بۇگىندە شىمكەنت قالاسىنداعى شاعىن جانە ورتا كاسىپكەرلىك سۋبەكتىلەرىنىڭ جالپى سانى 57 مىڭنان اسىپ جىعىلادى. قاتارى كۇن وتكەن سايىن ارتا ءتۇستى دەگەنمەن دە، كاسىپكەرلەردىڭ ماسەلەسى تولىعىمەن شەشىلدى دەۋ قيىن. بۇل ورايدا كاسىپكەرلەر قارجىمەن قانشالىقتى قامتاماسىز ەتىلىپ وتىر؟ مەملەكەت تاراپىنان كورسەتىلەر قولداۋدىڭ وڭدى نەمەسە ولقى تۇستارى قايسى؟ وسى ماسەلەلەر وبلىس اكىمىنىڭ ورىنباسارى ساپاربەك تۇياقباەۆتىڭ توراعالىعىمەن وتكەن شىمكەنت قالاسى اكتيۆىنىڭ جيىنىندا كەڭىنەن ءسوز بولدى.

بۇگىندە شىمكەنت قالاسىنداعى شاعىن جانە ورتا كاسىپكەرلىك سۋبەكتىلەرىنىڭ جالپى سانى 57 مىڭنان اسىپ جىعىلادى. قاتارى كۇن وتكەن سايىن ارتا ءتۇستى دەگەنمەن دە، كاسىپكەرلەردىڭ ماسەلەسى تولىعىمەن شەشىلدى دەۋ قيىن. بۇل ورايدا كاسىپكەرلەر قارجىمەن قانشالىقتى قامتاماسىز ەتىلىپ وتىر؟ مەملەكەت تاراپىنان كورسەتىلەر قولداۋدىڭ وڭدى نەمەسە ولقى تۇستارى قايسى؟ وسى ماسەلەلەر وبلىس اكىمىنىڭ ورىنباسارى ساپاربەك تۇياقباەۆتىڭ توراعالىعىمەن وتكەن شىمكەنت قالاسى اكتيۆىنىڭ جيىنىندا كەڭىنەن ءسوز بولدى.

بۇگىندە بيزنەستىڭ «جول كارتاسى» باعدارلاماسىندا قامتىعان وڭىرلىك جوبالاردىڭ 70 پايىزعا جۋىعى شىمكەنت قالاسىنا تيەسىلى. وسى باعىتتا شاعىن كاسىپكەرلىكتى قارجىلاندىرۋ ءۇشىن ورتا دەڭگەيلى بانكتەرگە وبلىس بيۋدجەتىنەن 500 ميلليون، «دامۋ» قورى ارقىلى 1 ميلليارد، بارلىعى 1,5 ميلليارد تەڭگە قاراجات بەرىلمەك. - كەلىسىمگە سايكەس، كاسىبىن جاڭا باستاعان ازاماتتار ستاۆكاسى 10 پايىزدىق نەسيە قارجىمەن قامتاماسىز ەتىلەتىن بولادى. ال، بانكتەرگە بەرەشەك قارىزدىڭ پايىزىن سۋبسيديامەن جاۋىپ وتىراتىن بولامىز. كاسىپكەر ازاماتتارعا بەرىلەر شەكتەۋلى باعا 300 ميلليون تەڭگەدەن جوعارى بولماۋى ءتيىس. بانك ستاۆكالارىن تومەندەتۋ باعىتىندا وبلىس بيۋدجەتىنەن قارجى قاراستىرۋ جۇمىستارى الداعى جىلدارى دا جۇزەگە اسىرىلادى، - دەدى وبلىس اكىمىنىڭ ورىنباسارى ساپاربەك تۇياقباەۆ. - شىن مانىندە قازىر كاسىبىن وڭتايلاندىرۋدى ويعا العان ازاماتتار ءۇشىن قالادا ۇلكەن مۇمكىنشىلىكتەر بار. ەڭ باستىسى، كاسىپكەرلەرگە مەملەكەتتىك قولداۋدىڭ تيىمدىلىگىن تۇسىندىرە ءبىلۋىمىز قاجەت. الداعى مەرزىمدە قالادا وبلىس اكىمىنىڭ تاپسىرماسىمەن كاسىپكەرلەرگە قولداۋ كورسەتۋ ورتالىعى اشىلماق. وندا ءىسىن جاڭا باستاعان كاسىپكەرگە «ءبىر تەرەزە» قاعيداسىمەن زاڭگەرلەر مەن بانك وكىلدەرىنىڭ قاتىسۋىمەن بارلىق باعىتتا جاردەم تۇرلەرى كورسەتىلەتىن بولادى. ياعني، ازاماتتار جاڭا كاسىبى نەگىزىندە بىلىكتىلىگىن ارتتىرۋ كۋرسىنان وتكىزىلەدى. - كاسىپكەرلەرگە تەگىن زاڭگەرلىك كەڭەس بەرۋ، بۋحگالتەرلىك جانە سالىقتىق ەسەپتىلىكتى، ستاتيستيكالىق ەسەپتىلىكتى، كەدەندىك پروتسەدۋرالاردى جۇرگىزۋ جانە ماركەتينگ، ساپا مەنەدجمەنتى جۇيەسىن ەندىرۋ بويىنشا قىزمەت كورسەتىلەدى، - دەدى وبلىستىق كاسىپكەرلىك جانە ونەركاسىپ باسقارماسىنىڭ باستىعى قانات سىدىقوۆ. - ينفراقۇرىلىم، سۋبسيديا باعىتىندا دا قولداۋ تابا الادى. مۇنان كەيىن دە كاسىپكەردىڭ جۇمىسىنا مونيتورينگ جاسالادى. جوبا تولىق جۇزەگە اسقان ساتكە دەيىن كاسىپكەر مەملەكەتتىڭ نازارىندا بولادى.بيىل ەكىنشى دەڭگەيلى بانكتەر تاراپىنان شاعىن جانە ورتا بيزنەس وكىلدەرىنە قولداۋ كورسەتۋ ماقساتىندا 9,5 ميلليارد تەڭگە نەسيە بەرىلگەن. ناتيجەسىندە، شاعىن جانە ورتا كاسىپكەرلىك سۋبەكتىلەرى 54,4 ميلليارد تەنگەنىڭ ءونىمىن ءوندىرىپ، 88 مىڭ ازاماتتى جۇمىسپەن قامتىپتى. جيىندى قورىتىندىلاعان وبلىس اكىمىنىڭ ورىنباسارى ساپاربەك تۇياقباەۆ كاسىپكەرلەردى مەملەكەتتىك جوبالار اياسىندا بەلسەنە جۇمىس جاساۋعا شاقىردى.