جۇما, 20 مامىر 2022
2024 19 پىكىر 25 قاڭتار, 2022 ساعات 16:27

ەرمەك نارىمباي قازاقستانعا كەلەدى

ساياسي بەلسەندى ەرمەك نارىمباي قازاقستانعا كەلەدى. 2016 جىلدان بەرى ۋكراينادا تۇرىپ جاتقان ول قاڭتار وقيعاسىنان كەيىن ەلگە ورالۋدى شەشكەن. 

نارىمبايدىڭ جازباسى التىناي  ءادىلوۆانىڭ پاراقشاسىنا جاريالاندى.

«وتانعا ورالامىن. قارىزدانىپ، ۇشاققا بيلەت الدىم. جاقىندا الماتىدا بولامىن. ديالوگ وتكىزۋگە اق تۋ ۇستاپ ەلشى رەتىندە بارا جاتىرمىن. وعان دەيىن ەكى كۇن بالالارىممەن كەزدەسەمىن، قازاقستاننىڭ ىشىندە ولارمەن قاۋىشۋعا مۇمكىندىك بولا ما، بىلمەيمىن، ولاردى كورمەگەنىمە جەتى جىل بولدى»، - دەپ جازعان نارىمباي.

51 جاستاعى ەرمەك نارىمباي قازاقستاندا تۇتقىندالۋى مۇمكىن ەكەنىن جوققا شىعارمايدى، بىراق ءدال قازىر ءوزىن قاماۋ بيلىككە ءتيىمسىز دەپ سانايدى.

«اقوردا قازاقستانعا ءوز ەركىممەن كەلە جاتقان مەنى اباقتىعا وتىرعىزۋ پايداسىز ەكەنىن، بەدەلىنە زور نۇقسان كەلەتىنىن ءتۇسىنۋى ءتيىس»، - دەيدى ول.

ول اباقتىعا قامالعان كۇننىڭ وزىندە «ۇزاق وتىرمايتىنىنا» سەنىمدى.

«ەگەر [تۇرمەگە] وتىرعىزاتىن بولسا، ول ۇزاققا سوزىلمايدى دەپ سەنەمىن. قازاقستانعا مەنى شىعارىپ سالىپ، سوندا قارسى الاتىن جۋرناليستەر، بلوگەرلەر، كوپ ادام بولادى، سوندىقتان مەنى تىنىش قانا تۇتقىنداي المايدى. ۇرىپ-سوعۋ مەن ازاپتاۋعا دا تولىق دايىنمىن، بىراق ولاي بولمايدى، بيلىككە ول ءتيىمسىز. مەنىڭ داۋسىم سىرت جاقتان گورى، اسىرەسە ءدال قازىر ەلدىڭ ىشىندە سالماقتىراق بولادى»، - دەپ جازعان ەرمەك نارىمباي.

ول حالىققا ۇندەۋىن «تۇرمەدە وتىرىپ تا جازاتىنىن» ايتادى.

Abai.kz

19 پىكىر