بەيسەنبى, 18 تامىز 2022
بيلىك 1221 0 پىكىر 5 قاڭتار, 2022 ساعات 11:41

باس ءمۇفتي: اللادان ەلدىڭ تىنىشتىعىن سۇرايىق...

قازاقستاننىڭ باس ءمۇفتيى، قمدب باسشىسى ناۋرىزباي قاجى تاعانۇلى سۇيىتىلعان گاز باعاسىنا بايلانىستى نارازىلىقتاردان كەيىن ەل تۇرعىندارىنا بەينەۇندەۋ جاسادى.

«قۇرمەتتى وتانداستار! قادىرلى اعايىن! اتا-بابامىزدىڭ ارمانى بولعان تاۋەلسىزدىگىمىزگە وسىدان 30 جىل بۇرىن قول جەتكىزدىك. قازىرگى تاڭدا وسى تاۋەلسىزدىكتى ساقتاۋ – ءاربىر قازاقستاندىق ءۇشىن قاستەرلى، قاسيەتتى بورىش. اللا تاعالا تاۋەلسىزدىگىمىزدى باياندى ەتسىن. تىنىشتىعىنان ايىرىلعان ەل – جۇلدىزى جوق اسپان ىسپەتتى دەيدى. تىنىشتىق بولماسا، كاسىپتىڭ، دۇنيەنىڭ ەش پايداسى بولمايتىنى بارشاڭىزعا بەلگىلى»، - دەدى ناۋرىزباي قاجى تاعانۇلى.

باس ءمۇفتيدىڭ ايتۋىنشا، اللا تاعالا قاسيەتتى قۇراندا «جەر بەتىندە تىنىشتىق ورناعاننان كەيىن بۇلىك جاساماڭدار» دەيدى.

«قازىرگى ۋاقىتتا، قادرىلى اعايىن، بارشامىزعا بىرلىك، باۋىرمالدىق قاجەت. سوندىقتان بارلىعىمىز اللادان ەلدىڭ بىرلىگىن، تىنىشتىعىن سۇرايىق. وسى ەل ءۇشىن، ەلدىڭ بىرلىگى ءۇشىن ارقايسىسىمىز شامامىز كەلگەنشە ۇلەس قوسۋعا تىرىسايىق. جاراتۋشى اللا تاعالا ءبىزدىڭ ەلىمىزگە، وتانىمىزعا اۋىزبىرشىلىك، ىنتىماق ءناسىپ ەتسىن! اللا ءتىل-كوزدەن ساقتاسىن. ءىشىمىزدى داۋدان، سىرتىمىزدى جاۋدان ساقتاسىن! جاراتۋشى جاپپار يەمىز قازاق حالقىنا اۋىزبىرشىلىك، ىنتىماق بەرىپ، ەكى دۇنيەنىڭ باقىتىن ءناسىپ ەتسىن»، - دەدى باس ءمۇفتي.

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2759
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2127
ادەبيەت

ءتۇس

ەرعالي باقاش 1799
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2893