تارازدا جامبىل وبلىسى پوليتسيا دەپارتامەنتىنىڭ باسشىسى، گەنەرال جانات سۇلەيمەنوۆ قايتىس بولدى. جامبىل وبلىسى پوليتسيا دەپارتامەنتىنىڭ ءباسپاسوز قىزمەتى بۇل اقپاراتتى راستادى.

"جانات سۇلەيمەنوۆ قايتىس بولعانى راس. بىراق قانداي جاعدايدا قايتىس بولعانى انىقتالىپ جاتىر", - دەپ حابارلادى پد ءباسپاسوز قىزمەتى.

جانات سۇلەيمەنوۆ 1962 جىلى دۇنيەگە كەلگەن، ىشكى ىستەر ورگاندارىندا 1980 جىلدان باستاپ قىزمەت ەتەدى. ءتۇرلى جىلدارى ەسىرتكى بيزنەسىنە قارسى كۇرەس جونىندەگى كوميتەتتەردى، كريمينالدىق پوليتسيانى، كولىكتەگى پوليتسيا دەپارتامەنتتەرىن، سونداي-اق قىزىلوردا جانە وڭتۇستىك قازاقستان وبلىستارىن باسقاردى. 2017-2019 جىلدارى ىشكى ىستەر ءمينيسترىنىڭ ءبىرىنشى ورىنباسارى قىزمەتىن اتقاردى.

جامبىل وبلىسى پوليتسيا دەپارتامەنتىنىڭ باستىعى لاۋازىمىنا جانات سۇلەيمەنوۆ 2020 جىلدىڭ اقپان ايىندا قورداي اۋدانىنداعى وقيعالاردان كەيىن تاعايىندالعان ەدى.

Abai.kz