جۇما, 29 ناۋرىز 2024
1873 3 پىكىر 12 قاڭتار, 2022 ساعات 13:53

جاڭا پرەمەر مينيسترلەرگە قانداي تاپسىرما بەردى؟

قر پرەمەر-ءمينيسترى ءاليحان سمايىلوۆ مينيسترلەرگە بىرقاتار مىندەت جۇكتەدى. 

اتاپ ايتساق، ۇلتتىق ەكونوميكا مينيسترلىگىنە مەملەكەتتىك ورگاندارمەن جانە ۇيىمدارمەن بىرلەسىپ، بيىلعى جىلدىڭ 20 قاڭتارىنا دەيىن ۇكىمەتتىڭ 2022 جىلعا ارنالعان ءىس-قيمىل باعدارلاماسىنىڭ جوباسىن ازىرلەۋدى، قىسقا مەرزىم ىشىندە شوب-قا مەملەكەتتىك قولداۋ شارالارىن ۇسىنۋدىڭ اشىق ءارى تۇسىنىكتى تەتىكتەرىن ازىرلەۋدى جانە دامۋ ينستيتۋتتارى (قدب، «دامۋ» قورى جانە ت. ب.) جۇمىسىنىڭ تيىمدىلىگىنە تالداۋ جۇرگىزۋدى تاپسىردى.

ۇكىمەت باسشىسى ۇلتتىق ەكونوميكا مينيسترلىگىنە ۇلتتىق بانكپەن جانە «اتامەكەن» ۇكپ-مەن بىرلەسىپ ينفلياتسياعا قارسى ارەكەت ەتۋ شارالارىنىڭ كەشەنىن وزەكتەندىرۋدى، ءبىر كوزدەن الۋ تاسىلىمەن مەملەكەتتىك ساتىپ الۋ ۇلەسىن قىسقارتۋ تۇرعىسىنان «سامۇرىق-قازىنا» اق ساتىپ الۋ ءتارتىبىن تۇبەگەيلى قايتا قاراۋدى، «سامۇرىق-قازىنا» اق مەن ونىڭ ەنشىلەس كومپانيالارىنىڭ ساتىپ الۋدى جۇزەگە اسىرۋدىڭ بۇكىل پروتسەسىن قايتا قاراۋدى تاپسىردى.

ۇلتتىق ەكونوميكا مينيسترلىگىنە باسەكەلەستىكتى قورعاۋ جانە دامىتۋ اگەنتتىگىمەن، قارجى، ادىلەت مينيسترلىكتەرىمەن جانە «اتامەكەن» ۇكپ-مەن بىرلەسىپ، بيىلعى جىلدىڭ 1 اقپانىنا دەيىن باسەكەلەس ورتاعا بەرۋگە جاتاتىن اكتيۆتەردى ىرىكتەۋ تاسىلدەرىن ازىرلەۋ، ۇكىمەت قاۋلىسىنىڭ ءتيىستى جوباسىن ازىرلەۋ جانە ەنگىزۋ تاپسىرىلدى.

ورتالىق پەن وڭىرلەر اراسىنداعى بيۋدجەتارالىق ءوزارا قارىم-قاتىناستاردىڭ ايقىن قاعيدالارىن قالىپتاستىرۋ ماقساتىندا پرەمەر-مينيستر بيۋدجەت زاڭناماسىنا تۇزەتۋلەر توپتاماسىن دايىنداۋدى جانە جالپى سيپاتتاعى ترانسفەرتتەردى ەسەپتەۋ ادىستەمەسىن جەتىلدىرۋدى تاپسىردى.

ۇلتتىق ەكونوميكا مينيسترلىگىنە مۇددەلى مەملەكەتتىك ورگاندارمەن، باتىس جانە وڭتۇستىك وڭىرلەردىڭ – اقتوبە، الماتى، اتىراۋ، باتىس قازاقستان، جامبىل، قىزىلوردا، ماڭعىستاۋ جانە تۇركىستان وبلىستارىنىڭ اكىمدىكتەرىمەن بىرلەسىپ، «اۋىل – ەل بەسىگى» باعدارلاماسى جانە باسقا دا سالالىق باعدارلامالار اياسىندا جەكەلەگەن باعىتتار ازىرلەۋ تاپسىرىلدى.

نۇر-سۇلتان قالاسىنىڭ اكىمدىگىنە يندۋستريا جانە ينفراقۇرىلىمدىق دامۋ مينيسترلىگىمەن بىرلەسىپ، LRT جوباسىن ودان ءارى پايدالانۋ نۇسقالارى بويىنشا ناقتى ۇسىنىستار ەنگىزۋ تاپسىرىلدى.

ۇكىمەت باسشىسى ۋتيليزاتسيالىق الىم ماسەلەسىن ىسكە اسىرۋدىڭ ناقتى تەتىكتەرى بار ۇسىنىستار دايىنداۋدى، مۇناي ونىمدەرى نارىعىن رەتتەۋ جونىندە شارالار كەشەنىن ازىرلەۋدى، ءبىر اپتا مەرزىمدە ءتيىستى ەسەپتەر جۇرگىزۋدى جانە بەنزين وندىرۋشىلەر مەن دەلدالدار ءۇشىن اكتسيزدەر بويىنشا كەلىسىلگەن ۇسىنىستار ەنگىزۋدى تاپسىردى.

