جۇما, 4 جەلتوقسان 2020
COVID-19 قازاقستاندا. جۇقتىرعاندار — 134706. جازىلعاندار — 118643. قايتىس بولعاندار — 1990
جاڭالىقتار 2055 0 پىكىر 5 قىركۇيەك, 2012 ساعات 09:15

ەڭ كىشكەنتاي دومبىرا

قىتايدىڭ التاي ايماعىنا قاراستى بۋىرشىن اۋدانى، ەگىزتوبە اۋىلىندا ەلەكتريك بولىپ جۇمىس ىستەيتىن بولاتبەك قارىمقانۇلى ەڭ كىشكەنتاي دومبىرا جاساپ، قازاقتىڭ اتىن تاعى ءبىر اسپانداتتى.

29 جاسار شەبەر جىگىتتىڭ قولىنان شىققان شىناشاقتاي ساز اسپابى گيننەستىڭ رەكوردتار كىتابىنا ەنىپ، 01-1201-09541 ءنومىرلى كۋالىككە يە بولدى.
ەل شەتى، جەل وتىندە جۇرگەن قانداستارىمىز ۇلت مۇرالارىن ۇلىقتاۋ ءۇشىن وسىعان دەيىن ءبىر مەزگىلدە 13 مىڭ 288 ادام «قارا جورعا» ءبيىن بيلەپ، 10 450 دومبىراشى كۇي تارتىپ، ميللياردتاردىڭ ىشىنەن توپ جارعان ەدى. سونداي-اق سوزساڭ قولىڭ، قۇشاقتاساڭ قۇشاعىڭ جەتپەيتىن، ەسىك پەن توردەي دومبىرا جاساپ، ايدى اسپانعا ءبىر-اق شىعارعانى دا بەلگىلى. ەندى مىنە، ەڭ كىشكەنتاي قولونەر تۋىندىسىمەن تالايلاردى تامساندىرىپ، تورتكۇل دۇنيەنىڭ نازارىن ءتول مۇرامىزعا اۋدارىپ وتىر.

قىتايدىڭ التاي ايماعىنا قاراستى بۋىرشىن اۋدانى، ەگىزتوبە اۋىلىندا ەلەكتريك بولىپ جۇمىس ىستەيتىن بولاتبەك قارىمقانۇلى ەڭ كىشكەنتاي دومبىرا جاساپ، قازاقتىڭ اتىن تاعى ءبىر اسپانداتتى.

29 جاسار شەبەر جىگىتتىڭ قولىنان شىققان شىناشاقتاي ساز اسپابى گيننەستىڭ رەكوردتار كىتابىنا ەنىپ، 01-1201-09541 ءنومىرلى كۋالىككە يە بولدى.
ەل شەتى، جەل وتىندە جۇرگەن قانداستارىمىز ۇلت مۇرالارىن ۇلىقتاۋ ءۇشىن وسىعان دەيىن ءبىر مەزگىلدە 13 مىڭ 288 ادام «قارا جورعا» ءبيىن بيلەپ، 10 450 دومبىراشى كۇي تارتىپ، ميللياردتاردىڭ ىشىنەن توپ جارعان ەدى. سونداي-اق سوزساڭ قولىڭ، قۇشاقتاساڭ قۇشاعىڭ جەتپەيتىن، ەسىك پەن توردەي دومبىرا جاساپ، ايدى اسپانعا ءبىر-اق شىعارعانى دا بەلگىلى. ەندى مىنە، ەڭ كىشكەنتاي قولونەر تۋىندىسىمەن تالايلاردى تامساندىرىپ، تورتكۇل دۇنيەنىڭ نازارىن ءتول مۇرامىزعا اۋدارىپ وتىر.

