دۇيسەنبى, 27 ماۋسىم 2022
ارىلۋ 1242 9 پىكىر 13 مامىر, 2022 ساعات 14:45

شارۋالار: ۇكىمەتتىڭ وتستاۆكاسىن تالاپ ەتەمىز!

بەلگىلى ساياساتشى، كاسىركەر الماسبەك سادىرباەۆ مىرزا جەتەكشىلىك ەتەتىن «شوپان-اتا» اگرو-قوزعالىسى قر ۇكىمەتىنىڭ وتستاۆكاعا كەتۋىن تالاپ ەتىپتى.

ول: «ەسكى ۇكىمەتپەن جاڭا قاازاقستاندى قۇرۋ مۇمكىن ەمەس»، دەيدى. سونىمەن قاتار، ۇكىمەتتىڭ شارۋالار ماسەلەسىنە كەلگەندە ارەكەتسىزدىگىن سىناپ، قر اۋىل شارۋاشىلىق مينيستر ەربول قاراشوكەەۆ پەن ۆيتسە-پرەمەر رومان سكليارعا شۇيلىككەن.

ءبىز الماسبەك سادىرباەۆ مىرزا باستاعان توپتىڭ تالابىن وقىرمان تالقىسىنا ۇسىنامىز...


«ۇكىمەتتىڭ وتستاۆكاسىن تالاپ ەتەمىز!

ەسكى ۇكىمەتپەن جاڭا قازاقستاندى قۇرۋ مۇمكىن ەمەس. قۇرتۋى ابدەن مۇمكىن! شارۋالار نارازى.

«قارالى قاڭتار» ايىنان بەرى وزگەرمەك تۇگىلى، ارەكەت جاساماعان ۇكىمەت بىزگە كەرەك ەمەس دەگەن شەشىمگە كەلدىك.

ءاليحان سمايلوۆتى سىيلاعاننان جەكە ءوزىم دە، شارۋالار دا مۇمكىندىگىنشە شىدادىق. بىراق، امال جوق. ەلىمىزدىڭ ازىق-تۇلىك قاۋىپسىزدىگى ودان دا قىمبات، ماعان.

1. سالانى بىلمەيتىن اۋىل شارۋاشىلىعى ءمينيسترى ە. قاراشوكەەۆتەن ابدەن شارشادىق. جەكە ءوز مۇددەسىنە عانا جۇمىس جاسايتىن، كازاگرونىڭ بىلىعىنان شىققان، سۇلىك سياقتى تايعاق مينيستر بىزگە كەرەك ەمەس.

2. ۆيتسە-مينيستر سكليار دەگەن اداممەن بۇگىندە، كىشكەنە بالانى قورقىتاتىن جاعدايعا جەتتىك. بايلاردىڭ جانە وليگوپوليانىڭ مۇددەسىن قورعاعان بۇنداي شەنەۋنىكتى 30 جىل بويى كورمەگەن ەدىك.

مەنىڭ دە ارتىمدا جاۋاپ سۇرايتىن ەلىم بار. ارى قاراي بىرىگىپ جۇمىس جاساي الماسپىز. ەندى ءبىز تولىق بۇل ۇكىمەت مۇشەلەرىمەن كونفرونتاتسيادامىز. بۇكىل وڭىرلەردەگى شارۋالار كوتەرىلەدى.

مادەنيەتتى جانە ۇيىمداستىرىلعان الاڭداردا شارۋالارمەن كەزدەسۋگە جانە جۇمىس جۇرگىزۋگە جاراماعان ۇكىمەت، ۇيىمداسپاعان، ۋلاپ-شۋلاعان توبىرمەن كەزدەسۋگە تۋرا كەلەدى. كونسترۋكتيۆ بولماعانى وكىنىشتى...»، - دەپ جازدى «شوپان-اتا» اگرو-قوزعالىسى توراعاسى الماسبەك سادىرباەۆ.

Abai.kz

9 پىكىر