سەنبى, 13 تامىز 2022
جاڭالىقتار 2341 0 پىكىر 8 قازان, 2012 ساعات 13:19

ايگۇل قوسانوۆا: ايدالاداعى تاجىكتىڭ انىنە بولا سوتتاسىپ جاتىرمىز

ايگۇل قوسانوۆا، ءانشى:

- ايگۇل، كىشكەنتايلى بولىپسىز، باۋى بەرىك بولسىن!
- راحمەت، ايتقانىڭىز كەلسىن!
- وتباسىنا قوسىلعان نەشىنشى پەرزەنت؟ ەسىمىن كىم قويدى؟
- ناۋرىزدا دۇنيەگە كەلگەن ءۇشىنشى پەرزەنتىمىزدىڭ اتى - اينامكوز. ەسىمىن ۇيدەگى وتباسى مۇشەلەرى ءبارىمىز ۇزاق كەڭەسىپ، ورتاق كەلىسىممەن قويدىق. تۇڭعىشىمىزبەن اراسى - ون ءۇش جىل.
- «شىعارماشىلىعىڭىزدا نە جاڭالىق؟» دەپ سۇراعالى تۇر ەدىم، دەكرەتتىك دەمالىستا ەكەنسىز عوي؟
- ءيا، بالامەن ۇيدە ەدىم، ەندى قىركۇيەكتەن باستاپ جۇمىسقا شىعىپ جاتىرمىن. ايتسە دە، جاڭا اندەر جازدىرۋدى دا ۇمىت قالدىرعانىم جوق. اقىن سۆەتقالي نۇرجانوۆتىڭ سوزىنە جازىلعان تەرمەنى ورىنداۋ ويىمدا بار. كۇردەلى دۇنيە بولعاندىقتان دايىندىقتى قاجەت ەتەدى. ءبىز، ءداستۇرلى انشىلەر، ءاننىڭ سوزىنە اسا ءمان بەرەمىز، سول سەبەپتى رەپەرتۋارعا قوسىلاتىن جاڭا ءان حالىق قابىلداپ ۇيرەنگەن بيىك دەڭگەيدەگى سالماقتى اندەردەن ءبىر مىسقال دا كەم بولماۋى كەرەك. ءوزىم دە ءاننىڭ سوزىنە وتە كىرپياز كوڭىلمەن قارايمىن، قولىما ىلىنگەندى قاعىپ الىپ ورىنداي سالمايمىن. وتكەندە جاس سازگەرلەردىڭ ءبىرى: «ايگۇل اپكە، ورىندايسىز با؟» دەپ جاڭا اندەرىن اكەپ كورسەتتى. سويتسەم: «ءسۇيدىم، كۇيدىم، سەن ماعان قاراماي ءجۇرسىڭ»، - دەگەن ماعىناداعى جاستاردىڭ ايتاتىن جەڭىل-جەلپى اندەرىنىڭ قاتارىنان ەكەن. بىردەن باس تارتتىم.
- كۇز كەلدى. كوڭىل كۇيىڭىزگە اسەر ەتە مە؟

ايگۇل قوسانوۆا، ءانشى:

