«قولجەتىمدى تۇرعىن ءۇي» باعدارلاماسىن ىسكە اسىرۋ اياسىندا استانادا جىل سايىن 2020 جىلعا دەيىن 1,5 ميلليون شارشى مەترگە جۋىق ۇيلەر پايدانۋعا بەرىلىپ وتىرماق. بۇل تۋرالى ەلوردا ءماسليحاتىنىڭ ءىح سەسسياسىنىڭ اشىلۋىندا قالا اكىمىنىڭ ءبىرىنشى ورىنباسارى سەرگەي حوروشۋن جاريا ەتتى. «اعىمداعى جىلدىڭ 21 ماۋسىمىندا 9 نەگىزگى باعىتتار بەلگىلەنگەن «قولجەتىمدى تۇرعىن ءۇي - 2020» جاڭا مەملەكەتتىك باعدارلاما بەكىتىلدى. ونىڭ ىشىندە «تۇرعىن ءۇي قۇرىلىسى جيناق بانكى جەلىسى بويىنشا ازاماتتاردىڭ بارلىق ساناتتارىنا ارنالعان تۇرعىن ۇيلەر»، «جەرگىلىكتى اتقارۋ ورگانىندا كەزەكتە تۇرعاندار ءۇشىن ۇيلەر»، «جاس وتباسىلارى ءۇشىن ۇيلەر»، «كيك» اق قورىنىڭ ۇيلەرى - ساتىپ الۋ مۇمكىندىگى بار الەۋمەتتىك جالعا بەرۋ»، «سامۇرىق-قازىنا» جىلجىمايتىن مۇلىك قورى» اق تاراپىنان جالعا بەرىلەتىن ۇيلەر»، «اپاتتىق جاعدايداعى قۇلاتىلاتىن ۇيلەر بويىنشا پيلوتتىق جوبا اياسىنداعى تۇرعىن ۇيلەر»، ت.ب. باعىتتار بويىنشا جۇمىستار جۇرگىزىلەدى. بۇل باعدارلامانى ىسكە اسىرۋ قارجىلاندىرۋدىڭ بارلىق كوزدەرى بوىنشا 1,5 ميلليون شارشى مەتر تۇرعىن ۇيلەردى جىل سايىن پايدالانۋعا بەرىپ وتىرۋعا مۇمكىندىك بەرەدى»، - دەدى استانا قالاسى اكىمىنىڭ ءبىرىنشى ورىنباسارى. - جالپى العاندا، مەملەكەتتىك قارجىلاندىرۋدىڭ جوسپارلانعان كولەمىمەن ايتار بولساق، استانا قالاسى بويىنشا 2020 جىلعا دەيىن تۇرعىن ۇيلەر تۇرعىزۋدىڭ بولجامى 2,5 ميلليون شارشى مەتردى قۇرايدى نەمەسە 49 600 پاتەر پايدالانۋعا بەرىلۋى ءتيىس.

«قولجەتىمدى تۇرعىن ءۇي» باعدارلاماسىن ىسكە اسىرۋ اياسىندا استانادا جىل سايىن 2020 جىلعا دەيىن 1,5 ميلليون شارشى مەترگە جۋىق ۇيلەر پايدانۋعا بەرىلىپ وتىرماق. بۇل تۋرالى ەلوردا ءماسليحاتىنىڭ ءىح سەسسياسىنىڭ اشىلۋىندا قالا اكىمىنىڭ ءبىرىنشى ورىنباسارى سەرگەي حوروشۋن جاريا ەتتى. «اعىمداعى جىلدىڭ 21 ماۋسىمىندا 9 نەگىزگى باعىتتار بەلگىلەنگەن «قولجەتىمدى تۇرعىن ءۇي - 2020» جاڭا مەملەكەتتىك باعدارلاما بەكىتىلدى. ونىڭ ىشىندە «تۇرعىن ءۇي قۇرىلىسى جيناق بانكى جەلىسى بويىنشا ازاماتتاردىڭ بارلىق ساناتتارىنا ارنالعان تۇرعىن ۇيلەر»، «جەرگىلىكتى اتقارۋ ورگانىندا كەزەكتە تۇرعاندار ءۇشىن ۇيلەر»، «جاس وتباسىلارى ءۇشىن ۇيلەر»، «كيك» اق قورىنىڭ ۇيلەرى - ساتىپ الۋ مۇمكىندىگى بار الەۋمەتتىك جالعا بەرۋ»، «سامۇرىق-قازىنا» جىلجىمايتىن مۇلىك قورى» اق تاراپىنان جالعا بەرىلەتىن ۇيلەر»، «اپاتتىق جاعدايداعى قۇلاتىلاتىن ۇيلەر بويىنشا پيلوتتىق جوبا اياسىنداعى تۇرعىن ۇيلەر»، ت.