جۇما, 29 ناۋرىز 2024
ارىلۋ 2977 10 پىكىر 2 مامىر, 2022 ساعات 12:08

رەسەيلىك ساراپشى: پۋتين توقاەۆتى “قۇتقارعان” ەدى

وداقتاسىمىزدىڭ ساراپشىسىماقتارى “اقوردا كرەملدى ساتىپ كەتتى” دەپ دابىل قاعۋدا. ولاردىڭ ويىنشا قازاقستان باتىستىڭ قىسىمىنا توتەپ بەرە الماي، بەلى بۇگىلىپ كەتكەن.

ونىڭ ايتۋىنشا اقش مەمحاتشىسىنىڭ ورىنباسارى ۋزرا زەيدىڭ قازاقستانعا كەلىسى تەگىن ەمەس. اق ءۇي وكىلى اقوردانى رەسەيدەن اۋلاق جۇرۋگە كوندىرىپ، كرەملدەن الىستاي تۇسۋگە كەڭەس بەرگەن.

“رەسەيگە سالىنعان سويقان سانكتسيالاردان ۇرەيى ۇشاتىن وداقتاسىمىز اقش-تىڭ ايتقانىنان شىعا الار ەمەس. قازاقتار سانكتسياعا ۇشىراعىسى جوق، سوندىقتان ساق قيمىلدايدى. ورىس كومپانيالارىن ەلگە شاقىرۋعا باتپاي وتىر، بۇيتەر بولسا رەسەيدىڭ سىبايلاسى دەگەن ساناتقا كىرەدى. مۇنىڭ سالدارى قانداي بولارىن قازاقتار كورىپ-ءبىلىپ وتىر”، – دەيدى گروزين مىرزا.

ونىڭ پىكىرىنشە قازاق ەليتاسى باتىستاعى كاپيتالى بۇعاتتالىپ، دۇنيە-مۇلكى تاركىلەنگەن رەسەيلىك باي-باعلانداردىڭ كۇيىن كەشكىسى كەلمەيدى. قازاقستان رەسەيدى اشىقتان-اشىق قولدار بولسا، الگىندەي ارەكەتكە بارۋ قيىندىق تۋعىزبايدى.

ءسوي دەگەن گروزين: “قازاقستان ەشكىممەن قاق-سوعى ۇستانىمنان تايماۋعا تىرىسۋدا. سونىڭ وزىندە باتىستىڭ ىعىنا جىعىلىپ، رەسەيدەن الشاقتاپ بارادى” دەپ سانايدى.

“اقوردانى تاۋبەسىنە تۇسىرەتىن كەز كەلگەن شىعار. قازاقستان ەكسپورتىنىڭ 90 پايىزى رەسەي اۋماعىمەن وتەدى. وسى ارنانىڭ اۋزىن بۋسا، بالكىم، قازاق بيلىگىنىڭ ەسى كىرەر. مۇنداي ءالسىز وداقتاستىڭ “ەركەلىگىن” قاشانعى كەشىرە بەرەمىز؟!”، – دەيدى ول.

ساراپشى باتىس باسىلىمدارىنا سۇحبات بەرىپ، دەموكراتيالىق قۇندىلىقتاردى تورگە وزدىرعان توقاەۆتىڭ پوزيتسياسىن تۇسىنبەي وتىرعانىن ايتادى. ول دوس پا، دۇشپان با، ءالى دە انىق ەمەس دەپ پايىمدايدى.

گروزيننىڭ ايتۋىنشا قاڭتار دۇربەلەڭىندە توقاەۆتى قۇتقارىپ قالعان جالعىز ادام – پۋتين.

“توقاەۆ ماسكەۋدىڭ سەنىمىمەن شىعا قويعان جوق. باتىس وركەنيەتى ونى ءالى كۇنگە دەيىن رەسەيشىل ساياساتكەردىڭ قاتارىا قوسادى. وعان ەل ىشىندە ۇلكەن قىسىم جاسالۋدا…”، – دەگەن گروزين “قىسىم جاساپ جاتقان” اۋديتوريانىڭ اتىن اتاۋدان قايمىعىپتى.

قازاقتىلدى اۋديتوريانىڭ باسىم بولىگى ءپۋتيننىڭ شاپقىنشىلىعىن قولدامايدى. قاڭتار توڭكەرىسى ارقىلى ەلدەگى وزگەرىسكە قوزعاۋ سالعان قازاقتىلدى ورتا ەل بيلىگىنىڭ رەسەيدىڭ ءسوزىن سويلەگەنىن قۇپتامايدى. ول راس.

ال گروزيننىڭ ايتۋىنشا قازاقستانداعى ءايىرتىلدى اۋديتورياعا باتىستىڭ ۇكىمەتتىك ۇيىمدارى گرانت تاراتىپ، بايقاۋ ۇيىمداستىرىپ، پەيىلىن بۇزعان. باتىستىڭ استاۋىنان جەم جەگەن اسىرە ۇلتشىلدار ءاپ-ساتتە قاۋلاپ ءوسىپ شىعىپ، حالىقتى رەسەيگە قارسى قويىپتى.

“توقاەۆ باتىسشىل توپتىڭ ايتقانىنان اسا الماي وتىر. رەسەيدىڭ ءسوزىن سويلەيىن دەسە، اقش پەن باتىستىڭ ارباۋىنا تۇسكەن قاۋىمنىڭ تاباسىنا قالادى. ماسكەۋ مۇنى كورمەي، بىلمەي وتىرعان جوق. سوڭعى كەزدەرى تىم كوسەمسي باستاعان كورشىسىنە كەڭشىلىك تانىتا ما، جوق پا ول جاعى كرەمل باسشىلارىنىڭ كوڭىل-كۇيىنە بايلانىستى”، – دەپتى تۇيىندەپتى گروزين.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2282
عيبىرات

قايسار رۋحتى عازيز جان

مۇحتار قۇل-مۇحاممەد 3618