قر باس پروكۋرورىنا

ءبىر ايدان كەيىن بەيجىڭدە الەمدەگى ەڭ ماڭىزدى سپورتتىق ءىس-شارا - 24-ءشى قىسقى وليمپيادا ويىندارى باستالادى.

قازاقستان ۇلتتىق قۇراماسىنىڭ ءبىز ءۇشىن ءداستۇرلى سپورت تۇرلەرىنەن ەڭ مىقتى سپورتشىلارىمىز قاتىسقان توكيوداعى ءساتسىز ويىنىن جانە قازاقستاننىڭ قىسقى سپورت تۇرلەرىندە ءالى ەرەكشە جەتىستىكتەرى بولماعانىن ەسكەرە وتىرىپ، الداعى وليمپيادادا كۇرەس ناتيجەلەرىن وزگەشە كۇتەمىز.

سونىمەن قاتار، الەۋمەتتىك جەلىلەردە سوزىلمالى سيپاتقا يە سپورتتىق ورتادا، ونىڭ ىشىندە قازاقستان جاقسى ناتيجەلەرگە جەتەدى دەپ سەنەتىن سپورت تۇرلەرى بويىنشا سىبايلاس جەمقورلىق جانجالدارى ءجيى جارىققا شىعۋدا.

سىبايلاس جەمقورلىق قىلمىستارىنىڭ اراسىندا سپورتتى دامىتۋعا بولىنگەن بيۋدجەت قاراجاتىن جىمقىرۋ، سپورتشىلاردان ولاردى دايىنداۋ مەن ونەر كورسەتۋگە بولىنگەن اقشانى قورقىتىپ الۋ قىلمىستارى دا بار.

ماسەلەن، 2021 جىلدىڭ قازان ايىندا فريستايلدان ۇلتتىق قۇراما سپورتشىسى الەكساندر گەبەرت جانە باسقا سپورتشىلاردى ولارعا تۇسكەن تاۋلىكتىك قاراجاتتى باس باپكەردىڭ جەكە شوتىنا اۋدارۋعا باس تارتۋلارىنا بايلانىستى قۇرامادان شىعارىلعان كەزدە جانجال تۋىندادى.

بەينە حابارلامادان كورىنىپ تۇرعانداي، جۇمىستان بوساتۋ 2020 جىلى ورىن الىپ، سپورتشىنىڭ كاسىبي جارامدىلىعىنا سىلتەمە جاسالدى.

باس جاتتىقتىرۋشى داۋ-داماي تۋرالى ءوز كوزقاراسىن ايتىپ، جاتتىقتىرۋشىلار كوبىنەسە ءوز ەسەبىنەن سپورتشىلاردىڭ تاماقتانۋىن، كەيدە تۇرۋىن تولەۋگە ءماجبۇر بولاتىندىعىن ءتۇسىندىردى. وسىعان بايلانىستى ول سپورتشىلاردان شىعىنداردى وتەۋدى سۇراعان. جاتتىقتىرۋشىنىڭ پىكىرىنشە، بۇل جاعداي ءبىزدىڭ سپورتتا كەڭ تارالعان قۇبىلىس.

الايدا، ايەل جاتتىقتىرۋشى سپورتشىمەن سويلەسۋدە ادەپسىز سوزدەردى قولدانىپ، ونى قورلاعان. بۇل ديالوگتاردىڭ اۋديو جازباسى الەۋمەتتىك جەلىلەردە تاراپ، قوعامدا نارازىلىق تۋدىردى.

وسى ورايدا، مۇنداي شىعىندارعا بيۋدجەتتەن بولىنگەن قاراجات قايدا كەتتى؟

مادەنيەت جانە سپورت مينيسترلىگىنىڭ جاتتىقتىرۋشىنىڭ ورىنسىز مىنەز-قۇلقىنا رەاكتسياسى قايدا؟

ەڭ قاۋىپتىسى، تۇسىنىكتەمەلەرگە سۇيەنسەك، بۇل جاعداي ءتىپتى ەرەكشەلىك ەمەس، بۇل جاعداي - قازاقستاندىق سپورت ءۇشىن ەرەجە.

ماسەلەن، وتكەن جىلدىڭ قاراشا ايىندا ستەپنوگور قالاسىنداعى وليمپيادا رەزەرۆىنىڭ مەكتەپ-ينتەرناتىندا جانجال تۋىندادى، وندا وقىتۋشىلاردىڭ سالعىرتتىعى كەزىندە تاربيەلەنۋشىلەردى ۇرىپ-سوعۋ جۇيەلى تۇردە جۇرگىزىلگەن.

