جۇما, 29 ناۋرىز 2024
3309 19 پىكىر 19 قاڭتار, 2022 ساعات 18:24

ءماجىلىس: نازارباەۆ ەندى «ماڭگىلىك» توراعا ەمەس

ءماجىلىس ەكس-پرەزيدەنت نۇرسۇلتان نازارباەۆقا (ەلباسى) قازاقستان حالقى اسسامبلەياسى مەن قاۋىپسىزدىك كەڭەسىن «ماڭگىلىك» نەمەسە شەكسىز مەرزىم بويى باسقارۋ قۇقىعىن بەرەتىن بىرقاتار زاڭدارعا وزگەرىستەر ەنگىزۋدى ماقۇلدادى. بۇل تۋرالى «BaigeNews.kz» سايتى جازدى.

«قر تۇڭعىش پرەزيدەنتى – ەلباسى» تۋرالى، «قازاقستان حالقى اسسسامبلەياسى» تۋرالى جانە «قر قاۋىپسىزدىك كەڭەسى» تۋرالى كونستيتۋتسيالىق زاڭدارعا وزگەرىستەر ەنگىزىلىپ، سەناتقا جولداندى. سونىڭ ىشىندە ەندى قاۋىپسىزدىك كەڭەسى مەن قحا توراعالى قازاقستان پرەزيدەنتىنە بەرىلەتىنى دە قامتىلعان»، - دەپ جازدى ءماجىلىس دەپۋتاتى قانات نۇروۆ ءوزىنىڭ Facebook-تەگى پاراقشاسىندا.

الايدا، بۇگىن وتكەن ءماجىلىستىڭ پلەنارلىق وتىرىسىندا بۇل وزگەرىستەر تۋرالى رەسمي اقپارات جاريالانعان جوق.

ءماجىلىس دەپۋتاتى سنەجانا يماشەۆا بۇل وزگەرىستەردىڭ رەسمي جاريالانباۋىنىڭ سەبەبى – بۇل تەك فورمالدى وزگەرىستەر دەپ ءتۇسىندىرىپ، قازاقستان پرەزيدەنتى ونسىز دا اتالعان ەكى ۇيىمعا باسشىلىق جاساپ جاتقانىن ايتقان.

«ساياسي پارتيالار تۋرالى زاڭ جوباسىن قاراۋ بارىسىندا دەپۋتاتتار قر پرەزيدەنتىنىڭ قاۋىپسىزدىك كەڭەسى مەن قحا توراعاسى ەكەنى ايشىقتالعان تۇزەتۋلەر ەنگىزدى. بۇل ونسىز دا بارشاعا ءمالىم فاكتى. ياعني، قازىر بار دۇنيە ەندى زاڭدا دا كورسەتىلدى. بۇل فورمالدى دۇنيە. سىزدەر ونىڭ (نازارباەۆتى مەڭزەپ تۇر) بۇل لاۋازىمداردان ءوزى باس تارتقانىن بىلەسىزدەر عوي. قاۋىپسىزدىك كەڭەسى مەن قحا توراعالىعىن قازىرگى پرەزيدەنتكە تاپسىرىپ بەردى. ءبىز سونى زاڭدا ناقتىلاپ كورسەتتىك»، - دەپ پىكىر ءبىلدىرىپتى دەپۋتات يماشەۆا.

ونىڭ ايتۋىنشا، «تۇڭعىش پرەزيدەنت – ەلباسى» تۋرالى زاڭعا دا وزگەرىس ەنگىزىلگەن.

«ونىڭ وسى ەكى ۇيىمدى باسقارۋعا قۇقىعى بار. سول قۇقىق الىنىپ تاستالدى، باسقا قۇقىقتارى (قاۋىپسىزدىك كەڭەسىنە مۇشە بولۋ، پارلامەنت الدىندا سويلەۋ، ماڭىزدى ماسەلەلەر بويىنشا ۇكىمەت الدىندا سويلەۋ ت.ب) قالدى»، – دەيدى سنەجاننا يماشەۆا.

Abai.kz

19 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616