دۇيسەنبى, 27 ماۋسىم 2022
انىق 1946 8 پىكىر 18 مامىر, 2022 ساعات 14:52

«كۇشەنىپ باقا وگىز بولا المايدى»

ۇقۇش-نىڭ وتكەن ءسامميتى تۋرالى رەسەي ءباسپاسوزى ءالى ۇشىندىرىپ جازىپ جاتىر. سولاردىڭ بىرىندە دۇنيەنى تۇگەل جاۋ كورەتىن بوستەكى ءباسپاسوز: «پۋتين وقتى كوزىمەن اتىپ، توقاەۆ پەن لۋكاشەنكونى قۋىرىپ جىبەرە جازدادى»، -دەگەن سىڭايدا سۋرەتتەر جاريالاپ، سوڭىنا نوقالاي نوقات قويىلعان الدەبىردەڭەلەردى ايتىپتى.

سودان بۇل نە سۋرەت ەكەن دەپ، پۇتەكەڭنىڭ موردياسى كورىنگەن راسىمگە (فوتوعا) ۇڭىلدىك. قاراساق، پۋتين راسىندا ىشقىنىپ-اق، وتىر ەكەن. بىراق كەيىپى كرىلوۆتىڭ باقاسى سياقتى. ايتسە دە، «كۇشەنىپ باقا وگىز بولا المايدى» عوي. مىنا جەردە دە كۇشەنگەن ءتۇر كورسەتكەنىمەن، كرەملدىڭ قوجاسى وگىز بولا الماي ولەتىن حالدە وتىر. ونىڭ ۇستىنە شەكەسى شيبارقىتتانىپ، ءاجىمىنىڭ قاتارى مەن قاتپارى دا قالىڭداپ كەتىپتى. دەمەك، ميى قۇرعاپ، باس تەرىسى جيدي باستاعان.

ەندى كوزىنە قاراڭىز. كوزىنىڭ اينالاسى كوتەۋلەنىپ، قىزارىپ كەتكەن. جىلاعان با، قالاي؟ بۇل ۆۆپ-نىڭ ۇنەمى دولدانىپ، ىزالانىپ جۇرەتىندىگىنىڭ بەلگىسى. دولى ادامنان اقىل دا، ايلا دا قاشادى.

كوزىنىڭ قاراشىعىندا دا تۇك جوق. قۇر شاقشيعانى بولماسا، ايبات، سەس اتاۋلى تۇگەل سونگەن. بىراق سوندا دا ءىن اۋزىندا شاقىلداعان ساسىق كۇزەنكوزدەنىپ الىپتى. مەن، ءتىپتى، بۇل كىسى الدىنداعىسىن ايىرىپ، انىق كورۋدەن قالعان با دەپ تە وتىرمىن. تەگىندە ءپۋتيننىڭ كوزىندە اقاۋ بار. سونى بىردەن اڭعارعان «ايف» گازەتىنىڭ تىلشىلەرى باياعىدا-اق، «پۋتين الىستى كورمەيدى» دەپ، جازعان بولاتىن.

داۋرەن قۋات

Abai.kz

8 پىكىر