بەيسەنبى, 28 ناۋرىز 2024
جاڭالىقتار 2793 0 پىكىر 12 قازان, 2012 ساعات 05:01

نۇرتاي سابيليانوۆ، دەپۋتات. اقپارات قۇرالدارى زامان تالابىنا ساي ما؟

قازاقستان رەسپۋبليكاسى پارلامەنتى ءماجىلىسىنىڭ  توراعاسى نۇرلان نىعماتۋليننىڭ باسشىلىعىمەن وتكەن   كەشەگى جالپى وتىرىستا  دەپۋتات نۇرتاي سابيليانوۆ  قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆكە دەپۋتاتتىق ساۋال جولدادى.

«مەملەكەتتىك ساياساتتى ازاماتتارعا ءتۇسىندىرۋ ءۇشىن، قوعامنىڭ دامۋى مەن قاۋىپسىزدىگى ءۇشىن اقپارات قۇرالدارى زامان تالابىنا ساي بولۋى ءتيىس. بۇل باعىتتا ەلىمىزدىڭ اقپارات كەڭىستىگىندەگى «قازاقستان» رەسپۋبليكالىق تەلەراديو كورپوراتسياسى مەن «حابار» اگەنتتىگىنىڭ الەۋەتى جوعارى. ولار مەملەكەتتىك اقپاراتتىق تاپسىرىستى رەسپۋبليكالىق جانە جەرگىلىكتى دەڭگەيدە ورىندايدى.

قازاقستانداعى بارلىق رەسپۋبليكالىق تەلەارنالار قالا، اۋدان، اۋىل تۇرعىندارىنىڭ اقپاراتتىق جانە الەۋمەتتىك سۇرانىسىن تولىق ورىنداي المايتىنى بەلگىلى. حالىق، تۇرعىندار مەملەكەتتىڭ جانە وزدەرى تۇراتىن ايماقتىڭ باستى جاڭالىقتارىنا، مەملەكەتتىك باعدارلامالاردىڭ ورىندالۋىنا، ماسەلەلەرگە، ەل تاريحى مەن مادەنيەتىنە قىزىعۋشىلىق تانىتادى. ەلىمىزدە بۇل فۋنكتسيالار «حابار» اگەنتتىگى مەن «قازاقستان» تەلەراديو كورپوراتسياسىنىڭ تەلەارنالارى مەن فيليالدارىنا جۇكتەلگەن.

قازاقستان رەسپۋبليكاسى پارلامەنتى ءماجىلىسىنىڭ  توراعاسى نۇرلان نىعماتۋليننىڭ باسشىلىعىمەن وتكەن   كەشەگى جالپى وتىرىستا  دەپۋتات نۇرتاي سابيليانوۆ  قازاقستان رەسپۋبليكاسىنىڭ پرەمەر-ءمينيسترى سەرىك احمەتوۆكە دەپۋتاتتىق ساۋال جولدادى.

«مەملەكەتتىك ساياساتتى ازاماتتارعا ءتۇسىندىرۋ ءۇشىن، قوعامنىڭ دامۋى مەن قاۋىپسىزدىگى ءۇشىن اقپارات قۇرالدارى زامان تالابىنا ساي بولۋى ءتيىس. بۇل باعىتتا ەلىمىزدىڭ اقپارات كەڭىستىگىندەگى «قازاقستان» رەسپۋبليكالىق تەلەراديو كورپوراتسياسى مەن «حابار» اگەنتتىگىنىڭ الەۋەتى جوعارى. ولار مەملەكەتتىك اقپاراتتىق تاپسىرىستى رەسپۋبليكالىق جانە جەرگىلىكتى دەڭگەيدە ورىندايدى.

قازاقستانداعى بارلىق رەسپۋبليكالىق تەلەارنالار قالا، اۋدان، اۋىل تۇرعىندارىنىڭ اقپاراتتىق جانە الەۋمەتتىك سۇرانىسىن تولىق ورىنداي المايتىنى بەلگىلى. حالىق، تۇرعىندار مەملەكەتتىڭ جانە وزدەرى تۇراتىن ايماقتىڭ باستى جاڭالىقتارىنا، مەملەكەتتىك باعدارلامالاردىڭ ورىندالۋىنا، ماسەلەلەرگە، ەل تاريحى مەن مادەنيەتىنە قىزىعۋشىلىق تانىتادى. ەلىمىزدە بۇل فۋنكتسيالار «حابار» اگەنتتىگى مەن «قازاقستان» تەلەراديو كورپوراتسياسىنىڭ تەلەارنالارى مەن فيليالدارىنا جۇكتەلگەن.

