جۇما, 29 ناۋرىز 2024
جاڭالىقتار 3039 0 پىكىر 23 قازان, 2012 ساعات 08:11

دجاو چاڭ ليڭ: «قوش بول، قازاقستان!»

اۋىر اتلەتيكادان لوندون وليمپياداسىنىڭ چەمپيونى ءزۇلفيا چينشانلو قىتايعا، ءوز ەلىنە كەتتى. ءبىرجولا. بۇل تۋرالى قىتايدىڭ «Sohu.com» اقپاراتتىق سايتى حابارلادى دەپ Baq.kz cايتى جاريا ەتتى.  قىتايلىق سايتتان ءزۇلفيانىڭ شىن نىپسىسىن، تۋعان جەرىن بىلدىك: «يوڭ دجوۋ داو اۋدانىندا تۋىلعان زىلتەمىرشى قىزدىڭ شىن اتى - دجاو چاڭ ليڭ، ول قازاقستاننىڭ تولقۇجاتىن العانىمەن، اعىمداعى جىلدىڭ 22 قازان كۇنى چاڭ شا قالاسى، يۋ حۋا قالاسىنىڭ پوليتسيا باسقارماسىنا بارىپ جەكە كۋالىك جاساتتى. ول سونداي-اق، سول ولكەلىك زىلتەمىرشىلەردىڭ قۇرامىندا تىزىمدەلىپ قويعان».

قازاقستان اتىنان لوندون وليمپياداسىنا قاتىسىپ، التىن مەدال الىپ، ەلگە كەلگەن سوڭ چەمپيونعا بەرىلەتىن كولەمدى قارجىنى، ءار وبلىس، جەكەلەگەن ازاماتتار بەرگەن سىي-تارالعىنى تەڭدەپ الىپ، ارمانى ورىندالعان دجاو چاڭ ليڭ قىتاي قايداسىڭ دەپ تايىپ تۇرىپتى. ارتىنىپ-تارتىنىپ تۋعان جەرىنە بارعان زىلتەمىرشى قىز بىلاي دەپتى: «ەلگە ورالعانىما قاتتى قۋانىپ تۇرمىن. سەبەبى، دجيا تاربيەشى مەن دجوۋ جاتتىقتىرۋشىمەن بىرگە بولاتىن بولدىم. ودان دا ماڭىزدىسى، مەن كەز-كەلگەن ۋاقىتتا اششى تاعامدار جەي الاتىن بولدىم».

اۋىر اتلەتيكادان لوندون وليمپياداسىنىڭ چەمپيونى ءزۇلفيا چينشانلو قىتايعا، ءوز ەلىنە كەتتى. ءبىرجولا. بۇل تۋرالى قىتايدىڭ «Sohu.com» اقپاراتتىق سايتى حابارلادى دەپ Baq.kz cايتى جاريا ەتتى.  قىتايلىق سايتتان ءزۇلفيانىڭ شىن نىپسىسىن، تۋعان جەرىن بىلدىك: «يوڭ دجوۋ داو اۋدانىندا تۋىلعان زىلتەمىرشى قىزدىڭ شىن اتى - دجاو چاڭ ليڭ، ول قازاقستاننىڭ تولقۇجاتىن العانىمەن، اعىمداعى جىلدىڭ 22 قازان كۇنى چاڭ شا قالاسى، يۋ حۋا قالاسىنىڭ پوليتسيا باسقارماسىنا بارىپ جەكە كۋالىك جاساتتى. ول سونداي-اق، سول ولكەلىك زىلتەمىرشىلەردىڭ قۇرامىندا تىزىمدەلىپ قويعان».

