جۇما, 29 ناۋرىز 2024
بيلىك 1993 0 پىكىر 2 ماۋسىم, 2022 ساعات 17:56

رەفەرەندۋم ادىلەتتى قازاقستان قۇرۋدىڭ العىشارتى – ءماجىلىس دەپۋتاتى

قىزىلوردا وبلىسىندا جۇمىس ساپارىمەن جۇرگەن «AMANAT» پارتياسىنىڭ مۇشەلەرى، ءماجىلىس دەپۋتاتتارى باقىتبەك سماعۇل مەن گەننادي شيپوۆسكيح جالاعاش اۋدانىنداعى جەتەكشى شارۋاشىلىقتاردىڭ ءبىرى  «تاڭ LTD» ەڭبەك ۇجىمىمەن كەزدەستى.

الدىمەن شارۋشىلىق جۇمىسىمەن تانىسقان دەپۋتاتتار ەڭبەك ۇجىمىنا رەفەرەندۋمنىڭ ماڭىزدىلىعىن، اتا زاڭعا ەنگىزىلەتىن تۇزەتۋلەر مەن تولىقتىرۋلار تۋرالى ءتۇسىندىردى.

ءوڭىردىڭ بارلىق اۋداندارىندا بولىپ، ءتۇرلى سالا وكىلدەرىمەن كەزدەسىپ كەلەمىز. ولارمەن بولعان جۇزدەسۋلەردە كوپتەگەن ماسەلە كوتەرىلىپ جاتىر. سونىڭ ىشىندە ايەل ازاماتتاردىڭ زەينەت جاسىن قىسقارتۋ، جايىلىم جەر تاپشىلىعى، ونەركاسىپ ورىندارىن اشۋ، سۋبسيديا الۋ توڭىرەگىندە ۇسىنىستار ايتىلدى. پرەزيدەنتتىڭ رەفەرەندۋم وتكىزۋدەگى شەشىمى ناعىز حالىق ۇنىنە قۇلاق اساتىن مەملەكەتتىڭ باستى ۇستانىمىنىڭ كورىنىسى ەكەنىن بىلدىرەدى. بۇل رەفەرەندۋم شىن مانىندە ادىلەتتى قازاقستان قۇرۋ جونىندەگى ساياسي رەفورمالاردى جۇزەگە اسىرۋدىڭ العىشارتى، – دەدى باقىتبەك سماعۇل.

ءوز كەزەگىندە ءماجىلىس دەپۋتاتى گەننادي شيپوۆسكيح رەفەرەندۋمنىڭ ماڭىزدىلىعى مەن ادامقۇقىقتارىنىڭ قورعالۋى باعىتىندا ەنگىزىلەتىن وزگەرىستەرگە توقتالدى.

قۇقىق قورعاۋ سالاسىندا ەلەۋلى وزگەرىستەر ەنگىزىلمەك. سونىڭ ىشىندە كونستيتۋتسيالىق سوت قۇرىلادى. ادام قۇقىقتارى جونىندەگى ۋاكىل، ياعني ومبۋدسمەن مارتەبەسى اتا زاڭمەن ايقىندالادى. مۇنىڭ ءبارى ازاماتتاردىڭ قۇقىقتارى مەن بوستاندىقتارىن قورعاۋ ءۇشىن جاسالماق، – دەدى دەپۋتات.

سونداي-اق ءىس-شاراعا قاتىسقان وبلىستىق، اۋداندىق شتاب مۇشەلەرى رەفەرەندۋم قوعامنىڭ جالپى كوزقاراسىن، پىكىرىن تانۋعا، ساياسي بىلىكتىلىگىن ارتتىرۋعا، تۇيتكىلدى ماسەلەلەردى تالقىلاپ، وڭتايلى شەشىم شىعارۋعا ارنالعان جۇيە ەكەنىدىگىن اتاپ ءوتتى.

كەزدەسۋ بارىسىندا سەرىكتەستىك قىزمەتكەرلەرى وزدەرىن تولعاندىرعان سۇراقتارىن قويدى. ءىس-شارا سوڭىندا «تاڭ LTD» ۇجىمى ۇسىنىلعان وزگەرىستەرگە قولداۋ ءبىلدىرىپ، رەفەرەندۋمعا قاتىسۋعا دايىن ەكەندىكتەرىن ايتتى.

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565