جۇما, 29 ناۋرىز 2024
بيلىك 2065 0 پىكىر 10 مامىر, 2022 ساعات 14:59

«التىن بەلگى» الۋ تالابى كۇشەيتىلەدى

«وقۋشىلاردىڭ وقۋ جەتىستىكتەرىن باعالاۋ ەرەجەلەرىنە وزگەرىستەر ەنگىزۋ تۋرالى بۇيرىققا قول قويدىم.وسىعان دەيىن حابارلاعانىمىزداي، بۇيرىقتا «التىن بەلگى» توسبەلگىسىن الۋ تالاپتارى ايتارلىقتاي كۇشەيتىلدى»،- دەپ جازدى ءبىلىم جانە عىلىم ءمينيسترى اسحات ايماعامبەتوۆ تەلەگرام ارناسىندا.

ءمينيستردىڭ ايتۋىنشا، تالاپتاردى كۇشەيتۋ تۋرالى شەشىم مۇعالىمدەردىڭ 2021 جىلعى تامىز كەڭەسىندە قابىلدانعان.

«وسىلايشا، كەلەسى جىلدان باستاپ 9-سىنىپتى اياقتاپ، ارنايى اتتەستات جانە 10-11 سىنىپتاردىڭ بارلىق وقۋ توقسانى بويىنشا «ۇزدىك» دەگەن باعا العان وقۋشىلار «التىن بەلگى» توسبەلگىسىنە ۇمىتكەر بولا الادى. سونداي-اق تالاپكەرلەر نزم بازاسىندا ماتەماتيكادان ەمتيحان تاپسىرۋى كەرەك. بۇل شارا اكادەميالىق ادالدىقتى قامتاماسىز ەتۋ ءۇشىن قابىلدانعانىن ءتۇسىنۋ ماڭىزدى. بۇل رەتتە نزم-دە ەمتيحان تاپسىراتىندارعا دا، جالپى ءبىلىم بەرەتىن مەكتەپ بازاسىندا تاپسىراتىندارعا دا تاپسىرمالار بىردەي بولادى»،- دەدى ايماعامبەتوۆ.

مينيستر بىلتىر مەكتەپ بىتىرۋشىلەر «التىن بەلگى» الۋدان رەكوردتىق كورسەتكىشكە جەتكەنىن، الايدا ۇبت ناتيجەسى بويىنشا تومەن بال ال العاندار بولعانىن اتاپ ءوتتى.

«وسىعان بايلانىستى ۇمىتكەرلەردى ۇزدىك بەلگىسىنە وبەكتيۆتى جانە اشىق باعالاۋ ءۇشىن ەمتيحانداردىڭ ءبىرى تاۋەلسىز ءبىلىم بەرۋ ۇيىمىندا وتەدى. بيىل مەكتەپ بىتىرۋشىلەر ەمتيحاندى ءوز مەكتەبىندە تاپسىرادى. سونداي-اق بەلگىدەن باس تارتۋ تۋرالى وتىنىشتەر جارامسىز. تالاپتارعا ساي كەلەتىن ۇمىتكەرلەر بەلگىلەنگەن تارتىپتە قورىتىندى اتتەستاتسيادان وتەدى»، -دەيدى ول.

ءمينيستردىڭ حابارلاۋىنشا، جاڭا نورمالار كەلەسى جىلدان باستاپ كۇشىنە ەنگەنىمەن، بيىل ۇبت قورىتىندىسى بويىنشا ۇزدىك بەلگىسىن بەرۋدىڭ وبەكتيۆتىلىگى باعالانادى ەكەن. بۇيرىقتىڭ ءماتىنى قر ادىلەت مينيسترلىگىندە تىركەلگەننەن كەيىن جاريالانباق.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616