سەنبى, 20 تامىز 2022
جاڭالىقتار 1770 0 پىكىر 8 قازان, 2012 ساعات 13:26

ازات پەرۋاشەۆ: امانجاندى تابا المادىق...

ازات پەرۋاشەۆ، ءماجىلىس دەپۋتاتى:

كوپتەن بەرى ماجىلىستە قارا كورسەتپەگەن اقجولدىق دەپۋتات امانجان رىسقالي اقىرى قىلمىسقا قاتىستى بولىپ شىققانىن گازەتىمىزدىڭ وتكەن سانىندا جازعان بولاتىنبىز. بەس جىلدان استام اتىراۋ وبلىسىن باسقارعان بەرگەي رىسقاليەۆ قىزمەتىنەن بوساعاننان كەيىن، امانجاننىڭ باسىنا قارا بۇلت ۇيىرىلە باستاعانداي بولىپ ەدى. اقىرى سول جايت ونىڭ دەپۋتاتتىق مانداتىن تاپسىرۋىنا عانا ەمەس، قاماۋعا الىنۋىنا دا سەبەپشى بولدى. قۇزىرلى ورىندار مۇنداي شەشىم قابىلداعانىمەن امانجان رىسقاليدىڭ قايدا جۇرگەنى ازىرگە بەلگىسىز. ال ءبىز وسىعان قاتىستى «اقجولدىڭ» كوسەمى ازات پەرۋاشەۆتى سوزگە تارتقان ەدىك.
-     سىز باسقاراتىن پارتيانىڭ مۇشەسى بولعان امانجان رىسقاليدىڭ قىلمىسقا قاتىسى بارى سوڭعى ەكى-ءۇش كۇندىكتە ناقتى ايتىلا باستادى. وسى ۋاقىتقا دەيىن بۇل تۋرالى ەشتەڭەدەن حابارسىز بولىپ كەلدىڭىزدەر مە؟
-     اتىراۋ قالالىق سوتىنىڭ شەشىمىمەن امانجان رىسقاليدى قاماۋعا الۋ تۋرالى سانكتسيا بەرگەننەن كەيىن ءبىز پارتيانىڭ كەزەكسىز شاقىرىلعان پريزيديۋمى كەزىندە بۇل ماسەلەنى قاراستىردىق. ا.رىسقالي بىزبەن بايلانىسقا شىقپاعاننان كەيىن جانە رەسمي ورىننان وسىنداي شەشىم شىققان سوڭ ونىڭ مۇشەلىگىن توقتاتىپ وتىرمىز. ونى ۇستاۋ تۋرالى سانكتسيا بەرگەن اتىراۋ قالالىق №2 سوتى.
-     سىزدەر ارىپتەستەرىڭىزدى ىزدەپ تابۋعا تىرىستىڭىزدار ما؟

ازات پەرۋاشەۆ، ءماجىلىس دەپۋتاتى:

