بۇگىن بەيجىڭدە وتەتىن XXIV قىسقى وليمپيادا ويىندارىنىڭ الاۋىنىڭ ەستافەتاسى باستالدى. 

قر ۇلتتىق وليمپيادالىق كوميتەتى حابارلاعانداي سالتاناتتى ءراسىم بەيجىڭنىڭ سولتۇستىگىندەگى وليمپيادالىق ساياباقتان باستاۋ الدى. الاۋ ەستافەتاسىن رەسمي تۇردە قىتاي مەملەكەتتىڭ كەڭەسىنىڭ ءبىرىنشى ۆيتسە-پرەمەرى حان چجەن اشتى.

ۇيىمداستىرۋ كوميتەتى عالامدىق پاندەمياعا بايلانىستى ەستافەتانىڭ باعىتى مەن ۇزاقتىعىن ءبىرشاما قىسقارتقان. كوروناۆيرۋس ينفەكتسياسىنىڭ الدىن الۋ ماقساتىندا ەستافەتاعا كورەرمەندەر قاتىسىپ جاتقان جوق. ودان بولەك، الاۋدى ادامدار تۇراتىن كوشەلەر مەن اۋدانداردان الىس جەرلەردە الىپ ءجۇرۋ كوزدەلگەن.

ەستافەتا ءۇش وليمپيادالىق كلاستەر بويىنشا 12 كەزەڭنەن تۇرادى. الاۋدى الىپ جۇرۋگە 14 پەن 86 جاس ارالىعىنداعى جالپى ەسەبى 1200 الاۋ ۇستاۋشى قاتىسۋدا. سونداي-اق، تاريحتا العاش رەت الاۋدى ادامدار عانا ەمەس، ماشينالار دا الىپ جۇرەدى.

سونداي-اق بۇگىن، ياعني 2 اقپان كۇنى بەيجىڭدە اق وليمپيادانىڭ العاشقى ىرىكتەۋ سىندارى دا باستالىپ كەتتى. وليمپيادا ويندارىنىڭ رەسمي اشىلۋ ءراسىمى 4 اقپانعا جوسپارلانعان.

الايدا، بۇگىن كەرلينگ، شايبالى حوككەي فريستايل، سىندى سپورت تۇرىنەن العاشقى ىرىكتەۋ جارىستارى باستالادى. ال 3 اقپان كۇنى قازاقستاندىق فريستايلشىلار جارىس الاڭىنا شىعادى.

ەستەرىڭىزگە سالا كەتەيىك، XXIV قىسقى وليمپيادا ويىندارىنا قازاقستان قۇراماسىنان بارلىعى 34 سپورتشى قاتىسادى، ولار 87 جولداما جەڭىپ الدى. ءتورت جىلدىق دودانىڭ اشىلۋ سالتاناتى نۇر-سۇلتان ۋاقىتىمەن 4 اقپان كۇنى، ساعات 17:55-تە باستالادى.

Abai.kz