جۇما, 29 ناۋرىز 2024
46 - ءسوز 2082 2 پىكىر 11 مامىر, 2022 ساعات 15:09

30 جىلدا كورگەنىمىز – ادىلەتسىزدىكتەن جاپا شەگۋ

توقسانىنشى جىلدار ەلىمىز تاۋەلسىزدىگىن العاندا ادىلەتسىزدىكتەن قۇتىلاتىن شىعارمىز دەگەن ءۇمىت بولدى. بىراق نازارباەۆ داۋىرىندە قازاق حالقىنىڭ ادىلەتسىزدىكپەن ءومىر ءسۇرۋى ارى قاراي جالعاستى.

ادىلەتسىزدىكتەن جاپا شەگۋ، وتىرىكپەن ءومىر ءسۇرۋ ادەپكى دۇنيەگە اينالعانى جاسىرىن ەمەس. ءدال وسى ۋاقىتتا ەلىمىزدە وتىرىك زاۋىتتار اشىلىپ، وتىرىك اڭگىمەلەر كوپ ايتىلدى.

ادىلەتسىزدىك پەن وتىرىكپەن ءومىر سۇرگەن سورماڭداي قازاق ەندى جەمقورلىق، الداپ-ارباۋمەن ءومىر سۇرۋىنە تۋرا كەلدى. وتكەنگە سالاۋات ايتۋ، ۇلتتىق قۇندىلىقتاردى ناسيحاتتاۋ يميتاتسيا دەڭگەيىنەن اسپادى.

كوبىك ءسوز العا شىقتى. «الدىمەن – ەكونوميكا، سودان كەيىن – ساياسات» دەگەن جالاڭ ۇرانمەن ءومىر سۇردىك. ساياساتتى ايتپاعاندا، ەكونوميكا سالاسىندا العا جىلجۋشىلىق بولمادى.

كەزىندە قوناەۆتىڭ ارقاسىندا سالىنعان زاۋىت-فابريكالار تيىنعا ساتىلىپ، ەل ەكونوميكاسى كۇيرەدى. كسرو-نىڭ ءۇشىنشى ەكونوميكاسى بولعان قازاقستاننىڭ ەكونوميكاسى قاتتى قۇلدىراۋدى باستان وتكەردى.

«الدىمەن – ەكونوميكا، سودان كەيىن  – ساياسات» دەگەن قاعيداتتىڭ بوس اڭگىمە ەكەنىنە كوزىمىز جەتتى. مەملەكەتتىك اپپارات ءبىر عانا ادامنىڭ قاس قاباعىنا قاراپ، سونىڭ بيلىگىن نىعايتۋ ومىرلىك مۇراتقا اينالدى.

وسىلايشا، نازارباەۆ بيلىگى كەڭەس زامانىنان سوزىلىپ كەلە جاتقان ادىلەتسىزدىك ارى قاراي جالعاسىپ، قازاقستاندى جەمقورلىقتىڭ باتپاعىنا باتىرا ءتۇستى.

نۇرلان جۇماحان، جۋرناليست  

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544