ءا. سمايىلوۆ ءىىم مەن تجم قۇقىق قورعاۋ جۇيەسىن رەفورمالاۋ جونىندەگى جۇمىستى جالعاستىرۋى قاجەت ەكەنىن اتاپ ءوتتى. ءىىم-گە ۇلتتىق ەكونوميكا جانە قارجى مينيسترلىكتەرىمەن بىرلەسىپ، ءبىر اپتا ىشىندە ۇكىمەتكە ءىىم ارناۋلى ماقساتتاعى بولىمشەلەرى مەن ۇلتتىق ۇلاندى ساندىق ءارى ساپالىق نىعايتۋ جونىندە ۇسىنىستار ەنگىزۋ تاپسىرىلدى.

ۇكىمەت باسشىسى پوليتسەيلەردىڭ قۇقىقتىق قورعالۋىن ارتتىرۋ ماسەلەلەرىن پىسىقتاۋدى، قارۋ اينالىمى مەن ءدىني ەكسترەميزمنىڭ تارالۋىنا باقىلاۋدى كۇشەيتۋدى، ءبىر اپتا ىشىندە ۇكىمەتكە ازاماتتىق قورعاۋ ورگاندارىن ماتەريالدىق-تەحنيكالىق جانە الەۋمەتتىك نىعايتۋ جونىندە ۇسىنىستار ەنگىزۋدى، ەلدىڭ ازاماتتىق قورعانىس جوسپارىنا قاجەتتى تۇزەتۋلەر ەنگىزۋدى، توتەنشە جاعداي كەزەڭىندە مەملەكەتتىك ماتەريالدىق رەزەرۆتەن ماتەريالدىق قۇندىلىقتاردى شىعارۋدى جەتىلدىرۋ جونىندە كەلىسىلگەن ۇسىنىستار ازىرلەۋدى تاپسىردى.

قورعانىس مينيسترلىگىنە ۇلتتىق ەكونوميكا، يندۋستريا جانە ينفراقۇرىلىمدىق دامۋ، قارجى مينيسترلىكتەرىمەن بىرلەسىپ، ارنايى بولىمشەلەردىڭ اسكەري قىزمەتشىلەرىنىڭ تابىسىن ارتتىرۋ، اسكەري-كولىك اۆياتسياسىمەن، قارۋ-جاراقپەن جانە اسكەري تەحنيكامەن جاراقتاندىرۋ ماسەلەلەرىن پىسىقتاۋ تاپسىرىلدى.

پرەمەر-مينيستر قارۋلى كۇشتەر مەن بارلاۋ قۇرىلىمدارىن رەفورمالاۋ، اسكەردىڭ قورعانىس قابىلەتىن تۇبەگەيلى ارتتىرۋ جونىندە ۇسىنىستار ازىرلەۋدى جانە قاۋىپسىزدىك كەڭەسى اپپاراتىنىڭ جاقىن اراداعى وتىرىسىنا ەنگىزۋدى تاپسىردى.

ۇكىمەت باسشىسى جۇمىسقا ورنالاسۋعا جانە الەۋمەتتىك قولداۋعا مۇقتاج ازاماتتاردىڭ ناقتى سانىن انىقتاپ، الەۋمەتتىك-ەڭبەك سالاسىن ساپالى جاڭارتۋ بويىنشا جۇمىس جۇرگىزۋ قاجەت ەكەنىن اتاپ ءوتتى. ءا. سمايىلوۆ بيزنەس يدەيالاردى ىسكە اسىرۋعا ارنالعان گرانتتار (400 اەك دەيىن) مەن ەڭبەكاقى مولشەرىن ۇلعايتۋ، جاستار پراكتيكاسىنا، «العاشقى جۇمىس ورنى» جوباسىنا قاتىسۋ مەرزىمىن ارتتىرۋ بويىنشا شارالار قابىلداۋدى تاپسىردى.

ۇلتتىق ەكونوميكا، ەڭبەك جانە حالىقتى الەۋمەتتىك قورعاۋ مينيسترلىكتەرىنە ءبىر اي مەرزىمدە حالىقتىڭ تابىسىن ارتتىرۋ جونىندەگى باعدارلامانىڭ جوباسىن ازىرلەۋ تاپسىرىلدى. ءبىلىم جانە عىلىم مينيسترلىگىنە مۇددەلى مەملەكەتتىك ورگاندارمەن بىرلەسىپ، مۇعالىمدەر تاپشىلىعى بار وڭىرلەر ءۇشىن الەۋمەتتىك قولداۋ شارالارىنىڭ ءتيىستى پاكەتىمەن پەداگوگتاردى تارتۋ باعدارلاماسىن ازىرلەۋ، بەدەلدى شەتەلدىك جوعارى وقۋ ورىندارىنىڭ 5 فيليالىن اشۋ جونىندە شارالار قابىلداۋ تاپسىرىلدى.

پرەمەر-مينيستر مەملەكەتتىك ءبىلىم بەرۋ تاپسىرىسى جوباسىندا تەحنيكالىق باعىتتار بويىنشا، ءبىرىنشى كەزەكتە، باتىس وڭىرلەردە گرانتتار سانىن ۇلعايتۋ، حالىق تىعىز قونىستانعان ءوڭىر جاستارىنىڭ جوعارى وقۋ ورىندارىندا ءبىلىم الۋى ءۇشىن نىسانالى گرانتتار كوزدەۋ قاجەتتىگىن اتاپ ءوتتى.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593