باسەكەلەستىكتى قورعاۋ جانە دامىتۋ اگەنتتىگى "قازمۇنايگاز" ۇلتتىق كومپانياسىنىڭ كەڭسەسىندە تەرگەۋ جۇرگىزۋدى باستاپ كەتتى.

ء"يا، ەلوردالىق مونوپولياعا قارسى دەپارتامەنتتىڭ قىزمەتكەرلەرى "قازمۇنايگاز"ۇلتتىق كومپانياسىنىڭ كەڭسەسىندە تەرگەۋ جۇرگىزۋدە. تەرگەۋ – سۇيىتىلعان گازدىڭ التى كوتەرمە ساتۋشىسىنا قاتىستى ",- دەپ راستادى باسەكەلەستىكتى قورعاۋ جانە دامىتۋ اگەنتتىگىنىڭ ءباسپاسوز قىزمەتى.

"قازمۇنايگاز" ءباسپاسوز قىزمەتى ۇلتتىق كومپانيا جۇرگىزىلىپ جاتقان تەرگەۋ شەڭبەرىندە باسەكەلەستىكتى قورعاۋ جانە دامىتۋ اگەنتتىگىمەن بەلسەندى ىنتىماقتاساتىنىن جانە بارلىق سۇراتىلعان اقپاراتتى ۇسىناتىنىن مالىمدەدى. "ۇلتتىق كومپانيا كەز كەلگەن قۇقىق بۇزۋشىلىق كورىنىسىنىڭ اشىقتىعى مەن ونى قابىلداماۋ ساياساتىن دايەكتى تۇردە ۇستانادى", - دەپ ءتۇسىندىردى قمگ.

بۇعان دەيىن اگەنتتىك سۇيىتىلعان گازدىڭ التى كوتەرمە ساتۋشىسىنا قاتىستى تەرگەۋدى باستاعانى حابارلانعان بولاتىن: "قازمۇنايگاز" اق، Petrosun جشس، "سنپس-اقتوبەمۇنايگاز" اق، "سپ قازگەرمۇناي" جشس، "قازاقويل اقتوبە" جشس جانە "قازگوز"جشس  ەلەكتروندى ساۋدا كەزىندە باعانى شامادان تىس وسىرگەنى انىقتالدى. تەرگەۋدىڭ الدىن الا قورىتىندىسى 20 كۇن ىشىندە دايىن بولادى.

سونىمەن قاتار، ۆەدومستۆو سۇيىتىلعان گازدى ساتۋمەن اينالىساتىن 180 كاسىپكەرگە قاتىستى تەرگەۋدى باستادى.

5 قاڭتاردا قاسىم-جومارت توقاەۆ سۇيىتىلعان گاز باعاسىنىڭ كوتەرىلۋىنە بايلانىستى نارازىلىققا جول بەرگەنى ءۇشىن ۇكىمەت، اتاپ ايتقاندا ەنەرگەتيكا مينيسترلىگى، سونداي-اق "قازمۇنايگاز" جانە "قازاقگاز"كومپانيالارى كىنالى ەكەنىن ايتتى.

Abai.kz