الماتى. 22 شىلدە. قازتاگ – «الماتىدا سوڭعى التى جىلدا بايقالىپ وتىرعان بالالار اراسىنداعى قىلمىستىڭ دەڭگەيىنە قاراساق، قالالىق پوليتسيا كامەلەتكە تولماعاندار جاسايتىن قىلمىستارمەن كۇرەستە ۇلكەن جەتىستىكتەرگە جەتە الماعانىن كورەمىز»، – دەپ ءمالىم ەتتى الماتى اكىمى احمەتجان ەسىموۆ قالالىق پوليتسيا جۇمىسىنىڭ قورىتىندىسى بويىنشا ءىىم سەرىك بايماعامبەتوۆتىڭ جانە قالالىق ءىىد قۇرىلىمدىق بولىمشەلەرى باسشىلارىنىڭ  قاتىسۋىمەن وتكەن كەڭەستە.

«ءيا، ناتيجەلەر بار، الايدا بۇل دەڭگەي ءبىزدىڭ قالامىز ءۇشىن تىم جوعارى. سوندىقتان ەشقانداي جايباراقاتتىق بولماۋعا ءتيىس»، – دەدى اكىم.

قۇقىق قورعاۋ ورگاندارىنىڭ مالىمەتتەرىن العا تارتا وتىرىپ ا. ەسىموۆ جينالعانداردىڭ نازارىن جارتى جىلدا عانا كامەلەتكە تولماعانداردىڭ 100 قىلمىس جاساعانىنا اۋداردى. ولاردىڭ ىشىندە دەنساۋلىققا زيان كەلتىرۋ، قاراقشىلىق، ۇرلىق، بۇزاقىلىق، الاياقتىق، بوپسالاۋشىلىق جانە كولىك ايداپ اكەتۋ قىلمىستارى بار. «قۇقىق بۇزۋشىلىقتار جاساعانى ءۇشىن كامەلەتكە تولماعانداردىڭ ىستەرى جونىندەگى بولىمشەگە 4,5 مىڭنان اسا ءجاسوسپىرىم جەتكىزىلگەن، ولاردىڭ جارتىسىنان كوبى اكىمشىلىك جاۋاپكەرشىلىككە تارتىلدى، 944-ءى ۋاقىتشا وقشاۋلاۋ، بەيىمدەۋ جانە وڭالتۋ ورتالىعىنا ورنالاستىرىلدى. بۇل ساندارعا قاراپ، ءتيىستى قورىتىندى جاساۋعا بولادى»، – دەپ اتاپ كورسەتتى ول.

الماتى. 22 شىلدە. قازتاگ – «الماتىدا سوڭعى التى جىلدا بايقالىپ وتىرعان بالالار اراسىنداعى قىلمىستىڭ دەڭگەيىنە قاراساق، قالالىق پوليتسيا كامەلەتكە تولماعاندار جاسايتىن قىلمىستارمەن كۇرەستە ۇلكەن جەتىستىكتەرگە جەتە الماعانىن كورەمىز»، – دەپ ءمالىم ەتتى الماتى اكىمى احمەتجان ەسىموۆ قالالىق پوليتسيا جۇمىسىنىڭ قورىتىندىسى بويىنشا ءىىم سەرىك بايماعامبەتوۆتىڭ جانە قالالىق ءىىد قۇرىلىمدىق بولىمشەلەرى باسشىلارىنىڭ  قاتىسۋىمەن وتكەن كەڭەستە.

«ءيا، ناتيجەلەر بار، الايدا بۇل دەڭگەي ءبىزدىڭ قالامىز ءۇشىن تىم جوعارى. سوندىقتان ەشقانداي جايباراقاتتىق بولماۋعا ءتيىس»، – دەدى اكىم.

قۇقىق قورعاۋ ورگاندارىنىڭ مالىمەتتەرىن العا تارتا وتىرىپ ا. ەسىموۆ جينالعانداردىڭ نازارىن جارتى جىلدا عانا كامەلەتكە تولماعانداردىڭ 100 قىلمىس جاساعانىنا اۋداردى. ولاردىڭ ىشىندە دەنساۋلىققا زيان كەلتىرۋ، قاراقشىلىق، ۇرلىق، بۇزاقىلىق، الاياقتىق، بوپسالاۋشىلىق جانە كولىك ايداپ اكەتۋ قىلمىستارى بار. «قۇقىق بۇزۋشىلىقتار جاساعانى ءۇشىن كامەلەتكە تولماعانداردىڭ ىستەرى جونىندەگى بولىمشەگە 4,5 مىڭنان اسا ءجاسوسپىرىم جەتكىزىلگەن، ولاردىڭ جارتىسىنان كوبى اكىمشىلىك جاۋاپكەرشىلىككە تارتىلدى، 944-ءى ۋاقىتشا وقشاۋلاۋ، بەيىمدەۋ جانە وڭالتۋ ورتالىعىنا ورنالاستىرىلدى. بۇل ساندارعا قاراپ، ءتيىستى قورىتىندى جاساۋعا بولادى»، – دەپ اتاپ كورسەتتى ول.

«وتكەن جىلى ءبىز وسى تاقىرىپتى (بالالار اراسىنداعى قىلمىس  – قازتاگ) كوتەرگەندە، اكىمدىك مەكتەپ ينسپەكتورلارىن تولىعىمەن قارجىلاندىرۋدى ءوز موينىنا الدى...ولاردىڭ (مەكتەپ ينسپەكتورلارى كادرلارى - قازتاگ) وسى ۋاقىتقا دەيىن  قامسىزداندىرىلماي وتىرعانى ماعان تۇسىنىكسىز. قازىرگى داعدارىس جاعدايىندا ءبىز ءاربىر تەڭگەنى ەسەپتەۋگە ءتيىسپىز. ەگەر اقشا بولىنسە، ونى ءتيىمدى پايدالانۋ قاجەت، ولار جۇمىس ىستەۋگە ءتيىس»، – دەپ ءمالىم ەتتى اكىم. ول 9 ساۋىردە پرەزيدەنت كامەلەتكە تولماعانداردىڭ اراسىنداعى قۇقىق بۇزۋشىلىقتاردىڭ الدىن الۋ بويىنشا ءىىد، ءبىلىم مەكەمەلەرى مەن اتا-انالار كوميتەتتەرىنىڭ بىرلەسىپ جۇمىس اتقارۋىنا نازار اۋدارعانىن پوليتسيا باستىقتارىنىڭ ەسىنە سالدى. 

«بۇل – وسكەلەڭ ۇرپاق، ءبىزدىڭ ەلىمىزدىڭ، قالامىزدىڭ كەلەشەگى، ءبىزدىڭ ەلىمىزدە يگىلىك قۇراتىن ادامدار»،- دەپ ەرەكشە اتاپ ءوتتى ا. ەسىموۆ.