جۇما, 29 ناۋرىز 2024
كورشىنىڭ كولەڭكەسى 6478 75 پىكىر 28 اقپان, 2022 ساعات 13:03

سوعىستىڭ بەسىنشى كۇنى...

رەسەيدىڭ ۋكرايناعا سوعىس اشقانىنا بەسىنشى كۇن. رەسەي اسكەرى و باستا قويعان ماقساتتارىن تولىققاندى ورىنداي المادى. 

بليتسكريگ ىسكە اسپادى. كيەۆتى ءبىر كۇندە الامىز دەگەن جوسپارلارى دا تاس تالقان بولدى. رەسەي اسكەرى حاركوۆ، سۋمى، حەرسون بويىندا توقتاتىلدى. ال كيەۆ ماڭىنا بىرنەشە مارتە جىبەرگەن دەسانتتىق كۇشتەرى گوستومەل بويىندا تالقاندالدى. رەسەي كيەۆتى الۋ ماقساتىندا قادىروۆ كۇشتەرىن دە قولدانۋدا. ناقتىلاپ ايتقاندا، قادىروۆقا باعىناتىن 10 مىڭ جاساق ۋكراينا اۋماعىندا سوعىسۋدا. سونىمەن بىرگە، «ۆاگنەر» جەندەتتەرى دە ۋكراينا جەرىنە كەلگەنى جايلى اقپاراتتار بار.

سوعان قاراماستان ءىرى قالالاردى باسىپ الۋ ىسكە اسپادى. اسكەري شىعىن 4 مىڭ ادامنان اسادى، جۇزدەگەن تەمىر-تەرسەگىن قوسپاعاندا...

رەسەيدىڭ اگرەسسياسى ءۇشىن الەم جازالاۋدى باستاپ كەتتى. ەكونوميكا سالاسى بويىنشا وڭدىرماي سانكتسيالار سالىپ جاتىر. ەۋروپا ەلدەرى ماسكەۋدىڭ بىرقاتار بانكتەرىن SWIFT-تەن اجىراتۋ تۋرالى شەشىم شىعاردى. بۇعان دەيىن بۇل شەشىمگە گەرمانيا مەن ۆەنگريا قارسى بولىپ كەلگەن ەدى. ەندى ءبىراۋىزدان قولدادى.

جەكەلەگەن تۇلعالارعا دا سانكتسيالار سالىنا باستادى. پۋتين مەن شويگۋدەن باستاپ وزگە دە ءىرى شەنەۋنىكتەر سانكتسيا استىندا قالدى. ەۋروپاداعى رەسەيلىك وليگارحتاردىڭ مۇلىكتەرى مەن اكتيۆتەرى، قارجىلارى بۇعاتتالدى. رەسەي بانكتەرىنە سالىنعان سانكتسيالار قارجىلىق سەكتورىنىڭ جارتىسىنا تەڭ اكتيۆتى بۇعاتتادى.

ەۋروپا ەلدەرى اگرەسسور ءۇشىن اۋە كەڭىستىگىن تولىق جاپتى. رەسەيگە سوڭعى ۇلگىدەگى كولىكتەر مەن جوعارى تەحنولوگيانى جەتكىزبەۋ ماسەلەسى قارالۋدا. ەۋروپا ەلدەرى ءوز پورتتارىن رەسەي ءۇشىن جاۋىپ تاستاماق. سانكتسياعا تەك قانا ەۋروپا مەن اقش ەمەس، سونىمەن بىرگە كانادا، وڭتۇستىك كورەيا، جاپونيا دا قوسىلدى.

الەمنىڭ وركەنيەتتى ەلدەرى رەسەيدى وقشاۋلاۋدى تولىق قولداپ وتىر. رەسەيدىڭ وزىندە پۋتينگە قارسى نارازىلىق اكتسيالارى وتۋدە. ال سپورتتىق ۇيىمدار مەن ءان بايقاۋلارى رەسەيلىك ونەرپازداردى جارىستاردان الىپ تاستاۋدا نەمەسە رەسەي تۋى مەن گيمنىن قولدانۋعا تىيىم سالدى.

ۋكراينا بىرنەشە رەسەيلىك شابۋىلدى ءساتتى تويتارعانىن مالىمدەپ، ەۋروپا ەلدەرىنەن قارۋ بەرۋدى سۇرادى. ناتو كيەۆكە ءتۇر-ءتۇرلى قارۋ جەتكىزۋدى ماقۇلدادى، سونىڭ ىشىندە العاش رەت ۇشاقتار مەن اۋە قورعانىس جۇيەلەرى دە بەرىلۋى مۇمكىن. سونىمەن قاتار، ۋكراينا بيلىگى شەتەلدىك ەرىكتىلەر ۋكراينا ءۇشىن سوعىسام دەسە، ارنايى لەگيونداردىڭ قۇرىلۋىنا رۇقسات ەتتى. كيەۆ ءار اسكەري ءۇشىن ايىنا 100 مىڭ گريۆنا تولەمەك. «سوعىستى تولىق جەڭىسپەن اياقتاعانشا بۇل تولەم توقتاتىلمايدى»، - دەيدى زەلەنسكي.

كۇتپەگەن جاڭالىق سوعىستىڭ ءتورتىنشى كۇنى بەلارۋس تاراپىنىڭ ۇيىمداستىرۋى بويىنشا رەسەي مەن ۋكراينا اراسىندا كەلىسسوزدەر وتەتىنى ايتىلدى. كەلىسسوز بەلارۋس جەرىندە وتپەك، الايدا ۋكراينالىق دەلەگاتسيا قاۋىپسىزدىگىن قامتاماسىز ەتۋ ءۇشىن پولشا ارقىلى بارۋدى ۇيعارعان. سوندىقتان كەشە وتۋگە ءتيىس كەلىسسوزدەر بۇگىنگە قالدىرىلدى.

Abai.kz

75 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3596