قازاقستان اتىنان لوندون وليمپياداسىنا قاتىسىپ، التىن مەدال الىپ، ەلگە كەلگەن سوڭ چەمپيونعا بەرىلەتىن كولەمدى قارجىنى، ءار وبلىس، جەكەلەگەن ازاماتتار بەرگەن سىي-تارالعىنى تەڭدەپ الىپ، ارمانى ورىندالعان دجاو چاڭ ليڭ قىتاي قايداسىڭ دەپ تايىپ تۇرىپتى. ارتىنىپ-تارتىنىپ تۋعان جەرىنە بارعان زىلتەمىرشى قىز بىلاي دەپتى: «ەلگە ورالعانىما قاتتى قۋانىپ تۇرمىن. سەبەبى، دجيا تاربيەشى مەن دجوۋ جاتتىقتىرۋشىمەن بىرگە بولاتىن بولدىم. ودان دا ماڭىزدىسى، مەن كەز-كەلگەن ۋاقىتتا اششى تاعامدار جەي الاتىن بولدىم».

ءيا، كەلىمسەكتەردىڭ ارمانىن ورىندايتىنىن، ونىمەن قويماي قوينى-قونشىنا قازاقتىڭ قاراجاتىن لىقا تولتىرىپ، التىن مەدالىن قوسا بەرىپ، وليمپيادا چەمپيونى دەگەن كەز كەلگەن سپورتشىعا بۇيىرا بەرمەيتىن باقتى الىپ بەرىپ، اتامەكەنىنەن اتتاندىرىپ سالۋ تەك قازاقستاننىڭ عانا قولىنان كەلەدى.

قايران قازاقتىڭ باعى مەن بيۋدجەتى كورىنگەنگە جەم بولعان...

امانگەلدى سەيىتحان، جۋرناليست:

زۋلفيا چينشانلونىڭ قىتايعا كەتكەنى تۋرالى رەسمي اقپارات ەستىمەدىم. ال، ەگەر كەتكەنى شىن بولسا، وعان نە دەپ رەنجيمىز. ولار جىل قۇسى سياقتى عوي. كەلدى. التىندى الىپ بەردى. كەتەدى.

نەگىزى كەلىمسەك سپورتشىلارعا ارقا سۇيەۋ - بولاشاعىن ويلامايتىن مەملەكەتتەردىڭ ءىسى. ءبىز ءبىر مەزەتتىك جەتىستىككە بولا ءوز ەلىمىزدەگى ءبىر بۋىن سپورتشى جاستاردى قۇرباندىققا شالىپ جاتىرمىز. كەلىمسەكتەردىڭ كەسىرىنىڭ تيگەنىن ون-ون بەس جىلدان كەيىن بارماعىمىزدى تىستەپ، وپىق جەپ وكىنىپ وتىرىپ بىلەتىن بولامىز.

ءتىپتى، اناۋ ۆينوكۋروۆتىڭ دا ويدان-قىردان جيناپ، كەلىمسەكتەردەن قۇراعان «استانا» كومانداسى دا بىزگە وپا تاپتىرمايدى. ءوز ەلىڭ دە، ءوز جەرىڭ دە، وزىڭنەن تۋعان بالانى ءوز نامىسىڭدى جىرتىپ، تۋعان ەلىنىڭ تۋىن جەلبىرەتۋ ءۇشىن جانىڭدى سالىپ جاتتىقتىرىپ، باپتاماعان سوڭ - باسقاسى بەكەر. "قاسقىردىڭ كۇشىگىن قانشا باقساڭ دا ورمانعا قاراپ ۇليتىنىن" ۇمىتپاعانىمىز ءجون.

ءبىزدىڭ لەگيونەرلەرگە اۋەس بولاتىنىمىز - تەر توگىپ، ەڭبەك ەتىپ، ءار سپورتشىنىڭ ىستىعىنا كۇيىپ، سۋىعىنا توڭىپ باپتاپ وسىرگىمىز كەلمەيدى. ودان دا دايىن تۇرعان سپورتشىنى اكەلىپ، التىندى الىپ، جەتىستىككە جەتۋ عانا. بىزگە كەرەگى - اتاق پەن داڭق قانا. مەملەكەتتىڭ سپورتتىق بولاشاعىنا باس اۋىرتقىمىز كەلمەيدى.

«Abai.kz»

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3545