڭ حەرسون وبلىسىنداعى قورعانىسىن السىرەتتى. سايكەسىنشە ۋكراينا اسكەرى قازىر حەرسون وبلىسىن شابۋىلداپ، باسقىنشىلاردان ازات ەتۋدى بىرتىندەپ باستادى. ارتيللەريا جاۋ شەبىن سوققىلاپ، ارتىنشا دروندار جۇمىس جاساپ، كەيىن جاياۋ اسكەر ىسكە كىرىسۋدە. ۋكراينا اسكەرى حەرسون قالاسىنا 70 شاقىرىمداي جەردە تۇر. ءبىر اپتا بۇرىن ءجۇز شاقىرىمنان الىس جەردە ەدى. ۋكراينا اسكەرى حاركوۆ وبلىسى بويىنشا دا بىرنەشە باعىتتا رەسەي شەكاراسىنا شىقتى.

رەسەي الىس قاشىقتىققا جەتەتىن زىمىران كەشەندەرى ۋكرايناعا اكەلىنبەستەن بۇرىن شابۋىلدى كۇشەيتىپ، پوزيتسياسىن ناقتىلاپ الۋعا تىرىساتىنى انىق. ياعني ءبىر اي شابۋىل ۇدەيدى. ۋكراينا اسكەرى قازىرگى كەي جەتىستىگىنە قاراماستان كەي قالا مەن ايماقتا كاسىبي اسكەرى قورشاۋدا قالىپ، ۇلكەن شىعىن شەكپەس ءۇشىن تاكتيكالىق شەگىنىستەر دە جاسايتىن بولار.

ماسكەۋ ۋكراينا پورتتارىن بلوكتاپ، الەمدەگى ازىق-تۇلىك تاپشىلىعىنا سالماق سالۋدا. استىقتى شىعارماي، ءوزى باسىپ العان ايماقتاعى استىقتى رەسەيگە تاسۋدا. وسىلايشا ولار باتىستى بوپسالاۋعا كوشتى. «پورتتاعى استىقتى العىڭ كەلسە، سانكتسيالاردى الىپ تاستا» دەگەن سيگنال جىبەرۋدە. بۇل از استىق ەمەس. بىرنەشە ەلدى اسىراۋعا جەتەتىن استىق. رەسەي پورتتاردى اشپاسا، وندا الەمدەگى استىق تاپشىلىعى ارتىپ، ارتى بوسقىندار لەگىنە ۇلاسارى انىق. رەسەيدىڭ پورتتاردى اشپايتىنىنا، ءدالىز جاسامايتىنىنا كوزى جەتكەن بولسا كەرەك، ەۋروپانىڭ كەي ەلدەرى ۋكرايناعا پورتتى ازات ەتۋگە جانە قارا تەڭىزدەگى رەسەي كەمەلەرىن باتىرۋعا قابىلەتتى كەمەگە قارسى زىمىرانداردى بەرەتىن بولدى.

سوعىس قىزا ءتۇستى...

اسحات قاسەنعالي

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532