بالا كۇنىنەن ەكى قولى تىنىم تاپپايتىن بولات قارىمقانۇلى اعاشتان ويۋ ويىپ، ءتۇرلى بۇيىم جاساۋدى جانىنا سەرىك ەتىپ، ادەتكە اينالدىرعان. قولى قالت ەتكەندە عالامتور بەتتەرىن اقتارىپ، تاڭ­عاجايىپ تۋىندىلار جايلى دە­رەكتەر وقىعاندى دۇرىس كورەدى. وسىنداي ءبىر وزىندىك ىزدەنىس ءۇستىن­دە باسقا ۇلتتاردىڭ اسپاپتارى ءتۇر-تۇرىمەن تولىپ تۇرعانىن بايقاي­دى. ال قازاقتىڭ دومبىراسىن مۇلدە تابا الماپتى. ءسويتىپ، ءوزى قولعا الماققا بەكىنەدى. باستاپقىدا «اقىرى كىرىسكەن سوڭ، ۇلكەن ەتىپ ءبىر-اق جاسايىن» دەپ ويلايدى. الايدا وعان قوماقتى قاراجات كەتەتىندىكتەن، مۇرشاسى كەلمەيدى. ءدال سول تۇستا اكەسى دە ناۋقاستا­نىپ، جيعان-تەرگەنىن جۇمساپ قويادى. دەگەنمەن العان بەتىنەن قايتپاي، نەعۇرلىم شاعىن ەتىپ جاساۋعا بەل بۋادى. اۋەلى دومبىرانىڭ سىرتقى قابىن جونىپ، دايارلاپ الىپتى. سودان كەيىن اسپاپتىڭ وزىنە كوشەدى. ۇزىندىعى - 4,5 سانتيمەتر، ەنى - 1,4 سانتيمەتر، بيىكتىگى - 1,2 سانتيمەتر عانا بولاتىن قوس ىشەكتى ينەمەن شەرتىپ، ويناۋعا بولادى. داۋىسى دۇرىس شىعۋ ءۇشىن قا­راجيدە اعاشىن الىپ، ءاربىر بولشەگىن جەكە جونىپ، ءبىر-ءبى­رىمەن قيۋلاستىرىپ وتىرادى. سىرت ءپى­شىنىن قازاقى ويۋ-ورنەكتەرىمەن بە­زەندىرىپ، اسپەتتەي تۇسەدى.
گيننەستىڭ رە­كوردتار كىتابىنا ەنۋدىڭ تالاپتارىنا ساي ەتىپ، ەرەجەلەرى­نەن اۋىتقىماۋعا تىرىسقان شەبەر بۇل ىسكە ءبىر اي ۋاقىت جۇمسايدى. كوزدەگەن ماقساتىنا قول جەت­كىزگەن سوڭ، 2011 جىل­دىڭ قاراشاسىندا قىتايداعى گيننەس­تىڭ رەكوردتارىن سا­رالايتىن كومميسسيانىڭ تالقى­سىنا ۇسىنادى.
«ازاتتىق» راديوسىنىڭ ءتىل­شىسىنە تەلەفون ارقىلى بەرگەن سۇحباتىندا:
- كىشكەنتاي كەزىمنەن ءتۇرلى بۇيىمدار جاساۋعا قۇمارتاتىنمىن. بىراق وسە كەلە باسقا ماماندىقتى تاڭداۋعا تۋرا كەلدى. قازىر ەنەرگەتيكا سالاسىندا جۇمىس ىستەيمىن.
وسىدان ءبىر اي بۇرىن شاماسىندا دومبىرامنىڭ گيننەستىڭ رەكورد­تار كىتابىنا №01-1201-09541 بو­لىپ تىركەلگەنى تۋرالى سەرتيفي­كات الدىم. قۋانىشىمدا شەك جوق. جىبەرۋىن جىبەرسەم دە ۋاقىت وتكەن سايىن كۇدەرىمدى ۇزە باستاعان ەدىم. ەكى ىشەكتى توعىز پەرنەلى كىشكەن­تاي دومبىرانى قولمەن ويناۋ ءمۇم­كىن ەمەس، بىراق كوميسسيا ساراپتا­ماسى بويىنشا كۇي تارتۋدىڭ بار­لىق تالاپتارىنا ساي كەپتى، - دەيدى ول.

قانشايىم بايداۋلەت

"ايقىن" گازەتى

0 پىكىر