جۇما, 29 ناۋرىز 2024
بيلىك 2346 0 پىكىر 19 مامىر, 2022 ساعات 20:46

ءماجىلىس دەپۋتاتتارى حالىقتى رەفەرەندۋمعا بەلسەنە قاتىسۋعا شاقىردى

ءماجىلىس دەپۋتاتتارى، «AMANAT» پارتياسى فراكتسياسىنىڭ مۇشەلەرى  سنەجاننا يماشەۆا، مالىك قۇلشار جانە قازاقستان حالقى اسسامبلەياسى اتىنان سايلانعان اۆەتيك اميرحانيان قۇرىلىس ماتەريالدارىن وندىرەتىن «ورال ساۋدا-ونەركاسىپتىك كومپانياسى» زاۋىتىندا بولدى.

حالىق قالاۋلىلارى زاۋىت قىزمەتكەرلەرىنە كونستيتۋتسياعا ەنگىزىلەتىن وزگەرىستەر مەن تولىقتىرۋلاردىڭ ماڭىزدىلىعىن ءتۇسىندىرىپ، الداعى رەفەرەندۋمعا بەلسەندى اتسالىسۋعا شاقىردى.

– پرەزيدەنت قاسىم-جومارت توقاەۆ كونستيتۋتسياعا وزگەرىستەر ەنگىزۋ بويىنشا رەسپۋبليكالىق رەفەرەندۋم وتكىزۋدى ۇسىندى. رەفەرەندۋم –جولداۋدا جاريالانعان رەفورمالاردى حالىقتىڭ تاڭداۋىمەن جۇزەگە اسىرۋ.  مەملەكەت باسشىسى ارقاشاندا ازاماتتاردى شەشىم قابىلداۋعا بەلسەندى قاتىسۋعا شاقىرىپ كەلەدى. كونستيتۋتسيالىق وزگەرىستەر بويىنشا ەندى ارالاس سايلاۋ جۇيەسى ارقىلى پارتياعا مۇشە ەمەس ازاماتتار دا پارلامەنتكە سايلانا الادى. ەگەر رەفەرەندۋمدا داۋىس بەرۋشىلەر وسى وزگەرىستەردى قولداسا، وندا ءبىز پرەزيدەنت ايتقان جاڭا، ادىلەتتى قازاقستان قۇرۋعا مۇمكىندىك الامىز. بۇل – ەلىمىزدىڭ دامۋى ءۇشىن ماڭىزدى قادام، – دەدى سنەجاننا يماشەۆا.

ال دەپۋتات قۇلشار مالىك ەلىمىزدىڭ بولاشاعى ءاربىر ازاماتتىڭ تاڭداۋىنا بايلانىستى ەكەنىنە نازار اۋداردى.

دەپۋتات اۆەتيك اميرحانياننىڭ ايتۋىنشا رەفەرەندۋم ءاربىر ادام ءۇشىن ءوزىنىڭ ازاماتتىق ۇستانىمىن كورسەتۋگە مۇمكىندىك بەرەدى.

– كونستيتۋتسيا مەملەكەتتىڭ ەڭ باستى قۇجاتى. وعان ەنگىزىلەتىن وزگەرىستەردە قازاقستاندىقتاردىڭ پىكىرى ايرىقشا ماڭىزدى، – دەدى ول.

ودان ءارى كاسىپورىن قىزمەتكەرلەرى تولعاندىرعان سۇراقتارىن قويىپ،  ۇسىنىستارىن جەتكىزدى.

دەپۋتاتتار جينالعانداردىڭ الەۋمەتتىك ماسەلەلەرگە قاتىستى ساۋالدارىنا جاۋاپ بەرىپ، ءتۇسىندىرۋ جۇمىستارىن جۇرگىزدى.

«ورال ساۋدا-ونەركاسىپ كومپانياسى» – قازاقستانداعى پوليەتيلەن ترۋبالارىن وندىرەتىن وبلىستاعى ەڭ ءىرى كاسىپورىنداردىڭ ءبىرى. وندىرىستىك كەشەن 12 تسەحتان تۇرادى.

كاسىپورىن جىلىنا 37 500 توننا پوليەتيلەن وندىرەدى. قازاقستاندى قامتاماسىز ەتۋمەن قاتار، رەسەيگە، وزبەكستانعا، قىرعىزستانعا تاسىمالدايدى.

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551