كوپتەن بەرى ماجىلىستە قارا كورسەتپەگەن اقجولدىق دەپۋتات امانجان رىسقالي اقىرى قىلمىسقا قاتىستى بولىپ شىققانىن گازەتىمىزدىڭ وتكەن سانىندا جازعان بولاتىنبىز. بەس جىلدان استام اتىراۋ وبلىسىن باسقارعان بەرگەي رىسقاليەۆ قىزمەتىنەن بوساعاننان كەيىن، امانجاننىڭ باسىنا قارا بۇلت ۇيىرىلە باستاعانداي بولىپ ەدى. اقىرى سول جايت ونىڭ دەپۋتاتتىق مانداتىن تاپسىرۋىنا عانا ەمەس، قاماۋعا الىنۋىنا دا سەبەپشى بولدى. قۇزىرلى ورىندار مۇنداي شەشىم قابىلداعانىمەن امانجان رىسقاليدىڭ قايدا جۇرگەنى ازىرگە بەلگىسىز. ال ءبىز وسىعان قاتىستى «اقجولدىڭ» كوسەمى ازات پەرۋاشەۆتى سوزگە تارتقان ەدىك.
-     سىز باسقاراتىن پارتيانىڭ مۇشەسى بولعان امانجان رىسقاليدىڭ قىلمىسقا قاتىسى بارى سوڭعى ەكى-ءۇش كۇندىكتە ناقتى ايتىلا باستادى. وسى ۋاقىتقا دەيىن بۇل تۋرالى ەشتەڭەدەن حابارسىز بولىپ كەلدىڭىزدەر مە؟
-     اتىراۋ قالالىق سوتىنىڭ شەشىمىمەن امانجان رىسقاليدى قاماۋعا الۋ تۋرالى سانكتسيا بەرگەننەن كەيىن ءبىز پارتيانىڭ كەزەكسىز شاقىرىلعان پريزيديۋمى كەزىندە بۇل ماسەلەنى قاراستىردىق. ا.رىسقالي بىزبەن بايلانىسقا شىقپاعاننان كەيىن جانە رەسمي ورىننان وسىنداي شەشىم شىققان سوڭ ونىڭ مۇشەلىگىن توقتاتىپ وتىرمىز. ونى ۇستاۋ تۋرالى سانكتسيا بەرگەن اتىراۋ قالالىق №2 سوتى.
-     سىزدەر ارىپتەستەرىڭىزدى ىزدەپ تابۋعا تىرىستىڭىزدار ما؟
-  وكىنىشكە قاراي امانجان رىسقالي بىزگە حابارلاسقان جوق. ءبىز شامامىز كەلگەنشە ونى تابۋعا تىرىستىق. اتىراۋ وبلىسىنداعى پارتيا فيليالىنىڭ جەتەكشىسى مەن مۇشەلەرىن شاقىرىپ، سويلەستىك. ولار دا ەكس-دەپۋتاتتىڭ قايدا جۇرگەنىن بىلە الماي وتىر. تەلەفونى ءسوندىرۋلى.
-     سوندا شەت ەلگە قاشتى دەگەن اقپارات شىن بولىپ وتىر عوي؟
-     ول تۋرالى ەشقانداي ناقتى اقپارات جوق.
-     سوندا ونىڭ الدەبىر قىلمىستارعا قاتىسى بولسا، قالايشا ءماجىلىس دەپۋتاتى بولىپ جۇرگەن؟
-     نە بولسا دا مۇنداي جاعدايدا تەك رەسمي ورىنداردىڭ اقپاراتىنا عانا سەنۋىمىز كەرەك. ول بار بولعانى پارتيالىق ءتىزىم ارقىلى دەپۋتاتتىق مانداتقا يە بولدى.
-     پارتيادا قانشا جىل مۇشە بولدى؟
-     بىر جىلدان استام ۋاقىت قانا.
-     پارتياعا مۇشە بولۋ تۋرالى ۇسىنىستى ءوزى ايتتى ما، الدە سىزدەر ءوتىنىش جاسادىڭىزدار ما؟
-   امانجان رىسقالي بۇرىندارى «اتامەكەن» كاسىپكەرلەر وداعىنىڭ اتىراۋ وبلىستىق فيليالىن باسقارعان. ءتىپتى، ول قىزمەتكە مەنەن بۇرىن كەلگەنىن دە ايتۋىمىز كەرەك. كەيىن «اقجول» پارتياسىنا كەلۋ تۋرالى شەشىم شىعارعاندا «اتامەكەندە» جۇرگەن بىرقاتار ارىپتەستەرىم مەنىڭ سوڭىمنان ەردى. سونىڭ ءبىرى امانجان رىسقالي. 
-     پارتيا مۇشەلىگىنە وتەتىن كەزدە ۇمىتكەردىڭ جەكە باسىنا قاتىستى دەرەكتەر ەسكەرىلە مە؟
-     پارتياعا مۇشەلىككە وتكەن كەزدە ساياسي پارتيا زاڭى بويىنشا ءبىز ولاردىڭ سوتتالماعاندىعى تۋرالى اقپاراتتى تەكسەرۋگە قۇقىمىز جوق. تەك ونىڭ ازاماتتىعى مەن جاسى عانا قارالادى. باسقا ەشقانداي تالاپ جوق.
-     امانجان رىسقاليدىڭ ورنىنا كەلگەن دەپۋتاتتى قالاي تاڭدادىڭىزدار؟
-     قازىر قاتارىمىزعا جاڭادان قوسىلعان دەپۋتات - تالعات ەرعاليەۆ دەگەن ازامات. ءتىپتى، ونى كاسىپكەر دەپ تە ايتۋعا بولادى. قۇرىلىس كومپانياسىنىڭ جوبا مەنەدجەرى. اقمولا وبلىسىنىڭ تۋماسى.
-     تالعات ەرعاليەۆتىڭ سەناتور جابال ەرعاليەۆكە تۋىستىعى جوق پا؟
-     ول جاعىن بىلمەدىم...
ز.تاۋداي

"حالىق ءسوزى" گازەتى

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2954
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2160
ادەبيەت

ءتۇس

ەرعالي باقاش 1819
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2920