جۇما, 12 تامىز 2022
انە، كوردىڭ بە؟ 2110 4 پىكىر 12 ءساۋىر, 2022 ساعات 14:24

ءبىلىمىڭ قانداي، قازاق ۇكىمەتى؟

قازىر رەسەيلىك ۋنيۆەرسيتەتتەردى «بولاشاق» باعدارلاماسىنا كوپتەپ قوسۋ جايلى اقپارات ەل ىشىندە قىزۋ تالقىلانۋدا.

پرەزيدەنت توقاەۆ «قاسىرەتتى قاڭتاردان» كەيىن رەسەيگە ىسكەرلىك ساپارمەن بارىپ، ارتىنشا رەسەيلىك جوو-لاردى «بولاشاق باعدارلاماسىنا» قوسۋ جانە رەسەيلىك جوو فيليالدارىن قازاقستاندا اشۋ تۋرالى باستاما كوتەردى. پرەزيدەنت 2025 جىلعا دەيىن قازاقستاندا رەسەيدىڭ بەس جەتەكشى وقۋ ورنى اشىلاتىنى جايلى مالىمدەدى.

قازىردىڭ وزىندە «بولاشاق باعدارلاماسىنا» رەسەيلىك باۋمان اتىنداعى ماسكەۋ مەملەكەتتىك تەحنيكالىق ۋنيۆەرسيتەتى، گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتىمەن كەلىسسوزدەر جۇرگىزىلىپ جاتقانى جايلى اقپاراتتار بار.

ال قازاقستان ۇكىمەتى ەلدە رەسەي جوعارى وقۋ ورىندارىنىڭ فيليالىن اشۋ كەلىسىمىن ماقۇلداۋعا دايىنداپ جاتىر. ونىڭ العاشقى ماتىندەرى اشىق نپا-دا جاريالاندى.

وسى رەتتە ءبىز ۇكىمەت مۇشەلەرى قانداي جوو تۇلەكتەرى ەكەنىنە ءبىر شولۋ جاساعاندى ءجون كوردىك.

ءاليحان سمايىلوۆ

قازاقستان رەسپۋبليكاسىنىڭ پرەمەر-ءمينيسترى.

1994 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن «قولدانبالى ماتەماتيكا» ماماندىعى بويىنشا تامامداعان. 1996 جىلى قر پرەزيدەنتى جانىنداعى قازاقستان مەنەدجمەنت، ەكونوميكا جانە بولجامداۋ ينستيتۋتىنىڭ مەملەكەتتىك باسقارۋ ماگيسترى دارەجەسىنە يە بولدى.

رومان سكليار

پرەمەر-ءمينيستردىڭ ءبىرىنشى ورىنباسارى.

پاۆلودار مەملەكەتتىك ۋنيۆەرسيتەتىن «ينجەنەر-قۇرىلىسشى» ماماندىعى بويىنشا، سونداي-اق، ماسكەۋ قازىرگى زامان بيزنەس ينستيتۋتىن «ەكونوميست» ماماندىعى بويىنشا جانە قازاق قۇقىقتانۋ جانە حالىقارالىق قاتىناستار ينستيتۋتىن «زاڭگەر» ماماندىعى بويىنشا بىتىرگەن.

ەرالى توعجانوۆ

پرەمەر-ءمينيستردىڭ ورىنباسارى.

1988 جىلى قاراعاندى مەملەكەتتىك ۋنيۆەرسيتەتىن، 1994 جىلى قازاقستان رەسپۋبليكاسىنىڭ عىلىم اكادەمياسىنىڭ مەملەكەت جانە قۇقىق ينستيتۋتىن تامامداعان.

مۇحتار تىلەۋبەردى

پرەمەر-ءمينيستردىڭ ورىنباسارى – سىرتقى ىستەر ءمينيسترى.

س. م. كيروۆ اتىنداعى قازاق مەملەكەتتىك ۋنيۆەرسيتەتىنىڭ فيلوسوفيا-ەكونوميكا فاكۋلتەتىن تامامداعان.

