جۇما, 29 ناۋرىز 2024
46 - ءسوز 2100 7 پىكىر 10 مامىر, 2022 ساعات 12:30

مىس ەمەس، مىستان جاسالعان كابەل ساتايىق

ەندى ءبىز تاۋاردىڭ قۇنىن ارتتىرۋدى ويلاۋىمىز كەرەك. قاي سالا ءالسىز بولىپ تۇر، سولاردان قۇتىلۋىمىز كەرەك.

ماسەلەن، مىس ەمەس، مىستان جاسالعان كابەل ساتايىق. ول قىمباتتاۋ بولادى. مىس قۇيماسىن ارزانعا ساتقاندا دا، دايىن كابەلدى ساتقاندا دا جەتكىزۋگە سونداي اقشا كەتسە، دەمەك قىمباتتاۋىن ساتۋ كەرەك قوي؟
شيكىزاتتى سول كۇيىندە ەمەس، ونى وڭدەپ، قىمباتتاۋ باعاعا ساتۋىمىز كەرەك. بۇنى ارنايى باعدارلاما اياسىندا ىستەۋىمىز كەرەك. ايتپەسە جەتكىزۋگە بۇكىل اقشامىزدى جۇمساپ، وتىرا بەرەمىز.

قازبا بايلىقتى جەردەن الىپ شىعىپ، ساتا بەرۋگە كوپ اقىل كەرەك جوق. ول بايلىق جانە قالپىنا كەلمەيدى. ءبىز ءبىر توننا مۇناي نەمەسە ءبىر توننا مىس شىعارساق، سول مولشەردە كەدەيلەندىك دەگەن ءسوز.

شىنىندا ءبىز ونى بالالارىمىز بەن نەمەرەلەرىمىزدەن الىپ جاتىرمىز. سوندىقتان، شيكىزاتتى ەكسپورتتاۋ ارقىلى پايدا تاباتىن جولدى تاپپايىنشا، بۇكىل ەكسپورتتى جاۋىپ تاستاۋ كەرەك.

قازاقستاننىڭ سىرتقا شىعاراتىن نەگىزگى ءونىمى – شيكىزات. ءبىز وسى ۋاقىتقا دەيىن ونى نەگىزىنەن رەسەي ارقىلى شىعارىپ كەلدىك. رەسەيدىڭ تەمىر جولدارى، رەسەيدىڭ پورتتارى، رەسەي ارقىلى وتەتىن قۇبىرلار – ەندى وسىنىڭ ءبارى سەنىمدى بولماي قالايىن دەپ تۇر.

مەن بۇرىن دا ايتقان ءبىر ءسوزىم بار. ءبىر ەل ءوزىنىڭ ۆاليۋتاسىن ويلاپ شىعارسا، ول ءا دەگەندە جاي عانا قاعاز بولادى. ەلدىڭ ىشىندە ساۋدا جاساۋعا جارايدى، سىرتقا شىقسا، تۇككە تاتىماي قالادى.

ەگەر سول ەلدىڭ باسقا ەلدەرگە ۇسىناتىن قۇندى زاتى بولسا، سول كەزدە عانا ءتول ۆاليۋتاسى قۇندى بولا باستايدى. ءبىز ەكسپورتقا بىرنارسە شىعارساق، كەيىن سول اقشاعا سىرتتان بىرنارسە الا الامىز دەگەن ءسوز.

مۇحتار جاكىشەۆ

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577