جۇما, 12 تامىز 2022
بيلىك 1538 2 پىكىر 1 ماۋسىم, 2022 ساعات 15:25

ەقىۇ باسشىسى قازاقستانداعى ساياسي رەفورمالاردىڭ اۋقىمى زور ەكەنىن اتاپ ءوتتى

بۇل تۋرالى پارلامەنت ءماجىلىسىنىڭ توراعاسى ەرلان قوشانوۆپەن كەزدەسۋىندە ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قازىرگى توراعاسى، پولشا رەسپۋبليكاسىنىڭ سىرتقى ىستەر ءمينيسترى زبيگنەۆ راۋ مالىمدەدى.

زاۋ قازاقستان پرەزيدەنتى قاسىم-جومارت توقاەۆتىڭ كونستيتۋتسيالىق رەفورمالارىن ىسكە اسىرۋ ناتيجەسىندە پارلامەنتتىڭ ءرولى كۇشەيەتىنىن اتاپ ءوتتى.

قازاقستاندى اۋقىمدى ساياسي رەفورمالاردى جۇزەگە اسىرۋدا ءبىزدىڭ ۇيىم مەن ەقىۇ باعدارلامالار ءوفيسىءنىڭ بارلىق رەسۋرسى پەن تاجىريبەسىن تولىق پايدالانۋعا شاقىرعىمىز كەلەدى، – دەدى ەقىۇ توراعاسى.

زبيگنەۆ راۋ قازاقستانعا ەقىۇ-نىڭ قايتا سايلانعان توراعاسى رەتىندە وڭىرمەن تانىسۋعا ارنالعان ساپارى اياسىندا ارنايى كەلدى. سونىمەن قاتار ونىڭ وزبەكستان مەن مونعولياعا دا ساپارى جوسپارلانۋدا.

ەرلان قوشانوۆ ەقىۇ توراعاسىنىڭ ساپارى قازاقستان ءۇشىن ماڭىزدى ساياسي وقيعا – رەفەرەندۋم قارساڭىندا ءوتىپ جاتقانىن اتاپ ءوتتى. ءماجىلىس سپيكەرى مۇنى مەملەكەت باسشىسىنىڭ رەفورمالارى مەن جالپىحالىقتىق رەفەرەندۋمدى قولداۋىنىڭدالەلى دەپ سانايدى.

كەزدەسۋ بارىسىندا تاراپتار قازاقستان مەن ەقىۇ-نىڭ ءوزارا ءىس-ارەكەتىنىڭ, قازاقستان-پولشا ەكىجاقتى قاتىناستارىنىڭ، سونىڭ ىشىندە ەكى ەل پارلامەنتتەرى اراسىنداعى بايلانىستىڭ قازىرگى جاعدايى مەن كەلەشەگىن تالقىلادى.

ز.راۋ وتكەن عاسىردىڭ 30 جىلدارىنداعى ساياسي قۋعىن-سۇرگىن كەزىندە قازاقستانعا جەر اۋدارىلعان ونداعان مىڭ پولياكتارعا قولداۋ كورسەتىپ، پانا بولعانى ءۇشىن قازاق حالقىنا العىسىن ايتتى. سونداي-اق ول قازاقستاندا تۇراتىن ەتنيكالىق پولياكتاردىڭ ءتول مادەنيەتى مەن ءتىلىن ۇيرەنۋىنە بارلىق جاعداي جاسالعانى ءۇشىن ريزاشىلىعىن ءبىلدىردى.

كەزدەسۋ قورىتىندىسى بويىنشا تاراپتار بارلىق دەڭگەيدەگى ىنتىماقتاستىقتى ودان ءارى كەڭەيتۋ تۋرالى كەلىستى.

 

Abai.kz

2 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2109
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2026
ادەبيەت

ءتۇس

ەرعالي باقاش 1713
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2748