- ايگۇل، كىشكەنتايلى بولىپسىز، باۋى بەرىك بولسىن!
- راحمەت، ايتقانىڭىز كەلسىن!
- وتباسىنا قوسىلعان نەشىنشى پەرزەنت؟ ەسىمىن كىم قويدى؟
- ناۋرىزدا دۇنيەگە كەلگەن ءۇشىنشى پەرزەنتىمىزدىڭ اتى - اينامكوز. ەسىمىن ۇيدەگى وتباسى مۇشەلەرى ءبارىمىز ۇزاق كەڭەسىپ، ورتاق كەلىسىممەن قويدىق. تۇڭعىشىمىزبەن اراسى - ون ءۇش جىل.
- «شىعارماشىلىعىڭىزدا نە جاڭالىق؟» دەپ سۇراعالى تۇر ەدىم، دەكرەتتىك دەمالىستا ەكەنسىز عوي؟
- ءيا، بالامەن ۇيدە ەدىم، ەندى قىركۇيەكتەن باستاپ جۇمىسقا شىعىپ جاتىرمىن. ايتسە دە، جاڭا اندەر جازدىرۋدى دا ۇمىت قالدىرعانىم جوق. اقىن سۆەتقالي نۇرجانوۆتىڭ سوزىنە جازىلعان تەرمەنى ورىنداۋ ويىمدا بار. كۇردەلى دۇنيە بولعاندىقتان دايىندىقتى قاجەت ەتەدى. ءبىز، ءداستۇرلى انشىلەر، ءاننىڭ سوزىنە اسا ءمان بەرەمىز، سول سەبەپتى رەپەرتۋارعا قوسىلاتىن جاڭا ءان حالىق قابىلداپ ۇيرەنگەن بيىك دەڭگەيدەگى سالماقتى اندەردەن ءبىر مىسقال دا كەم بولماۋى كەرەك. ءوزىم دە ءاننىڭ سوزىنە وتە كىرپياز كوڭىلمەن قارايمىن، قولىما ىلىنگەندى قاعىپ الىپ ورىنداي سالمايمىن. وتكەندە جاس سازگەرلەردىڭ ءبىرى: «ايگۇل اپكە، ورىندايسىز با؟» دەپ جاڭا اندەرىن اكەپ كورسەتتى. سويتسەم: «ءسۇيدىم، كۇيدىم، سەن ماعان قاراماي ءجۇرسىڭ»، - دەگەن ماعىناداعى جاستاردىڭ ايتاتىن جەڭىل-جەلپى اندەرىنىڭ قاتارىنان ەكەن. بىردەن باس تارتتىم.
- كۇز كەلدى. كوڭىل كۇيىڭىزگە اسەر ەتە مە؟
- اسەر ەتكەندە قانداي... ءوزىم كۇزدى اسا ۇناتپايمىن. تۇنجىر، سۋىق. ءبىرتۇرلى كوڭىلسىزدىككە سۇيرەي بەرەدى. ادامدار دا وسى كەزدە كۇيزەلىسكە بەيىم كەلەتىن سياقتى.
- «كۇيزەلىس» دەمەكشى، تاجىكتىڭ حالىق ءانى «سوربونعا» بايلانىستى، ىشىندە ءسىز دە بارسىز، ساۋلە جانپەيىسوۆا مەن تالعات تەمەنوۆتىڭ اراسىندا ەكىنشى رەت سوت وتىرىسى بولىپ جاتىر. جۇيكەڭىزگە سالماق ءتۇسىپ وتىرعان بولار...
- ايتارى جوق، جۇيكەگە دە، ۋاقىتقا دا سالماعى بار. ويدا جوق جەردە وسى ءاندى ورىندايمىن دەپ باسىمنىڭ داۋعا قالاتىنىن ءبىلدىم بە؟ ت.تەمەنوۆتىڭ «مەنىڭ كۇنالى پەرىشتەم» دەگەن ءفيلمىنىڭ ءتۇسىرۋ جۇمىسى باستالعاندا مەنىڭ اياعىم اۋىر ەدى. جالپى، جۇكتىلىك مەزگىلدى وتە اۋىر وتكەرەتىن ادەتىم بار. بارلىق جۇكتى ايەلگە تانىس جۇرەك لوبلۋ، اينالاعا جاقتىرماي قاراپ، مازاسىز كۇي كەشۋ، باس اينالۋ مەندە ايىرىقشا بولادى. ءسويتىپ جۇرگەنىمدە تالعات تەمەنوۆ تەلەفون شالىپ: «ايگۇل، وسىنداي فيلم ءتۇسىرىپ جاتىرمىن، سول كارتينا ءۇشىن  «سوربوندى» ورىنداپ بەرشى»، - دەگەن ءوتىنىشىن ايتتى. جايسىز سەزىنىپ جۇرگەندىكتەن