سەيسەنبى, 1 جەلتوقسان 2020
COVID-19 قازاقستاندا. جۇقتىرعاندار — 132348. جازىلعاندار — 116863. قايتىس بولعاندار — 1990
جاڭالىقتار 1466 0 پىكىر 5 قىركۇيەك, 2012 ساعات 09:12

ايدوس سارىم: «شكولنيك جالبارىنىپ جاتقانداي»

«ءبىزدىڭ قوعامدا رەسەيدى دۇشپان بەينەسىندە تانۋ ءۇردىسى قالىپتاسىپ كەلەدى» - دەگەن «قازاتومونەركاسىپ» ۇاك» اق باسقارما توراعاسى ۆلاديمير شكولنيكتىڭ مالىمدەمەسىنە وراي ساياساتتانۋشى ايدوس سارىممەن جەدەل سۇحبات

جاس قازاق: ايدوس اعا، استانادا وتكەن ءباسپاسوز ءماسليحاتىندا «قازاتومونەركاسىپ» ۇاك» اق باسقارما توراعاسى ۆلاديمير شكولنيك «جۇرت ءبىزدى رەسەيگە ءبىر نارسە ساتىپ، سولاردىڭ پايداسىنا جۇمىس ىستەپ جاتقانداي كورەدى. ءبىزدىڭ قوعامدا رەسەيدى دۇشپان بەينەسىندە تانۋ ءۇردىسى قالىپتاسىپ كەلەدى» - دەپ مالىمدەدى. شىنتۋايتىندا وسىلاي ما؟

«ءبىزدىڭ قوعامدا رەسەيدى دۇشپان بەينەسىندە تانۋ ءۇردىسى قالىپتاسىپ كەلەدى» - دەگەن «قازاتومونەركاسىپ» ۇاك» اق باسقارما توراعاسى ۆلاديمير شكولنيكتىڭ مالىمدەمەسىنە وراي ساياساتتانۋشى ايدوس سارىممەن جەدەل سۇحبات

جاس قازاق: ايدوس اعا، استانادا وتكەن ءباسپاسوز ءماسليحاتىندا «قازاتومونەركاسىپ» ۇاك» اق باسقارما توراعاسى ۆلاديمير شكولنيك «جۇرت ءبىزدى رەسەيگە ءبىر نارسە ساتىپ، سولاردىڭ پايداسىنا جۇمىس ىستەپ جاتقانداي كورەدى. ءبىزدىڭ قوعامدا رەسەيدى دۇشپان بەينەسىندە تانۋ ءۇردىسى قالىپتاسىپ كەلەدى» - دەپ مالىمدەدى. شىنتۋايتىندا وسىلاي ما؟
ايدوس سارىم: ەگەر رەسەيگە قارسى قوعامدىق نارازىلىق پىكىر تۋىنداپ جاتقان بولسا، دۇشپان بەينەسىندە تانىپ جاتسا، وعان رەسەيدىڭ بۇگىنگى باسشىلىعى، كرەملدىڭ جۇرگىزىپ وتىرعان ساياساتى كىنالى دەپ ەسەپتەيمىن. مىسالعا تەك قانا قازاق قوعامىن الاتىن بولساق، ولاردىڭ تاريحي سانامىزدىڭ قالىپتاسۋىنا ىرىتكى سالىپ جاتقان قارسى ساياساتى، زۇلمات جىلدارىن مويىنداماۋى، وسىعان قارسى شىعىپ جاتقانداردى فاشيست دەپ اتاۋ ساياساتى اينالىپ كەلگەندە، قازاق قوعامىنىڭ اراسىندا رەسەيگە دەگەن نارازىلىق تۋدىرىپ جاتقانى فاكت. ەكونوميكادان، بيزنەستەن كىشكەنە حابارى بار ادام ەلىمىزدەگى كوپتەگەن اتوم سالاسىنداعى جوبالاردىڭ رەسەيگە تىكەلەي بايلانعانىن كورىپ وتىر. ونى سول سالادا جۇرگەن ماماندار دا مويىندايدى. ساراپشىلار دا بۇل شىندىقتى جوققا شىعارمايدى. شكولنيكتىڭ بۇل ءسوزى ءبىزدىڭ ۇكىمەتكە ەمەس، رەسەيدىڭ ۇكىمەتىنە جالبارىنىپ جاتقانداي اسەر قالدىردى. وعان وسىعان دەيىن عىلىم سالاسىندا بولسىن، ءوزى باسقارعان مينيسترلىككە بايلانىستى بولسىن  تالاي سىن ايتىلدى. شىنتاۋايتىنا كەلگەندە، ونىڭ جاڭاعىداي پىكىر ايتۋعا قاقىسى جوق.
جاس قازاق: مۇنى ايتقانداعى ماقساتى قانداي دەپ ويلايسىز؟
ايدوس سارىم: بىرىنشىدەن، شكولنيك بەلگىلى ءبىر كوزقاراستا جۇرگەن ادام. رەسەيدىڭ مۇددەسىن ءبىزدىڭ ەلىمىزدە جالعاستىرىپ جاتقان ازامات. ەكىنشىدەن، وسىنداي اڭگىمەلەر ارقىلى وزىنە ايتىلىپ جاتقان سىنداردى بيلىكتىڭ بولماسا باسقا دا ءبىر ادامداردىڭ الدىندا جابۋدىڭ ءبىر جولى سياقتى. وعان نازار اۋدارۋدىڭ قاجەتى جوق.
جاس قازاق: جالپى، شكولنيكتىڭ مۇنداي پىكىر ايتۋىنا نەگىز بار ما؟
ايدوس سارىم: نەگىز جوق دەپ ەسەپتەيمىن. وعان ايتىلىپ جاتقان سىننىڭ بارلىعى نەگىزىنەن ءومىردىڭ ءوزى راستاپ وتىرعان دۇنيەلەر. ەلىمىزگە كىشىگىرىم اتوم قۋاتىن وندىرەتىن قوندىرعىلاردى نەگە تەك رەسەيدەن الىپ كەلەمىز؟ سول قوندىرعىلاردى جاپونيادان دا الساق بولادى. بىردەڭە سالساق تا سول رەسەيلىكتەردىڭ كومەگىنە جۇگىنەمىز. شىندىعىنا كەلگەندە، ول جاقتان العان قوندىرعىلار جارامسىز بولىپ قالۋدا. تەحنولوگيالىق تۇرعىدان رەسەيدى دامىعان ەل دەپ ايتۋ قيىن. ونىڭ بۇل سوزىنەن ساياساتتان باسقا دا مۇددەلەردى تابۋعا بولادى. رەسەيمەن ەنشىلەس ۇيىمدار، كاسىپورىندار بار. سولاردىڭ ءبارىن تەكسەرەتىن بولساق، تالاي بىلىقتى تابۋعا بولادى.

ەلدوس ومىرزاقۇلى

"جاس قازاق" گازەتى

0 پىكىر