جۇما, 1 شىلدە 2022
الاڭ 1683 21 پىكىر 3 مامىر, 2022 ساعات 14:27

رەسەيدىڭ ماقساتى مولدوۆانى سوعىسقا تارتۋ...

سوڭعى ەكى اپتادا مولدوۆانىڭ پريدنەستروۆە ايماعىندا ءۇش بىردەي جارىلىس بولدى. 90-جالدارى رەسەيدىڭ قولداۋىمەن سەپاراتيستەر باس كوتەرىپ، مولدوۆادان تاۋەلسىزدىگىن جاريالاپ، جەكە مەملەكەت بولۋعا ۇمتىلدى. 1992 جىلى قارۋلى قاقتىعىس بولىپ، ارتىنشا اتالمىش ايماققا رەسەي بىتىمگەرلىك كۇشتەرىن كىرگىزەمىز دەگەن ماقساتپەن شىعىس ەۋروپاعا اسكەرىن كىرگىزۋگە مۇمكىندىك الدى. بۇگىندە پريدنەستروۆەدە رەسەيدىڭ 2 مىڭ ساربازى توپتاسقان، سونىمەن قاتار اسكەري تەحنيكا مەن اۋەجايعا دا يە. 

ۋكرايناعا رەسەي سوعىس اشقان ساتتە، ساراپشىلار پريدنەستروۆە ايماعىندا قاقتىعىستار قايتا باستالۋى مۇمكىن ەكەنىن جازدى. سەبەبى ۋكراينانىڭ باتىسىنان شابۋىلعا شىعۋ ءۇشىن، رەسەي پريدنەستروۆەدەگى اسكەرىن قولدانۋعا سەبەپ تابۋعا ءتيىس. سوڭعى اپتاداعى جارىلىستار مەن تەررورلىق ارەكەتتەر سول سەبەپتى ىزدەۋ "امالى" بولۋى دا عاجاپ ەمەس.

پريدنەستروۆەنىڭ تيراسپول قالاسىنداعى سەپاراتيستەردىڭ "قاۋىپسىزدىك قىزمەتى" عيماراتىنا شابۋىل جاسالدى. ارتىنشا ايماقتاعى ءىرى راديو تاراتۋ باعاناسى جارىلدى، كەيىن اسكەري قويماعا بىرنەشە زىمىران كەلىپ ءتۇستى. بۇل جارىلىستارعا قاتىستى تاراپتار ءتۇرلى ۇستانىم ءبىلدىردى. ۋكراينا رەسەيدى ايىپتادى، مولدوۆا بيلىگى پريدنەستروۆەدەگى سەپاراتيستەردىڭ ءوزارا تارتىسى دەدى، رەسەي بيلىگى جاعدايدى باقىلاپ وتىرعانىن ايتسا، سەپاراتيستەر ۋكراينانى ايىپتادى.

الايدا باتىس باق-تارى جاقىن ارالىقتا رەسەي مولدوۆادا قاقتىعىستار ۇيىمداستىرۋى مۇمكىن دەگەن مالىمەتتى تاراتتى. ولار بۇل اقپاراتتى ۋكراينا جانە ناتو بارلاۋشىلارىنىڭ بولجامدارىنا سۇيەنە وتىرىپ جاساعان. مولدوۆاداعى ازىق-تۇلىك باعاسىنىڭ كۇرت قىمباتتاۋىنان كەيىن، حالىقتىق تولقۋلار جاساپ، ارتىنشا رەسەي اسكەرى كىرگىزىلۋى مۇمكىن دەيدى ولار.

ساراپشىلار رەسەي اسكەرى يل-76 ۇشاقتارى مەن تىكۇشاقتار ارقىلى پريدنەستروۆەگە جەتكىزىلىپ، ارتىنشا ۋكراينانىڭ باتىسىنان شابۋىلعا شىعۋ مۇمكىندىگى بارىن ايتادى. بۇل ۋكراينانىڭ ودەسسا ايماعىن باسىپ الۋ ءۇشىن جاسالماق. رەسەي اسكەرى شىعىستان حەرسون ايماعى ارقىلى، ال وڭتۇستىكتەن قارا تەڭىز ارقىلى شابۋىلعا شىعۋدا. الايدا ودەسسا قالاسىنىڭ قورعانىسى مىعىپ، باسقىنشى اسكەرىنە جويقىن قارسىلىق بىلدىرۋدە.

ساراپشى  دجەك ۋوتلينگ پەن نيك رەينولدس رەسەيدىڭ ءۇش ماقساتتى كوزدەپ وتىرعانىن ايتادى. ولار: ۋكراينا اسكەرىنىڭ نازارىن باتىس باعىتقا اۋدارۋ جانە ودەسساعا باتىستان شابۋىلعا شىعۋ، مولدوۆانىڭ ەۋروپالىق باعىتىن توقتاتۋ جانە وزگە ەلدەرگە سەس كورسەتۋ.

ساراپشىلار رەسەي بۇل ارەكەتىن 9-مامىردان كەيىن باستايتىنىن مەڭزەپ وتىر. ال 9-مامىر كۇنى رەسەي كۇشتەرى پريدنەستروۆەدە جاپپاي نارازىلىق اكتسيالارىن ۇيىمداستىرۋ مۇمكىن ەكەنىن ەسكەرتەدى.

مولدوۆا بيلىگى بولسا قانداي دا ءبىر اسكەري قاقتىعىسقا دايىن ەمەستىگىن رەسمي مالىمدەدى. كيشينەۆتىڭ اسكەرى از، حالقى كەدەي، ەكونوميكاسى ناشار. سوندىقتان رەسەي تاراپىنان شابۋىل جاسالسا، تەز ارادا جەڭىلۋ قاۋپى بار.

كا مىرزا 

Abai.kz

21 پىكىر

ۇزدىك ماتەريالدار

اقمىلتىق

«قيالشىلدار كلۋبى»

ءامىرجان قوسان 386
انىق-قانىعى

كىمنىڭ كىم ەكەنىن بىلە ءجۇرسىن دەپ...

اۋىت مۇقيبەك 313