جۇما, 29 ناۋرىز 2024
الاساپىران 5173 0 پىكىر 12 مامىر, 2022 ساعات 13:40

ۋكراينا: سوعىس قيمىلدارى قالاي وتۋدە؟

ۋكرايناداعى سوعىس قيمىلدارى  كەلەسىدەي باعىتتار بويىنشا وربۋدە: 

حاركوۆ باعىتىندا ۋكراينا اسكەرى العا جىلجىپ بارادى. قازىر رەسەي شەكاراسىنا جاقىن قالدى. رەسەي اسكەرى شەگىنە وتىرىپ، كوپىر مەن وتكەلدەردى جارىپ كەتۋدە. ۋكراينا اسكەرىنىڭ ماقساتى حاركوۆتى ارتيللەريالىق سوققى جەتپەيتىندەي ەتىپ قاۋىپسىزدەندىرۋ. الايدا رەسەيدىڭ الىس قاشىقتىققا ۇشاتىن زىمىرانىنان قورعانۋ ماسەلەسى بار. رەسەي ءوز اۋماعىنان تۇرىپ اتقىلاپ بەرەدى.

دونەتسك پەن لۋگانسكتە اۋىلدار مەن اۋداندار قولدان قولعا ءوتىپ، شايقاس بولىپ جاتىر. ەكى تاراپ تا قارقىندى قوزعالىستى توقتاتتى. حاركوۆ ماڭىندا اسكەرى قورشاۋدا قالماۋى ءۇشىن رەسەي دونباسستاعى اسكەرىنىڭ ءبىر بولىگىن حاركوۆ باعىتىنا اتتاندىرۋعا ءماجبۇر. دونباسس شايقاسى تىعىرىققا تىرەلگەن سياقتى. ۋكراينا دا العا جىلجي الماۋدا، رەسەي دە قارقىندى شابۋىلدى ازايتتى. پوزيتسيالىق سوعىس پەن ارتيللەريالىق سوققى الماسۋ بولىپ جاتىر. قالالار تولىق قيرادى.

حەرسوندى رەسەي وزىنە قوسىپ الاتىنىن اشىق مالىمدەدى. حەرسون بيلىگى (رەسەي قويعان) ايماقتى قوسۋ بويىنشا ءوتىنىش ايتىپ، پۋتين قابىل الۋى مۇمكىن. جىل سوڭىنا دەيىن قوسامىز دەيدى. الايدا ۋكراينا حەرسون ايماعىن اقش-تىڭ لەند-ءليزى قارقىندى كەلە باستاعاندا تولىق ازات ەتەتىنىن ايتىپ وتىر. قازىر دروندارمەن جانە ارتيللەريامەن سوققى جاساپ كەلەدى.

سوڭعى اپتادا رەسەيدىڭ ودەسساعا سوققىسى ارتتى. قارا تەڭىزدەگى كەمەلەر ارقىلى زىمىرانمەن سوققى جاساۋدا. قالادا قيراعان عيماراتتار سانى ارتقان.

كيەۆكە الەمنىڭ ءتۇرلى ەلشىلەرى قايتا كەلىپ جاتىر. قالاعا حالىقتىڭ ۇشتەن ەكىسى قايتا ورالعان. الايدا قالاعا ءالى دە زىمىراندىق سوققى قاۋپى بار. جالپى سوعىس باستالعالى بەرى ۋكرايناعا 1.6 ملن حالىق قايتا ورالعان، ونىڭ ىشىندە باسىم بولىگى ەر ازاماتتار.

ازوۆستالگە شابۋىل ارتتى. رەسەي ۇشاقتارمەن بومبالاپ جاتىر. الايدا زاۋىتتى ءالى باسىپ الا الماۋدا. زاۋىت ىشىندەگى ساربازدار مەن بەيبىت حالىقتىڭ سانى بەلگىسىز. بۇۇ ەۆاكۋاتسيا جاساسا دا، ءالى دە ىشىندە بەيبىت تۇرعىندار بولۋى مۇمكىن. ازوۆ پولكى مۇلدە بەرىلمەيتىنىن مالىمدەدى، "رەسەيگە بەرىلۋ ساتقىندىق جانە ءولىم" دەدى ولار.

ۋكراينا بيلىگىن قولداۋ، قورعانىسىن نىعايتۋ ءۇشىن اقش 40 ملرد دوللار كومەك بولەتىن بولدى. ونىڭ 32 ملرد دوللارى قورعانىس سالاسىنا جۇمسالادى. زەلەنسكي اقش-تىڭ لەند-ليز زاڭىنىڭ ارقاسىندا ۋكراينا الداعى ۋاقىتتا قارىمتا سوققى بەرۋگە كوشەتىنىن مالىمدەدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565