جۇما, 20 مامىر 2022
دەپ جاتىر 11113 8 پىكىر 3 قاڭتار, 2022 ساعات 13:51

جاڭاوزەن تالابى. ءماميننىڭ جاۋابى...

2021 جىلدىڭ 2 قاڭتارىندا جاڭاوزەن حالقى گاز باعاسىنىڭ كۇرت وسۋىنە نارازىلىق ءبىلدىرىپ، قالا ورتالىعىنا شىقتى. حالىق نارازىلىعىنا قاتىستى پرەزيدەنت قاسىم-جومارت توقاەۆ ارنايى تۋيت جازىپ، ۇكىمەتكە تاپسىرما بەرگەن بولاتىن.

ال ۇكىمەت باسشىسى اسقار مامين پرەزيدەنت تاپسىرماسىنا قاتىستى جاۋاپ بەردى. پرەمەر-ءمينيستردىڭ جاۋابىن وزگەرتپەستەن جاريالاپ وتىرمىز.

ۇكىمەت شەشىمى:

-مەملەكەت باسشىسى ق. ك. توقاەۆتىڭ تاپسىرماسى بويىنشا ۇكىمەت جاڭاوزەن قالاسىنداعى جاعدايعا قاتىستى شارالار قابىلدايدى.

قر پرەمەر-ءمينيسترى ا.ءماميننىڭ وكىمىمەن ماڭعىستاۋ وبلىسىنداعى الەۋمەتتىك-ەكونوميكالىق جاعدايدى قاراستىرۋ ءۇشىن ۇكىمەتتىك كوميسسيا قۇرىلدى.

مەملەكەت باسشىسىنىڭ تاپسىرماسىن ورىنداۋ ماقساتىندا ۇكىمەت سۇيىتىلعان مۇناي گازىنىڭ باعاسىن رەتتەۋ بويىنشا شارالار توپتاماسىن ىسكە اسىرادى.

باسەكەلەستىكتى قورعاۋ جانە دامىتۋ اگەنتتىگى اجقس يەلەرىنە قاتىستى باعالىق ءسوز بايلاسۋ بويىنشا تەرگەۋدى باستادى. قازىرگى ۋاقىتتا ماڭعىستاۋ وبلىسىنىڭ اجقس يەلەرى بيزنەستىڭ الەۋمەتتىك جاۋاپكەرشىلىگى اياسىندا باستاماشىلىق تارتىپپەن گاز قۇنىن ليترىنە 120 تەڭگەدەن 85-90 تەڭگەگە دەيىن تومەندەتۋ تۋرالى شەشىم قابىلدادى.

باعا دالىزدەرىن بەلگىلەۋ ارقىلى باعانىڭ ۇزاق مەرزىمدى تۇراقتىلىعىن قامتاماسىز ەتۋ جانە گاز باعاسىنىڭ الىپساتارلىق كوتەرىلۋىنە جول بەرمەۋدىڭ جۇيەلى شارالارى جۇزەگە اسىرىلاتىن بولادى.

ۇكىمەت، ماڭعىستاۋ وبلىسىنىڭ اكىمدىگى پروكۋراتۋرا ورگاندارىمەن بىرلەسىپ، قوعامدىق ءتارتىپتى بۇزۋمەن بايلانىستى بولعان وقيعانى قۇقىقتىق باعالاۋ بويىنشا شارالار قابىلدايدى.

Abai.kz

8 پىكىر