بۇل وسى مەكتەپتەگى ءبىرىنشى جاعداي ەمەس. 2014 جىلى وقۋشى تەرەزەدەن قۇلاپ، باس سۇيەگىنىڭ اشىق سىنۋى، جاقتىڭ سىنۋى، ميدىڭ كونتۋزياسى، وكپەنىڭ زاقىمدانۋىمەن جانە ەكى قابىرعانىڭ دا سىنۋى جاعدايى بولعان. تۋىستارىنىڭ ايتۋىنشا، بالانى الدىمەن ۇرىپ-سوعىپ، سودان كەيىن تەرەزەدەن لاقتىرعان.

وسىعان قاراماستان، ينتەرنات ديرەكتورلارى الدىمەن جۇمىستان شىعارىلعان، سودان كەيىن سەرتيفيكات پەن مەرەيتويلىق مەدال الىپ، بۇل تۋرالى سوڭعىسى الەۋمەتتىك جەلىلەردە ماقتانۋدان جالتارمادى.

تاعى ءبىر جانجال 2021 جىلدىڭ قىركۇيەگىندە اۋىر اتلەتشى البەرت ليندەردىڭ ءوز-وزىنە قول جۇمساۋىنىڭ اياسىندا باستالدى. سول كەزدە قازاقستاننىڭ اۋىر اتلەتيكالىق قاۋىمداستىعى ۇلتتىق قۇرامانىڭ جاتتىقتىرۋشىلار شتابى تاراپىنان بولعان ورەسكەل بۇزۋشىلىقتار تۋرالى بىرقاتار مالىمدەمە جاسادى. تالقىلاۋ قورىتىندىسى بويىنشا، مينيستر قۇرامانىڭ باس جانە اعا جاتتىقتىرۋشىلارىن شەتتەتتى.

الايدا، 2021 جىلعى 1 جەلتوقساندا ۆيتسە-پرەمەر توعجانوۆ اۋىر اتلەتيكا فەدەراتسياسىنىڭ ءوتىنىشى بويىنشا ءمينيستردىڭ جوعارىدا اتالعان بۇيرىعىن جويدى.

بۇل شەشىم جاتتىقتىرۋشىلار قاۋىمداستىعىندا تۇسىنىسپەۋشىلىك تۋدىردى. سونىمەن قاتار، سپورتشىنىڭ قازاسى تۋرالى سۇراقتار سول كۇيى جاۋاپسىز قالدى.

سپورتتاعى سىبايلاس جەمقورلىق ماسەلەسى شەشىلمەيىنشە، بولاشاعى بار جاستاردىڭ تاعدىرى بۇزىلا بەرەدى، ال قازاقستاندىق سپورت ءوز چەمپيوندارىن ءوسىرۋدىڭ ورنىنا دايىن شەتەلدىك لەگيونەرلەردى «يمپورتتايتىن» بولادى.

باياندالعاننىڭ نەگىزىندە، «اق جول» دەپۋتاتتىق فراكتسياسى كەلەسىلەردى سۇرايدى:

1) ستەپنوگورسك قالاسىنداعى سپورت مەكتەپ-ينتەرناتىندا بالالاردى قورقىتۋ جانە ۇرىپ-سوعۋ فاكتىلەرى بويىنشا قانداي شارالار قابىلدانعانىن حابارلاۋ;

2) بارلىق مەكتەپ-ينتەرناتتاردى الىمجەتتىك جانە قورقىتۋ فاكتىلەرىنە تەكسەرۋ جۇرگىزۋ، بالالاردى قورلىق پەن الىمساقتان قورعاۋ;

3) فريستايلشى گەربەرتتىڭ ءوتىنىشى بويىنشا تەكسەرۋ ناتيجەلەرى تۋرالى حاباردار ەتۋ نەمەسە ەگەر ول ءالى جۇرگىزىلمەگەن بولسا، ونى جۇرگىزۋ;

4) البەرت ليندەردىڭ وزىنە-ءوزى قول جۇمساۋداعى جاتتىقتىرۋشىلاردىڭ ءرولىن جانە ولاردىڭ زاڭدى جانە مورالدىق قۇقىعىن جانە اۋىر اتلەتيكا قۇراماسىنىڭ جۇمىسىن ودان ءارى باسقارۋىن ايقىنداۋ.

«اق جول» فراكتسياسىنىڭ دەپۋتاتتارى

Abai.kz