جۇما, 12 تامىز 2022
بيلىك 969 5 پىكىر 17 مامىر, 2022 ساعات 18:32

رەفەرەندۋم ادىلەتتى مەملەكەت قۇرۋدىڭ باستاماسى

كونستيتۋتسياعا تۇزەتۋلەر ەنگىزۋ بويىنشا رەسپۋبليكالىق رەفەرەندۋمدى ءتۇسىندىرۋ ماقساتىمەن ءماجىلىس دەپۋتاتتارى مەيرامبەك تولەپبەرگەن، نازيليا  راززاك جانە گۇلدارا نۇرىموۆا جامبىل وبلىسى، جامبىل اۋدانى، ايشا ءبيبى اۋىلىنىڭ زيالى قاۋىم وكىلدەرىمەن كەزدەستى.

جيىندا حالىق قالاۋلىلارى كونستيتۋتسيالىق رەفورما ازاماتتاردىڭ ەلدى باسقارۋ ىسىنە قاتىسۋ مۇمكىندىگىن ارتتىراتىنىنا جانە الداعى ۋاقىتتا الەۋمەتتىك ادىلەتتىلىكتىڭ ورناۋىنا جول اشاتىنىن ايتىپ، الداعى ناۋقاننان قالىس قالماۋعا شاقىردى.

– رەفەرەندۋم – قوعام اراسىندا قىزۋ تالقىلانىپ، قولداۋ تاۋىپ وتىر. كونستيتۋتسيانى بۇكىلحالىقتىق داۋىس بەرۋ ارقىلى وزگەرتۋ – حالىقتىڭ ەركىن ءبىلدىرۋىنىڭ ايقىن كورىنىسى. وزگەرىس از ەمەس. سونىڭ ءبىرى – پارلامەنتتىڭ ءرولى كۇشەيىپ، مارتەبەسى ارتادى. ءماجىلىستى قالىپتاستىرۋدىڭ ارالاس مودەلى ەنەدى، پارلامەنتتىڭ باقىلاۋ فۋنكتسيالارى دا كەڭەيەدى. ياعني، ازاماتتاردىڭ مۇددەسىن قورعاۋ مەحانيزمى كۇشەيەدى، – دەدى مەيرامبەك تولەپبەرگەن.

ءوز كەزەگىندە گۇلدارا نۇرىموۆا رەفەرەندۋم بولاشاعىمىزدى ايقىندايتىن ىزگى باستاما ەكەنىن العا تارتىپ، ەلىمىز ساياسي وزگەرىستەردىڭ الدىندا تۇرعانىن اتاپ ءوتتى.

ال نازيليا راززاك الداعى اۋقىمدى رەفورمالاردى زاڭمەن بەكىتۋ ءۇشىن بىزگە رەفەرەندۋم قاجەت ەكەنىن ايتتى.

– بۇل ەل دامۋى ءۇشىن ماڭىزدى قادام. «حالىق ۇنىنە قۇلاق اساتىن مەملەكەت» يدەياسىنىڭ ناقتى جۇزەگە اسۋىنىڭ دالەلى. ءبىز داۋىس بەرۋشىلەر رەتىندە وسى ناۋقانعا اتسالىسامىز. بولاشاق – جاستاردىڭ قولىندا. بارلىق باستاما سولار ءۇشىن قولعا الىنىپ جاتىر. سوندىقتان بۇل ءىس-شارانىڭ ورتاسىنان اۋەلى جاستاردىڭ تابىلۋىنا جول سىلتەۋىمىز كەرەك، – دەدى ايشا ءبيبى اۋىلدىق ارداگەرلەر كەڭەسىنىڭ توراعاسى جارقىن قالىباەۆ.

جينالعانداردىڭ پىكىرىنشە، بۇل رەفەرەندۋم  ادىلەتتى، ءارى اشىق مەملەكەت قۇرۋدىڭ باستاماسى.

 

Abai.kz

5 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2060
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2010
ادەبيەت

ءتۇس

ەرعالي باقاش 1705
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2735