سەيسەنبى, 17 مامىر 2022
6412 27 پىكىر 14 قاڭتار, 2022 ساعات 13:26

باعى تايعان ءماسىموۆتىڭ بىلىعى

ۇقك-نىڭ بۇرىنعى باسشىسى كارىم ءماسىموۆ 6-قاڭتار كۇنى تۇتقىندالىپ، قىزمەتىنەن الىندى. وعان "مەملەكەتكە وپاسىزدىق جاسادى" دەگەن ايىپ تاعىلعان ەدى. ارتىنشا ونى ەكى ايعا قاماۋ تۋرالى ۇكىم شىقتى. 

ەكس ۇقك باسشىسى جايلى ءتۇرلى اقپارات شىعۋدا. سونىڭ ءبىرى، لرت ءىسى بويىنشا ايىپتى دەپ تابىلىپ، بۇگىندە اقش-قا قاشىپ كەتكەن قانات سۇلتانبەكوۆتىڭ جازباسىندا ايقىن كورىندى. الەۋمەتتىك جەلىگە مۇلدە جازبا سالمايتىن سۇلتانبەكوۆ، بۇل جولى بىلاي دەپ جازدى: "ادامدار شەكسىز بيلىك العان ساتتە، ولار ءوزىن قۇدايدان دا جوعارى سەزىنەدى، سونىڭ قاتارىندا سەندە بولدىڭ. سەن ءوزىڭنىڭ قولىڭدى قىزىل قانعا بويادىڭ جانە سەنىڭ ورنىڭ تەك قانا توزاقتا!

سەن جازىقسىز جانە كىناسىز جانداردى قۋدالاپ، كوز جاسىنا قالىپ ەدىڭ، سونىمەن بىرگەن وزىڭە بەرىلگەن ۇىلمىسكەرلەردىڭ قىلمىسىن جاسىرعان ەدىڭ، ەندى مىنە سونىڭ ءبارى وزىڭە اينالىپ كەلۋدە. 

سەنى “VIP” كامەراعا جاتقىزىپ، جىلى سۋ مەن توڭازىتقىش بەرمەي، كەرىسىنشە سۋىق كامەراعا توعىتادى دەپ ۇمىتتەنەمىن. سەن ەكى اپتادا ءبىر مارتە سۋعا ءتۇسىپ، جاقىندارىڭ ساعان قارا ۋىلدىرىق اكەلۋ ءۇشىن ايازدا، تەرەزەنىڭ ارتىندا كەزەكتە تۇرعانىن سەزەرسىڭ دەپ ويلايمىن!  

ەندى بارلىعى دا بەلگىلى بولدى. سەن ءماسىموۆ لرت ءىسى بويىنشا تەرگەۋگە كەدەرگى جاساپ، مەنىڭ دالەلدەرىمدى تىڭداماي، كىنانى ماعان لاقتىرىپ ەدىڭ، سەبەبى 2015 جىلى قىتاي دامۋ بانكىنەن نەسيە العاندا، كەلىسىمنىڭ باسىندا ءوزىڭ تۇردىڭ عوي".

وسىلايشا قانات سۇلتانبەكوۆتىڭ سوزىنە سەنسەك، ءماسىموۆ لرت ءىسى بويىنشا دا ايىپتى بولۋى بەك مۇمكىن. ارينە، بۇل ايىپتاۋدى تەرەڭىرەك زەرتتەپ، قازبالاۋ تەرگەۋشىلەردىڭ مىندەتى.

كۇنى كەشە عانا ماسىموۆكە تاعى ءبىر ايىپ تاعىلدى. ول "مەملەكەتتىك توڭكەرىس جاساپ، بيلىكتى باسىپ الماق بولدى" دەگەن باپ بويىنشا. ءدال سونداي باپپەن اتالعان قىلمىستاردى جاسادى دەگەن كۇدىكپەن ك.ماسىموۆتەن باسقا ۇقك توراعاسىنىڭ بۇرىنعى ورىنباسارى – "ا" ارنايى ماقساتتاعى قىزمەتىنىڭ باستىعى ا.سادىقۇلوۆ پەن ۇقك توراعاسىنىڭ بۇرىنعى ورىنباسارى د. ەرعوجين ۇستالدى. ءماسىموۆتىڭ وزگە دە قارجىلىق قىلمىستارعا قاتىسى بولۋى مۇمكىن دەگەن كۇدىك بار.

Abai.kz

 

27 پىكىر