شەتەل بارلاۋ اگەنتى مەملەكەت باسشىسى مەن بىرقاتار جوعارى لاۋازىمدى مەملەكەتتىك قىزمەتكەرلەرگە قاستاندىق جاساۋدى جوسپارلاعان. بۇل تۋرالى قر ۇقك ءباسپاسوز قىزمەتى حابارلادى. 

25 ناۋرىز كۇنى قارسى بارلاۋ قىزمەتكەرلەرى تاراپىنان نۇر-سۇلتان قالاسىندا شەتەلدىك بارلاۋ قىزمەتىنە جۇمىس ىستەيتىن ازامات تۇتقىندالدى.

"ول ارناۋلى جانە قۇقىق قورعاۋ ورگاندارى قىزمەتكەرلەرىنە قاتىستى تەرروريستىك اكتىلەر جاساۋدى جوسپارلاعان.

ءتىنتۋ بارىسىندا شەتەلدە شىعارىلعان دىبىس وشىرگىشى بار سنايپەرلىك ۆينتوۆكا، ەسىرتكى زاتتارى جانە ءىرى اقشا سوماسى تاركىلەندى. قارۋ كاسىبي تۇردە جاسىرىلىپ، قازاقستانعا بولشەكتەرمەن اكەلىنگەن", - دەلىنگەن حابارلامادا.

كۇدىكتى الەۋمەتتىك جەلىلەردە ءتيىستى ماتەريالداردى جاريالاۋ ارقىلى رەسەيگە قارسى ۇندەۋدى ناسيحاتتاۋ جانە قوعامدا رۋسوفوبتىق كوزقاراستاردى تۋدىرۋ تاپسىرمالارىن ورىنداعانى حابارلاندى.

"الدىن الا تەرگەۋ بارىسىندا ەر ادام بۇل ىستەردى شەتەل مەملەكەتىنىڭ تاپسىرماسى جانە مۇددەسىندە جاساعانىن مويىندادى.

قازىرگى كەزدە ۇقك قىلمىستىق كودەكستىڭ 24-بابى 1-بولىگى (قىلمىسقا دايىندالۋ جانە قىلمىسقا وقتالۋ) جانە 255-بابى 4-بولىگىندە (تەرروريزم اكتىسى) كوزدەلگەن قىلمىستى جاساۋ دەرەگى بويىنشا تەرگەۋ جۇرگىزىپ جاتىر", - دەد ۇقك وكىلدەرى.

Abai.kz