جۇما, 29 ناۋرىز 2024
بيلىك 1785 0 پىكىر 2 ماۋسىم, 2022 ساعات 17:33

توقاەۆ ەقىۇ توراعاسى زبيگنەۆ راۋدى قابىلدادى

قاسىم-جومارت توقاەۆ ايماقتارعا ساپارى اياسىندا ەلىمىزگە كەلگەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قازىرگى توراعاسى، پولشانىڭ سىرتقى ىستەر ءمينيسترى زبيگنەۆ راۋدى قابىلدادى. 

قاسىم-جومارت توقاەۆ زبيگنەۆ راۋعا ءىلتيپات بىلدىرە وتىرىپ، قازاقستاننىڭ پولشامەن جانە وسى ۇيىممەن اراداعى ىنتىماقتاستىقتى نىعايتۋ ءۇشىن ونىڭ بۇل ساپارىنىڭ ماڭىزى زور ەكەنىن اتاپ ءوتتى. سونىمەن قاتار مەملەكەت باسشىسى جالپىۇلتتىق رەفەرەندۋمعا دايىندىق بارىسى تۋرالى ايتىپ، ەقىۇ-نىڭ وسى ماڭىزدى شاراعا باعا بەرۋ ءۇشىن ءوز ميسسياسىن جىبەرۋ جونىندەگى شەشىمىن قولدادى.

– رەفەرەندۋم – ەلىمىزدەگى ماڭىزدى ساياسي وزگەرىستەر ۇدەرىسىنىڭ باستاماسى. قازاقستاندا دەموكراتيانى ىلگەرىلەتۋ جۇمىستارى ۇزدىكسىز جالعاسا بەرەدى، – دەدى پرەزيدەنت.

قاسىم-جومارت توقاەۆ پەن زبيگنەۆ راۋ ۇيىمنىڭ اسكەري-ساياسي، ەكونوميكالىق-ەكولوگيالىق جانە گۋمانيتارلىق باعىتتارداعى ىقپالداستىعىن جان-جاقتى تالقىلادى.

قازاقستان پرەزيدەنتى پولشامەن اراداعى ەكىجاقتى ىنتىماقتاستىق جونىندە ايتا كەلە، وسى ەلدى ورتالىق ەۋروپا ايماعىنداعى ماڭىزدى سەرىكتەس رەتىندە قاراستىراتىنىن جەتكىزدى.

– 2021 جىلدىڭ قورىتىندىسى بويىنشا ءوزارا تاۋار اينالىمى 12 پايىزعا ارتىپ، 760 ميلليون دوللارعا جەتتى.  ءوزارا ساۋدا-ساتتىقتى ۇلعايتۋ ءۇشىن مۇمكىندىگىمىز مول، – دەدى قازاقستان كوشباسشىسى.

ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قازىرگى توراعاسى پرەزيدەنت قاسىم-جومارت توقاەۆتىڭ باسشىلىعىمەن جۇزەگە اسىرىلىپ جاتقان اۋقىمدى ساياسي جانە ەكونوميكالىق رەفورمالاردى جوعارى باعالادى.

–  مەنىڭ باعالاۋىم بويىنشا، الداعى رەفەرەندۋم كونستيتۋتسياعا وزگەرىستەر ەنگىزۋ، حالىقتىڭ الەۋمەتتىك ءال-اۋقاتىن ارتتىرۋ جانە نارىقتىق رەفورمالاردى ىلگەرىلەتۋ جونىندەگى ءسىزدىڭ كۇش-جىگەرىڭىز تۇرعىسىنان ۇلكەن سەرپىلىس سانالادى. الداعى رەفەرەندۋم – وڭ وزگەرىستەرگە جول اشاتىن ساياسي ەرىك-جىگەردىڭ ايرىقشا بەلگىسى. ءسىزدىڭ ەلىڭىزدەگى كونستيتۋتسيالىق رەفورمالار دەموكراتيا، بوستاندىق جانە زاڭ ۇستەمدىگى قاعيداتتارىن نىعايتۋعا باعىتتالعانىن اتاپ وتكىم كەلەدى، – دەدى پولياك ديپلوماتى.

زبيگنەۆ راۋ ەلىمىزدەگى ءدىني قاۋىمداستىقتار جانە ازاماتتىق قوعام وكىلدەرىمەن وتكىزگەن كەزدەسۋلەرى تۋرالى مالىمدەدى. سونداي-اق ول ۇلتارالىق جانە كونفەسسياارالىق كەلىسىمنىڭ قازاقستاندىق مودەلىنە جوعارى باعا بەرىپ، قازاقستاندا تۇراتىن پولياك دياسپوراسىنا تۇراقتى قولداۋ كورسەتىپ كەلە جاتقانى ءۇشىن قاسىم-جومارت توقاەۆقا ريزاشىلىعىن ءبىلدىردى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616