جۇما, 20 مامىر 2022
ساۋالناما 6638 58 پىكىر 27 قاڭتار, 2022 ساعات 15:53

پرەزيدەنت توقاەۆقا «نۇر وتان» پارتياسى كەرەك پە؟

ەرتەڭ بيلىكتەگى دومينانت پارتيا – «نۇر وتاننىڭ» سەزى وتەدى. پارتيا تىزگىنى قازىر ەكس-پرەزيدەنت نۇرسۇلتان نازارباەۆتا. ال ونىڭ ءبىرىنشى ورىنباسارى الماتىنىڭ ەكس-اكىمى باۋىرجان بايبەك.

بۇگىن باۋىرجان بايبەك ءوزىنىڭ Twitter-ىندە شاعىن جازبا جاريالاپ، ەرتەڭگى سەزدىڭ جوبا-جوسپارىن حابارلادى. وندا پارتيا سەزىندە پارتيانىڭ جاڭا توراعاسىن سايلاۋ، پارتيا جارعىسىنا وزگەرىس ەنگىزۋ جانە پارتيانىڭ ساياسي كەڭەس مۇشەلەرىن سايلاۋ ىسكە اساتىنى ايتىلعان.

وسىعان دەيىن، 18 قاڭتار كۇنى ەل-جۇرتقا بەينە ۇندەۋ جاساعان ەكس-پرەزيدەنت نۇرسۇلتان نازارباەۆ: «بيلىك تولىقتاي پرەزيدەنت قاسىم-جومارت توقاەۆتىڭ قولىندا. ول – قاۋىپسىزدىك كەڭەسىن باسقارادى. جاقىن كۇندەرى «نۇر وتان» پارتياسىنىڭ توراعاسى بولىپ سايلانادى»، - دەگەن بولاتىن.

الايدا، بيلىكتەگى ايقىن باسىمدىققا يە بۇل پارتياعا دەگەن ەل كوڭىلى كۇپتىلەۋ. اسىرەسە، سوڭعى ەلىشىلىك قوعامدىق-ساياسي وقيعالاردان كەيىن اتالعان پارتيا قۇرامىنان ءوز ەركىمەن شىعۋشىلاردىڭ ترەندى پايدا بولا باستادى.

ال ساياساتكەرلەر: «پرەزيدەنت توقاەۆ ەشبىر ساياسي پارتياعا مۇشە بولماۋى كەرەك. ول پارتيانىڭ ەمەس، تۇتاس مەملەكەتتىڭ مۇددەسىنە جۇمىس جاساۋى كەرەك. ونىڭ ۇستىنە قازاقستان قوعامىندا بيلىكتەگى «نۇر وتان» پارتياسىنا دەگەن سەنىم كرەديتى تاۋسىلعان»، - دەگەندى ايتادى.

وسىعان وراي، ءبىز Abai.kz اقپاراتتىق پورتالىندا ساۋالناما جۇرگىزگەندى قۇپ كوردىك. قاتىسىڭىز، ءوز پىكىرىڭىزدى ءبىلدىرىڭىز:

ساۋالناما ءبىر سۇراقتىڭ توڭىرەگىندە جاسالىپ وتىر. الداعى ۋاقىتتا اتالعان ساۋالنامانىڭ جاۋاپتارىنا جەكە اناليز جاسالىپ، پورتالدا جاريالاناتىن بولادى.

Abai.kz

58 پىكىر