ب. باعىتتار بويىنشا جۇمىستار جۇرگىزىلەدى. بۇل باعدارلامانى ىسكە اسىرۋ قارجىلاندىرۋدىڭ بارلىق كوزدەرى بوىنشا 1,5 ميلليون شارشى مەتر تۇرعىن ۇيلەردى جىل سايىن پايدالانۋعا بەرىپ وتىرۋعا مۇمكىندىك بەرەدى»، - دەدى استانا قالاسى اكىمىنىڭ ءبىرىنشى ورىنباسارى. - جالپى العاندا، مەملەكەتتىك قارجىلاندىرۋدىڭ جوسپارلانعان كولەمىمەن ايتار بولساق، استانا قالاسى بويىنشا 2020 جىلعا دەيىن تۇرعىن ۇيلەر تۇرعىزۋدىڭ بولجامى 2,5 ميلليون شارشى مەتردى قۇرايدى نەمەسە 49 600 پاتەر پايدالانۋعا بەرىلۋى ءتيىس. ياعني، بيۋدجەت قاراجاتتارى ەسەبىنەن جىل سايىن ورتا ەسەپپەن 300 مىڭ شارشى مەتر پايدالانۋعا بەرىلىپ وتىرادى - بۇل باستى قالامىزدا جىل سايىن ىسكە قوسىلاتىن تۇرعىن ۇيلەردىڭ جالپى بولىگىنىڭ 20%-ى عانا»، -  دەپ اتاپ كورسەتتى س. حوروشۋن. ەلوردا اكىمى ءبىرىنشى ورىنباسارىنىڭ ايتۋىنشا، پايدالانۋعا وتكىزىلەتىن تۇرعىن ۇيلەردىڭ نەگىزگى اۋقىمى كوممەرتسيالىق نارىق تاراپىنان جانە جەكە تۇرعىن ءۇي قۇرىلىسى سالالارى ارقىلى ۇسىنىلماق. سونىمەن قاتار «قولجەتىمدى تۇرعىن ءۇي» باعدارلاماسىن جۇزەگە اسىرۋ بارىسىندا 200 مىڭ شارشى مەتردەن استام اپاتتى جاعدايداعى جانە توزىعى جەتكەن ۇيلەر قيراتىلىپ، ولاردىڭ ورنىنا 4 070 جاڭا پاتەر بەرىلمەك. 
«استانا اكىمدىگى قر قۇرىلىس جانە تكش ىستەرى اگەنتتىگىمەن بىرلەسىپ، «قولجەتىمدى تۇرعىن ءۇي - 2020» باعدارلاماسىنا - اپاتتى جاعدايداعى جانە توزىعى جەتكەن ۇيلەردى بۇزۋعا بيۋدجەتتەن 40 ميلليارد تەڭگە ءبولۋى قاراستىرىلعان - قالا اۋماعىن قالىپقا كەلتىرۋدىڭ پيلوتتىق جوباسى قوسىلدى. استانادا 42 قايتا قالپىنا كەلتىرۋ اۋدانىنا بولىنگەن، كولەمى 588 مىڭ شارشى مەتر 2978 ۇيلەر قايتا وڭدەۋدى جانە بۇزۋدى قاجەت ەتۋدە. بۇل ۇيلەر الىپ جاتقان جەردىڭ جالپى اۋماعى - 315 گەكتار، ال سول اۋماقتا سالىنۋى جوبالانعان ۇيلەردىڭ كولەمى 3 ميلليون شارشى مەتردى قۇرايدى»، - دەيدى س. حوروشۋن. - ءدال قازىر شەشىمىن تابۋى ءتيىس ءبىرىنىشى كەزەكتى مىندەت - جالپى كولەمى 150 مىڭ شارشى مەتر اۋماقتى الىپ جاتقان 228 اپاتتى جاعدايداعى جانە توزىعى جەتكەن ۇيلەردى قۇلاتۋ، - دەدى حوروشۋن مىرزا قالا ءماسليحاتى دەپۋتاتتارىنىڭ الدىنداعى ەسەپ بەرۋى بارىسىندا. جالپىلاي ايتقاندا، قالا اۋماعىن قالىپقا كەلتىرۋ بويىنشا وسى جوبا اياسىندا 608 مىڭ شارشى مەترگە جۋىق تۇرعىن ءۇي سالىنۋى نەمەسە 12 مىڭعا جۋىق پاتەردىڭ پايدالانۋعا بەرىلۋى جوسپارلانعان. قالا اۋماعىن قالىپقا كەلتىرۋ ماقساتىندا استانا اكىمدىگى «ەلوردا دامۋ» جشس مەملەكەتتىك كاسىپورنىن قۇرعان. 
سونىمەن قاتار «قولجەتىمدى تۇرعىن ءۇي» باعدارلاماسىن جۇزەگە اسىرۋ اياسىندا استانادا 2 ءىرى ءۇي قۇرىلىسى كومبيناتتارى (ۇقك) قۇرىلماقشى. استانا اكىمىنىڭ ءبىرىنشى ورىنباسى س. حوروشۋننىڭ ايتۋىنشا، مۇنى جۇزەگە اسىرۋعا «شار-قۇرىلىس» جشس مەن «بازيس-ا» كورپوراتسياسى قاتىسپاق. ال، اتالعان ۇقك-تارىن ىسكە قوسۋ 2014 جىلعا جوسپارلانىپ وتىر.

"ۇلت Times" گازەتى