جۇما, 29 ناۋرىز 2024
3247 3 پىكىر 2 مامىر, 2022 ساعات 10:40

ەرەۆاندا ەرەۋىل

جەكسەنبى كۇنى ەرەۆان ورتالىعىندا ارمەنيا وپپوزيتسيا كۇشتەرى ميتينگ ۇيىمداستىردى. ولار پرەمەر-مينيستر نيكول پاشينياننىڭ قىزمەتتەن كەتۋىن تالاپ ەتتى.

اكتسيانىڭ رەسمي بولىگى اياقتالعان سوڭ نارازى توپ تاراعان جوق. ولار قوقىس جاشىكتەرى مەن ورىندىقتاردان بارريكادا تۇرعىزىپ، بىرگە تاۋلىك بويى اكتسيا وتكىزۋگە قاجەتتى پالاتكالار تىگىپ قويدى.

پوليتسيامەن قاقتىعىس بولعانى حابارلاندى. بىرنەشە مىڭ قالا تۇرعىنى جينالعان الاڭ قورشالدى، بۇل ماڭدا اۆتوكولىك قوزعالىسى توقتادى.

كوپشىلىك الدىندا سويلەگەن وپپوزيتسيا جەتەكشىلەرىنىڭ ءبىرى، ۇلتتىق قاۋىپسىزدىك قىزمەتىنىڭ بۇرىنعى باسشىسى ارتۋر ۆانەتسيان ميتينگتى "ارميان ۇلتىنىڭ رەينكارناتسياسى" اتادى.

ارمەنيادا پاشينيانعا قارسى جاپپاي نارازىلىق 25 ساۋىردە باستالدى. وپپوزيتسيا ساياساتكەر مەن ونىڭ ۇكىمەتىن تاۋلى قاراباحتى ازەربايجان جەرى دەپ تانيتىن كەلىسىمگە وتىرعىسى كەلەدى دەپ ايىپتادى.

نيكول پاشينيان ارمەنيادا 2018 جىلى حالىق نارازىلىعى ارقاسىندا بيلىككە كەلدى. ول ەل باسقارىپ تۇرعان ۋاقىتتا ارمەنيا تاۋلى قاراباح ءۇشىن ازەربايجانمەن ارادا بولعان قارۋلى جانجالدا جەڭىلىپ قالدى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616