سارسەنبى, 29 ماۋسىم 2022
دابىل 7161 48 پىكىر 26 ناۋرىز, 2022 ساعات 12:51

رەسەي دەپۋتاتى: قازاقستاندى دا «دەناتسيفيكاتسيالاۋ» كەرەك

رەسەي ۋكرايناعا باسقىنشىلىق جاساعان ساتتەن باستاپ، رەسەيلىك ساياساتكەرلەردىڭ پوستكەڭەستىك ەلدەرگە قاتىستى كۇدىگى مەن تالاپتارى ارتا ءتۇستى. وزگە ەلگە تالاپ قويۋدان تايىنبايتىن باسقىنشىلار ەندىگى تاڭدا ءتىپتى, بيوزەرتحانالار اتتى تاقىرىپتى قىزدىرىپ جاتىر. ولار «ۋكراينا جەرىنەن بولەك، گرۋزيا مەن قازاقستاندا دا اقش-تىڭ بيوزەرتحانالارى بار»، - دەيدى. «ونى تەكسەرۋ كەرەك، تەكسەرمەسەك كوزىن جويۋ كەرەك»، - دەگەندى ەمىن-ەركىن ايتاتىن بولدى. 

ماسكەۋ قالالىق دۋماسىنىڭ دەپۋتاتى، رەسەي فەدەراتسياسى كوممۋنيستىك پارتياسىنىڭ مۇشەسى سەرگەي ساۆوستيانوۆ ۋكرايناداعىداي، قازاقستان، بالتىق ەلدەرى مەن مولدوۆادا اسكەري وپەراتسيا وتكىزۋدى ۇسىندى.

«ۋكراينانى دەميليتاريزاتسيالاۋ جانە دەناتسيفيكاتسيالاۋ ۋكراينا، رەسەي جانە بۇكىل ەۋروپا حالىقتارى ءۇشىن تۇراقتى قاۋىپسىزدىكتى قامتاماسىز ەتەدى. رەسەي فەدەراتسياسىنىڭ قاۋىپسىزدىگىن قامتاماسىز ەتۋدىڭ نەعۇرلىم تولىق پروتسەسى ءۇشىن ۋكراينادان باسقا بالتىق جاعالاۋى ەلدەرىن، پولشا، مولدوۆا جانە قازاقستاندى دەناتسيفيكاتسيالاۋدى ورىندى دەپ سانايمىن»، - دەپتى ول.

ول بۇل تۋرالى ارنايى ۇسىنىس قۇجاتىن جاساپ، ونىڭ ۇلگىسىن الەۋمەتتىك جەلىگە جاريالاعان. رەسەي اسكەرى باسقىنشىلىق جاساپ، 24 اقپاندا ۋكرايناعا باسىپ كىرگەن بولاتىن. رەسەي 1351 ادامى قازا تاپقانىن مويىندادى.

Abai.kz

48 پىكىر