سوڭعى ۋاقىتتا ەلىمىزدە اقپاراتتىق تەحنولوگيالار تەز دامۋدا، تسيفرلىق ستاندارت ەنگىزىلىپ جاتىر. بارلىق تەلەارنالار مەن وبلىستىق فيليالدار «وتاۋ-تۆ» ۇلتتىق سپۋتنيكتىك حابار تاراتۋ جۇيەسىنە قوسىلۋدا. وسىنداي شەشۋشى كەزەڭدە «قازاقستان» تەلەارناسىنىڭ وبلىستىق فيليالدارى مەن «حابار» اگەنتتىگىنە قارايتىن «24kz» جانە «ءبىلىم» ارنالارىنىڭ پروبلەمالارىنا نازار اۋدارعىمىز كەلەدى.

ءبىرىنشى ماسەلە. «قازاقستان» تەلەراديو كورپوراتسياسىنىڭ جەرگىلىكتى دەڭگەيدە 14 وبلىستىق فيليالى جۇمىس ىستەيدى. ءار فيليال تاۋلىگىنە ورتاشا ەسەپپەن 14 ساعات حابار تاراتادى.

اقپاراتتىق قوعامنىڭ قاتال تالاپتارىنا «قازاقستان» تەلەارناسىنىڭ وبلىستىق فيليالدارى بۇگىن دايىن ەمەس. تەلەۆيزيالىق جابدىقتار، تەحنيكالار ەسكىرگەن. قىزمەتكەرلەردىڭ جالاقىسى تومەن. ويتكەنى، فيليالدارعا قارجى جەرگىلىكتى بيۋدجەتتەن عانا بولىنەدى. بيۋدجەتتىك قارجى جانە جارنامادان تۇسەتىن قاراجات ولاردىڭ شىعىندارىن جابا المايدى. جاڭاشا جۇمىس ىستەۋگە، شالعاي ەلدى-مەكەندەردەن اقپارات جەتكىزۋگە مۇمكىندىك بەرمەيدى.

ەكىنشى ماسەلە. بيىل عانا اشىلعان «حابار» اگەنتتىگىنە قاراستى «24kz» پەن «ءبىلىم» ارنالارىنا قوعامنىڭ اقپاراتتىق سۇرانىسىن قاناعاتتاندىرۋ جانە ءبىلىمدى ۇرپاق تاربيەلەۋ مىندەتتەرى جۇكتەلگەن.

جاڭادان قۇرىلعان وسى ەكى تەلەارناعا 2013 جىلى ءوز جۇمىسىن قالىپتى جالعاستىرۋ ءۇشىن 620 ملن. تەڭگە قاجەت ەكەن («ءبىلىم» - 348 164 تىس. تەنگە، «24kz» - 274 735 تىس. تەنگە). ال، «حابار» اگەنتتىگىنە بۇل قاراجات بولىنبەگەن. اقپارات مينيسترلىگى حابار تاراتۋدىڭ ءبىر ساعاتىن 375,1 مىڭ تەڭگە دەپ ۇسىنعان. ال، بيۋدجەتتىك كوميسسيا بۇل باعانى 307,1 مىڭ تەڭگە دەپ قانا بەلگىلەگەن.

مەملەكەت باسشىسى ن.ءا.نازارباەۆتىڭ تاپسىرماسى بويىنشا «مەرەيلى وتباسى» بايقاۋى (75 ملن. تەڭگە) مەن «بولاشاق بۇگىننەن باستالادى» اتتى قوعامدىق-ساياسي جوبانى (85 ملن. تەڭگە) ۇيىمداستىرۋعا دا اگەنتتىككە قوسىمشا 160 ملن. تەڭگە بولىنبەگەن.

وسى ايتقانداردى ەسكەرە وتىرىپ،

1.     «قازاقستان» رەسپۋبليكالىق تەلەراديوكورپوراتسياسىنا ونىڭ فيليالدارىن دامىتۋ ءۇشىن 2013 جىلعى رەسپۋبليكالىق بيۋدجەتتەن قوسىمشا 1,5  ملرد. تەڭگە قاراجات قاراستىرۋدى;

2.     «حابار» اگەنتتىگىنە جاڭا تەلەارنالاردى قارجىلاندىرۋ، ماتەريالدىق-تەحنيكالىق بازاسىن جاقسارتۋ ءۇشىن 2013 جىلعى رەسپۋبليكالىق بيۋدجەتتەن قوسىمشا 2,3 ملرد. تەڭگە قاراجات قاراستىرۋدى سۇرايمىز»،- دەگەن ساۋال سوڭىنا ز.يا.باليەۆا ،      ن.س. سابيليانوۆ م.س.اشىمباەۆ، گ.م.ىقسانوۆا،گ.س. سەيتماعانبەتوۆا،ءا.ءا. تويباەۆ، ن.ن. لوگۋتوۆ،ءۇ.ءو. مەدەۋوۆ،س.ءو. نۇرعيساەۆ،ر.س. حالمۋرادوۆ،گ.ي.يسيمباەۆالار قول قويعان.

اقپاراتتى قر پارلامەنتى ءماجىلىسى اپپاراتىنىڭ  باسپاسوز قىزمەتى تاراتتى

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530