قازاقستان قىتاي مەن ەۋروپاعا مۇناي ەكسپورتتاۋ باعىتتارىن ءارتاراپتاندىرۋدا. بۇل تۋرالى  قازاقستان پرەزيدەنتى قاسىم-جومارت توقاەۆ ايتتى. 

«ءبىز قىتايعا جانە ەۋروپاعا مۇناي ەكسپورتتاۋ جولدارىن، ونىڭ ىشىندە تۇرىك كولىك دالىزدەرىن پايدالانا وتىرىپ، ءارتاراپتاندىرۋدى باستادىق. مۇناي قۇبىرلارىنىڭ وتكىزۋ قابىلەتىن ۇلعايتۋ جانە اقتاۋ مەن قۇرىق تەڭىز پورتتارىن جاڭعىرتۋ جۇمىستارى باستالدى»، - دەدى توقاەۆ سارسەنبى كۇنى تۇركياعا ساپارى بارىسىندا.

ول قازىر ترانسكاسپي حالىقارالىق كولىك باعىتىنىڭ ءرولى ايتارلىقتاي ارتقانىن اتاپ ءوتتى. «قۇرىق تەڭىز پورتى ترانسكاسپي دالىزىنە قوسىلعاننان كەيىن قورعاستان ىستامبۇلعا جۇك تاسىمالداۋ ۋاقىتى بەس ەسەگە قىسقاردى. بۇرىن 60 كۇندە كەلەتىن جۇك قازىر نەبارى 13 كۇندە كەلەدى»، - دەدى توقاەۆ.

Abai.kz