ىشكى ىستەر ءمينيسترى ەرلان تۇرعىمباەۆ بارلىق قۇقىق قورعاۋ ورگانىنىڭ ارنايى جاساعى قىزمەتكەرلەرىنىڭ جالاقىسى وسەتىنىن مالىمدەدى. 

"5 ءىس-شارانى ىسكە اسىرۋ بويىنشا شارالار قابىلدانىپ جاتىر:

بارلىق قۇقىق قورعاۋ ورگانىنىڭ ارنايى بولىمشە قىزمەتكەرلەرىنىڭ جالاقىسىن ۇلعايتۋ. قازىر ءىىو ارنايى كۇشتەرى قىزمەتكەرلەرىنىڭ جالاقىسى ولاردىڭ قىزمەتتە بولۋ قاۋپىنە سايكەس كەلمەيدى.

سونىمەن قاتار، ول باسقا كۇش قۇرىلىمدارىنىڭ ۇقساس بولىمشەلەرى اراسىندا تومەن. سوندىقتان ولاردىڭ جالاقىسىن كوتەرۋ ۇسىنىلادى.
1414 سەنىم تەلەفونى جۇمىس ىستەيدى. Call-ورتالىعى ارقىلى پوليتسياعا حابار-وشارسىز كەتكەن ادامداردى ىزدەۋ بويىنشا 1616 حابارلاما ءتۇستى. ارقايسىسى مۇقيات تەكسەرىلەدى.

كۇش قۇرىلىمدارىنىڭ ماتەريالدىق-تەحنيكالىق بازاسىن قالپىنا كەلتىرۋ. بارلىعى 504 قىزمەتتىك كولىك زاقىمدانسا، ونىڭ 169-ى ورتەنگەن. ۇلتتىق ۇلاننىڭ 118 برونتەحنيكاسى ىستەن شىققان، ونىڭ 42-ءسى قالپىنا كەلتىرۋگە جاتپايدى. اۋماقتىق پوليتسيا بولىمشەلەرىنىڭ 35 عيماراتى زارداپ شەكتى، ونىڭ 18-ءى ورتەندى (زيان سوماسى 6,7 ميلليارد تەڭگە).

تۇرعىن ۇيمەن قامتاماسىز ەتۋدى، ءبىلىم الۋدى قوسا العاندا، قازا تاپقان قۇقىق قورعاۋ، ارنايى ورگاندار قىزمەتكەرلەرىنىڭ، اسكەري قىزمەتشىلەر مەن بەيبىت ازاماتتاردىڭ وتباسىلارىنا كومەك كورسەتۋ. قازا تاپقان پوليتسەيلەر مەن ۇلتتىق گۆارديا اسكەري قىزمەتشىلەرىنىڭ ءتىزىمى مەملەكەت باسشىسىنىڭ تاپسىرماسىنا سايكەس لايىقتى ماتەريالدىق قولداۋ كورسەتۋ ءۇشىن الماتى قالاسى، الماتى، جامبىل، قاراعاندى وبلىستارىنىڭ اكىمدىكتەرىنە جولداندى. سونىمەن قاتار، بىرقاتار ۇيىم ولارعا قارجىلاي كومەك كورسەتۋگە (كرەديتتەردى وتەۋگە) نيەت ءبىلدىردى.

جاپپاي تارتىپسىزدىكتەردىڭ قۇربانى دەپ تانىلعان كاسىپكەرلىك سۋبەكتىلەرى مەن ازاماتتار ءتىزىلىمىن قالىپتاستىرۋ", - دەدى مينيستر تۇرعىمباەۆ ۇكىمەت وتىرىسىندا.

Abai.kz