باقىت سۇلتانوۆ

پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى.

1994 جىلى قازاق ۇلتتىق تەحنيكالىق ۋنيۆەرسيتەتىن ينجەنەر-ەلەكتريك ماماندىعى بويىنشا، ال 1995 جىلى قازاق مەملەكەتتىك باسقارۋ اكادەمياسىن ەكونوميست ماماندىعى بويىنشا ءتامامدادى.

ەرۇلان جاماۋباەۆ

پرەمەر-ءمينيستردىڭ ورىنباسارى – قارجى ءمينيسترى.

1995 جىلى قازاق مەملەكەتتىك باسقارۋ اكادەمياسىن «قارجى جانە كرەديت» ماماندىعى بويىنشا تامامداعان، 2009 جىلى ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىندە «ىسكەرلىك اكىمشىلەندىرۋ» ماماندىعى بويىنشا ماگيستر دارەجەسىن العان.

عالىمجان قويشىباەۆ

پرەمەر-مينيستر كەڭسەسىنىڭ باسشىسى.

1994 جىلى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتەتىن تامامداعان.

رۋسلان جاقسىلىقوۆ

قورعانىس ءمينيسترى.

1987 جىلى ي. س. كونەۆ اتىنداعى الماتى جوعارى جالپىاسكەري كوماندالىق ۋچيليششەسىن، 1996 جىلى م. ۆ. فرۋنزە اتىنداعى اسكەري اكادەميانى، 2004 جىلى رەسەي فەدەراتسياسى قك باس شتابى اسكەري اكادەمياسىنىڭ جوعارى اكادەميالىق كۋرستارىن تامامداعان.

مارات احمەتجانوۆ

ىشكى ىستەر ءمينيسترى.

1991 جىلى قاراعاندى مەملەكەتتىك ۋنيۆەرسيتەتىن بىتىرگەن.

اسقار وماروۆ

اقپارات جانە قوعامدىق دامۋ ءمينيسترى.

«تۇران» ۋنيۆەرسيتەتىن حالىقارالىق ەكونوميكالىق قاتىناستار ماماندىعى بويىنشا  بىتىرگەن.

ەربول قاراشوكەەۆ

اۋىل شارۋاشىلىعى ءمينيسترى.

ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن، قازىرگى زامان گۋمانيتارلىق ينستيتۋتىن بىتىرگەن. ماماندىعى بويىنشا  — ەكونوميست، ەكونوميكا ماگيسترى، قۇقىقتانۋ باكالاۆرى، باكالاۆر اكادەميالىق دارەجەسى بەرىلگەن مەنەدجمەنت سالاسىنىڭ مامانى.

قانات مۋسين 

ادىلەت ءمينيسترى.

ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «زاڭگەر»، «اعا ادىلەت كەڭەسشىسى» ماماندىقتارى بويىنشا تامامداعان.

اسحات ايماعامبەتوۆ

ءبىلىم جانە عىلىم ءمينيسترى.

2003 جىلى ە. بوكەتوۆ اتىنداعى قارمۋ تاريح فاكۋلتەتىن «تاريحشى، تاريح مۇعالىمى» بىلىكتىلىگى بويىنشا تامامداعان. 2006 جىلى  قاراعاندى «بولاشاق» اكتۋالدى ءبىلىم بەرۋ ينستيتۋتىنىڭ زاڭ فاكۋلتەتىن «قۇقىقتانۋ» ماماندىعى بويىنشا اياقتاعان.

اجار عينيات

دەنساۋلىق ساقتاۋ ءمينيسترى.

1992 جىلى اقتوبە مەملەكەتتىك مەديتسينا ينستيتۋتىن، 2007 جىلى ش. ەسەنوۆ اتىنداعى اقتاۋ مەملەكەتتىك ۋنيۆەرسيتەتىن، 2015 جىلى الماتى مەنەدجمەنت ۋنيۆەرسيتەتىن تامامداعان.

