جۇما, 12 تامىز 2022
دەي سالدىم-اۋ 1819 1 پىكىر 2 ماۋسىم, 2022 ساعات 17:09

انتيكور ءاليانىڭ ىزىنە ءتۇستى مە؟..

«بەركۋت پود سولنتسەم» تەلەگرام ارناسى: «ءاليا نازارباەۆا نەگىزىن قالاعان الەۋمەتتىك ماڭىزى بار باستامالاردى دامىتۋ قورىنىڭ ديرەكتورى ەرمەك ءماجيتوۆتى سىبايلاس جەمقورلىققا قارسى اگەنتتىك تەرگەپ جاتىر»، - دەپ حابارلادى. الايدا قور باسشىسى بۇل حاباردىڭ شىندىققا جاناسپايتىنىن ايتقان.

«ەستىگەن كەزدە، «دەرەككوز كىم ەكەن؟»، دەپ ويلاندىم. قورعا قاتىستى تەرگەۋ جۇرگىزىلمەدى، ونداي ەشتەڭە دە ءجۇرىپ جاتقان جوق. ءبارى جاقسى. ەگەر مەنى شاقىرسا، نە بولىپ جاتقانىنان حاباردار بولار ەدىم. ەشتەڭە جوق. مەنىڭ روپ وپەراتورىنا قاتىسىم جوق، كومپانيادا جالدامالى جۇمىسشى بولدىم، ەندى وندا جۇمىس ىستەمەيمىن. ماعان قاتىستى ەشقانداي تەرگەۋ جۇرگىزىلمەدى. شىنىمدى ايتسام، مەن ونى وقىعاندا شامالى شوشىپ كەتتىم»، - دەپ جاۋاپ بەرگەن ەرمەك ءماجيتوۆ

Orda.kz سايتىنىڭ جازۋىنشا، الەۋمەتتىك ماڭىزى بار باستامالاردى دامىتۋ قورى اۋەلگى كەزدە «ۆوستوك كينو» دەگەن اتپەن اتالعان. ونى 2014 جىلى شىلدەدە ءاليا نازارباەۆا قۇرادى. قوردىڭ باسقارما توراعاسى ەتىپ ۋكرينالىق سۆەتلانا كوروتەنكونى قويادى. ول 2015 جىلعا دەيىن قوردىڭ باسشىلىعىندا ىستەدى. كەيىن ءاليا نازارباەۆا كەشەگە دەيىن ۋتيلالىمدى جيناپ كەلگەن «وپەراتور روپ-تى» قولعا العان سوڭ، كوروتەنكونى وسىندا شاقىرىپ الىپ، تاعى دا ديرەكتور ەتىپ سايلايدى.

ايتا كەتەيىك قازىر سۆەتلانا كوروتەنكونىڭ ۇستىنەن جەمقورلىققا قاتىستى ءىس قوزعالىپ جاتىر. ول 2016 جىلدان باستاپ 2021 جىلعا دەيىن كاسىپورىننان 20 ملرد تەڭگەدەن استام اقشا ۇرلادى دەگەن كۇدىككە ىلىنگەن. كوروتەنكو 2016 جىلدان باستاپ 2019 جىلعا دەيىن «وپەراتور روپ» جشس-ءىن باسقاردى، بۇعان دەيىن ءاليا نازارباەۆا ەكەۋى «اناعا اپارار جول» ءفيلمىنىڭ پروديۋسەرلەرى قاتارىندا بولدى.

ەندى قور جۇمىسىنا كەلەيىك، نازارباەۆانىڭ قورى 2015 جىلدان بەرى ۇكىمەتكە 43,7 ملن سالىق تولەگەن. بىلتىر مەملەكەت بيۋدجەتىنە 10 ملن تەڭگە تۇسىرگەن. الەۋمەتتىك ماڭىزى بار باستامالاردى دامىتۋ قورى ءبىلىم جانە عىلىم مينيسترلىگىمەن بىرلەسىپ «الەم مۇعالىمى» حالىقارالىق بايقاۋىن وتكىزدى. ەكس-پرەزيدەنتتىڭ كەنجە قىزى قازاقستاننىڭ مىڭنان دارا شىققان ۇستازدارىنا 4 ملن تەڭگە سىياقى بەردى.

الەۋمەتتىك ماڭىزى بار باستامالاردى دامىتۋ قورىنىڭ ديرەكتورى ەرمەك ءماجيتوۆ 2019 جىلدىڭ قىركۇيەگىندە وسى قىزمەتىنە كەلەدى. ءماجيتوۆ وعان دەيىن، ءاليا نازارباەۆانىڭ تاعى ءبىر كومپانياسى - «ەكو ۇماي» كومپانياسىندا باسشىلىق قىزمەت اتقارعان.

ءاليا نازارباەۆا باسقارادى دەگەن الەۋمەتتىك ماڭىزى بار باستامالاردى دامىتۋ قورى سايتىندا، ورتالىقتىڭ 2016 جىلدان بەرى ىستەپ كەلە جاتقانى جازىلعان. قۇرىلعان ساتىنەن باستاپ ورتالىق 7 ملرد.تەڭگەگە 400-گە جۋىق مەملەكەتتىك گرانتتى ىسكە اسىرعان.

ورتالىقتىڭ باس قۇرىلتايشىسى رەتىندە قر اقپارات جانە قوعامدىق دامۋ مينيسترلىگى كورسەتىلسە، سەرىكتەستەرىنىڭ اراسىندا «نۇرسۇلتان نازارباەۆ قورىن» كورۋگە بولادى.

Abai.kz

1 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2109
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2026
ادەبيەت

ءتۇس

ەرعالي باقاش 1713
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2748