بارعىم كەلمەي، نەمقۇرايلىلىققا سالىپ ەدىم، قايىرا تەلەفون سوعىپ، تاعى دا تىلەگىن ءبىلدىردى. بىرەۋدىڭ ءوتىنىشىن اياقسىز قالدىرىپ، جالىندىرۋ مەنىڭ تابيعاتىما جات. سوندىقتان باردىم دا، «سوربوندى» ورىنداپ بەردىم. ءسويتىپ فيلم شىقتى. ساۋلە اپكەمىز كوتەرگەن شۋ دا وسى كەزدە شىقتى. مەنىڭ بار جازىعىم - رەجيسسەردىڭ ءوتىنىشىن ورىنداعانىم. ايتپەسە مەن «سوربوندى» كۇن سايىن ورىنداپ جۇرگەنىم جوق، ونىمەن جۇرت الدىنا كونتسەرتكە شىققانىم جوق، رەپەرتۋارىما قوسىپ العانىم جوق، وزىمدىكى ەتىپ مەنشىكتەگەن جەرىم جوق. سول فيلم ءۇشىن ءبىر-اق رەت ورىندادىم دا، ۇمىتىپ كەتتىم. سوتتا دا وسىلاي دەيمىن.
- ءيا، بۇل ءاندى رۇحساتسىز پايدالانعانداردىڭ سوتقا بەرىلەتىنى تۋرالى ساۋلە ءانشىنىڭ ءبىزدىڭ گازەتىمىزگە ايتقانى بار. سوندا ءسىز سوتقا نە ءۇشىن تارتىلىپ وتىرسىز؟ سىزگە تاعىلعان ايىپ نە؟
- ساۋلە اپكەمىز مەنى شاقىرىپ الىپ: «ءاننىڭ مەنىكى ەكەنىن بىلە تۇرا، مەنىڭ رۇحساتىمسىز، مەنىڭ ارانجيروۆكاممەن ورىندادىڭ، ال ول ءاندى مەن مىڭ دوللارعا جازدىرعانمىن»، - دەيدى. قۇداي اقى، مەن ول ءاننىڭ س.جانپەيىسوۆانىكى ەكەنىن، ساۋلەنىڭ جازدىرعانىن بىلگەنىم جوق. ويتكەنى بۇل ءاندى بۇرىننان ورىنداپ جۇرگەندەر بار. ماعان ديسكىنى بەردى، مەن تىڭدادىم دا، ورىنداپ شىقتىم. بولعانى وسى. ماعان رەجيسسەر قانداي تاپسىرما بەردى، قانداي مىندەتتەمە بەلگىلەدى، تەك سونى ورىندادىم. «قۇداي-اۋ»، - دەيمىن كەيدە كۇيىنىپ: «ەڭ بولماسا تالاسۋعا تۇراتىن قازاقتىڭ تاڭداي قاقتىرارلىق كەرەمەت ءبىر ءانى بولسا ەكەن، ايدالاداعى تاجىكتىڭ ءانى ءۇشىن ءبىر-ءبىرىمىزدى سوتقا سۇيرەيتىندەي، جۇيكە جۇقارتىپ، جۇرت الدىندا ارزاندايتىنداي نە كورىندى سونشا؟» امال نە، مۇنى دا باستان وتكەرۋگە تۋرا كەلەدى.
- ەگەر سوتتا ءيا جەڭىپ، ءيا جەڭىلىس تاپساڭىزدار، ناتيجەسىندە نە بولادى؟
- «قازاقفيلم» كينوستۋدياسى س.جانپەيىسوۆاعا مىڭ دوللارىن بەرمەك بولىپ كەلىسىمگە شاقىرعان ەكەن، بىراق ول سوتقا بەرىپ، ءبىر ميلليون جارىم وتەماقى سۇراپتى. جەڭسە، ناتيجەسى سولاي بولادى. بىراق «اققا قۇداي جاق» دەگەن اتام قازاقتىڭ اتالى ءسوزىن بويتۇمارىمداي كورەتىن اداممىن. سوتقا دا اللانىڭ وسى ۇكىمىنە ارقا سۇيەپ بارامىن.
- اڭگىمەڭىزگە راحمەت.
اڭگىمەلەسكەن - ا.حالىق

"حالىق ءسوزى" گازەتى

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2216
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2044
ادەبيەت

ءتۇس

ەرعالي باقاش 1728
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2782