تامارا دۇيسەنوۆا

ەڭبەك جانە حالىقتى الەۋمەتتىك قورعاۋ ءمينيسترى.

1987 جىلى تاشكەنت حالىق شارۋاشىلىعى ينستيتۋتىن ءبىتىردى، ماماندىعى – ينجەنەر-ەكونوميست، ەكونوميكا عىلىمدارىنىڭ كانديداتى.

قايىربەك وسكەنباەۆ

يندۋستريا جانە ينفراقۇرىلىمدىق دامۋ ءمينيسترى.

كسرو ءىىم قاراعاندى جوعارى مەكتەبىن، اقمولا اگرارلىق ۋنيۆەرسيتەتىن، ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ديپلوماتيالىق اكادەمياسىن بىتىرگەن.

داۋرەن اباەۆ

مادەنيەت جانە سپورت ءمينيسترى.

2001 جىلى ءال-فارابي اتىنداعى قازاق ۇلتتىق ۋنيۆەرسيتەتىن، 2006 جىلى لەيدەن ۋنيۆەرسيتەتىن تامامداعان.

يۋري يلين

توتەنشە جاعدايلار ءمينيسترى.

1989 جىلى ي.س. كونەۆ اتىنداعى الماتى جوعارى جالپى اسكەري كوماندالىق ۋچيليششەسىن شىنجىر تابان جانە دوڭگەلەكتى ماشينانى پايدالانۋ جونىندەگى ينجەنەر ماماندىعى بويىنشا، 2006 جىلى قىرعىز مەملەكەتتىك زاڭ اكادەمياسىن زاڭگەر ماماندىعى بويىنشا ءتامامدادى.

الىبەك قۋانتىروۆ

ۇلتتىق ەكونوميكا ءمينيسترى.

2006 جىلى تومسك مەملەكەتتىك ۋنيۆەرسيتەتىن قارجى جانە كرەديت» جانە «لينگۆيستيكا جانە مادەنيەتارالىق كوممۋنيكاتسيا» ماماندىقتارى بويىنشا، 2010 جىلى  قولدانبالى ەكونوميكا ماگيسترى دارەجەسىمەن ميچيگان ۋنيۆەرسيتەتىن «بولاشاق» ستيپەندياسى بويىنشا تامامداعان.

Áàãäàò Ìóñèí

باعدات مۋسين

تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى.

2004 جىلى س. دەميرەل اتىنداعى ۋنيۆەرسيتەتتى «ەسەپتەۋ تەحنيكاسىن باعدارلامالىق جانە اپپاراتتىق قامتاماسىز ەتۋ» ماماندىعى بويىنشا، 2006 جىلى قازاق قۇقىقتانۋ جانە حالىقارالىق قاتىناستار ينستيتۋتىن «قۇقىقتانۋشى» ماماندىعى بويىنشا تامامداعان.

سەرىكقالي برەكەشەۆ

ەكولوگيا، گەولوگيا جانە تابيعي رەسۋرستار ءمينيسترى.

1995 جىلى اتىراۋ پوليتەحنيكالىق ينستيتۋتىن «مۇناي جانە گاز كەن ورىندارىن يگەرۋ» ماماندىعى بويىنشا بىتىرگەن. «ەاەو قۇرۋعا اتسالىسقانى ءۇشىن» مەدالىمەن ماراپاتتالعان.

بولات اقشولاقوۆ

ەنەرگەتيكا ءمينيسترى.

1993 جىلى قازاق مەملەكەتتىك باسقارۋ اكادەمياسىن، ەسەپ جانە ەكونوميكالىق كيبەرنەتيكا فاكۋلتەتىن، 1998 جىلى مۇناي-گاز ونەركاسىبىنىڭ ءبىلىم بەرۋ ورتالىعىن بىتىرگەن.

Abai.kz

4 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2029
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 1980
ادەبيەت

ءتۇس

ەرعالي باقاش 1696
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2729